प्रकाश 7:11 - Sunuwar Bible

¹¹ मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।

प्रकाश 7:11 ပူးပေါင်းရင်းမြစ်များ

भजन संग्रह 45:11

पिपमी इ दारस तशा, इ कली दाक्‍शो बाक्‍ब। मेको कली जिम्‍मा गेंसीशा मान पावो। मारदे हना मेको इ प्रभु बाक्‍ब।

भजन संग्रह 97:7

मूर्ति पूजा पाइब नेल्‍ल मुने तोक्‍चा पुंइसीनीम। मूर्ति कली थमा सुइक्‍बपुकी मुने दोक्‍नीम। देवी देवता नेल्‍ल परमप्रभु आ ङोंइती बाप्‍पीन। येरमीया ४६:२५; हिब्रू १:६

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

हिब्रू 1:6

आ ङोंइती जरमेशो तौ कली रागीम सोइक्‍तानु “आं स्‍वर्ग ङा गेय पाइब नेल्‍लेमी मेको कली मान पा ठेयब सेल्‍मेक्‍ल” देंत। भजन संग्रह ९७:७; रोमी ८:२९

प्रकाश 11:16

मिनु परमप्रभु यावे आ ङोंइती मेको २४ जना शेंब खाल्‍पा आन नित्‍तीकेमी निश्‍शा, परमप्रभु यावे आ ङोंइती खुम्‍की पा बाप्‍शा मान पाम्‍तेक्‍म। प्रकाश ४:४,१०

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

प्रकाश 22:9

मेकोमी चहिं आं कली “मपावो, गो परमप्रभु यावे आ लोव़ पाइब इ लोक्‍बपुकी नु एको किताबमी ब्रेक्‍शो लोव़ पाइबपुकी खोदेंशो परमप्रभु यावे आ वाइल नङ। परमप्रभु यावे आ ङोंइती बाप्‍शा मान पावो” दे माइक्‍ती।

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 4:6

मिनु नित्‍तीक आ ङोंइती समुन्‍द्र खोदेंशो दिंम का बाक्‍त। मेको दिंम सिसा खोदेंब टल्‍केशो तांइसाक्‍व। मिनु मेको ठेयब नित्‍तीके आ एर ओंथ आन रां नेल्‍ले शुश मिक्‍च पाइश्‍शो ४ ओटा सेस जन्‍तु बाक्‍तेक्‍म। इजीकीएल १:५,१०,२२

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४