प्रकाश 6:9 - Sunuwar Bible9 मिनु पाठामी मेको लीशो छाप सां रे का प्राक्गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्त परमप्रभु यावे आ तौ बाक्ब, दे शेंचा आ पर्बम साइक्चा पुंइसीशो मुर बाक्तेक्म। အခန်းကိုကြည့်ပါ။ |
प्रकाश 6:9
21 ပူးပေါင်းရင်းမြစ်များ
मिनु नोले चढ़ेबमी मेको हुश ग्रुम्तीक ताम्बु आ आगामी बाक्शो धूप चढ़ेतीके आ ग्रोव़पुकीमी ख्रेक्चा माल्ब। मेको ब्रोव़शो रिना पाइश्शो धूप परमप्रभु यावे आ ङोंइती चढ़ेतीके बाक्ब। मिनु लीशो हुश नेल्ले ग्रुम्तीक ताम्बु आ ओव़तीक ङा चोशा चढ़ेतीक आ पुंम मोइक्चा माल्ब। प्रस्थान ३०:१,६; प्रस्थान ४०:६
मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।
मिनु नोले गो मेको परमप्रभु यावे आ स्वर्ग ङा गेय पाइब कली सेउ पचा कली आ खोइलीमी बाप्ती। मेकोमी चहिं आं कली “मपावो। गो गे नु इ लोक्बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्पाइश्शो लोव़ ला पाइनीम” दे माइक्ती। प्रकाश २२:८-९
“इन बाक्तीक सहरम सैतान आ नित्तीके बाक्ब, दे गो तुइक्नुङ। गेपुकीमी ‘गो येसु ख्रीस्त आ मुर नकी’ दे आं कली थमा सुइक्चा मप्रोंइनी। मिनु इन सहरम सैतान आ नित्तीके बाक्मेनु, अन्टीपास माइश्शो आं कली मप्रोंइथु, थमा सुइक्ब नु आं लोव़ शेंब बाक्त। मिनु मुरुमी मेको कली सैतान आ बाक्तीकेमी बाक्शा, साइक्तेक्म हना यो, गे आं कली थमा सुइक्चा मप्रोंइनी।
मिनु नोले गो नित्तीकपुकी ताता। मेको नित्तीकपुकीमी मुर निश्शो बाक्तेक्म। परमप्रभु यावेमी मेको आन कली निसाफ पचा गेप्तु। मिनु नोले गो येसु कली थमा सुइश्शा, आ लोव़ नु परमप्रभु यावे आ लोव़ पतीके आन पिया ख्रोइक्चा पुंइसीब आन कली तातामी। मेकोपुकीमी ठेयब जन्तु नु मेको आ मूर्ति कली पूजा मपामे बाक्त। मिनु मेको ठेयब जन्तु आ छाप आन कुप्फीम नु आन गुइमी यो वोइक्चा मबिस्समा बाक्त। मिनु मेको लेंशा ब्रोंइशा, ख्रीस्त नु हजार का बर्स सम्म सासन पाम्तेक्म। प्रकाश ३:२१; मत्ती १९:२८; १कोरिन्थी ६:२
ကြော်ငြာတွေ