प्रकाश 6:8 - Sunuwar Bible

⁸ मिनु गो हौ शारा का ताता। मिनु मेको शारा ङोइक्‍ब आ नें चहिं साइक्‍पाइक्‍ब नु बेक्‍पाइक्‍ब बाक्‍त। मिनु रागी ङा बेक्‍शो मुरपुकीमी मेको आ नोले खोइक्‍तेक्‍म। मिनु मेको कली रागी ङा ४ भाग ङा भाग का मुर आन कली साइक्‍पाइक्‍चा, दे अधिकार गेशो बाक्‍त। दोपा साइक्‍पाइक्‍चा गेशो बाक्‍त देंशा हना, कोइ आन कली तरवारम साइक्‍पाइक्‍चा, कोइ आन कली अन्‍कालम बेक्‍पाइक्‍चा, कोइ आन कली मुर साइक्‍ब रोइ पा बेक्‍पाइक्‍चा नु कोइ आन कली जन्‍तुमी साइक्‍पाइक्‍चा, दे अधिकार गेशो बाक्‍त। इजीकीएल १४:२१

प्रकाश 6:8 ပူးပေါင်းရင်းမြစ်များ

हितोपदेस 5:5

मेको आ लां बेक्‍चा कली लुक्‍च लाइब। मेको बेक्‍शो मुर आन बाक्‍तीके लचा कली आंम कली तेक्‍ने मचाप्‍ब।

यसैया 25:8

मेना परमप्रभु, परमप्रभु यावेमी मुर नेल्‍ल आन प्रेक्‍कु फिक्‍ब। आ मुर आन कली मदाक्‍तीके रागी नेल्‍ल रे ग्रुंइब। मारदे हना परमप्रभु यावेमी मेको लोव़ पाप्‍तु। १कोरिन्‍थी १५:५५; प्रकाश ७:१७

येरमीया 14:12

मेकोपुकी माइजा बाक्‍तेक्‍म हना यो, गो मेको आन पुंइशो मनेंनुङ। मेकोपुकीमी चोशा चढ़ेतीके, अन्‍न चढ़ेतीके चढ़ेम्‍तेक्‍म हना यो, गो मेको आन कली मब्राइ‍नुङमी। मेको आ पा ङा गो मेको आन कली, तरवार, अन्‍काल नु बेक्‍तीक रोइम साइक्‍नुङमी” दे माइक्‍ती। यसैया ५८:३; येरमीया ६:२०

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

येरमीया 16:4

“मेकोपुकी मसाब रोइम बेक्‍नीम। मेको आन पर्बम सुइम रोंका मपाइनीम। मेको आन कली सुइम मथिम्‍नीम। मेकोपुकी खपीम मोव़ल खोदेंशो पा बाक्‍नीम। मेको तरवार नु अन्‍कालम बेक्‍नीम। आन बेक्‍शो रां सरीङ ङा चिक्‍ब नु रागी ङा जन्‍तु आन ब्‍वतीक थोव़क दुम्‍नीम” देंत। येरमीया ९:२१

येरमीया 24:10

गो मेको आन कली तरवार, अन्‍काल नु मुर बेक्‍तीक रोइ सोइक्‍नुङ। मेको आन कली नु आन किकी पिपी आन कली गेशो रागी रे मेको नेल्‍ल मबेक्‍मा सम्‍म मो पाइनुङ” दे परमप्रभु यावेमी देंत।

येरमीया 29:17

मुर नेल्‍ल आन परमप्रभु यावेमी “गो मेको आन पर्बम तरवार, अन्‍काल नु मुर बेक्‍तीक रोइ सोइक्‍नुङ। मिनु गो मेको आन कली राक्‍शो फोव़शी गेडा खोदेंशो सेल्‍नुङमी। मिनु मेको थाम्‍पा राक्‍शा ब्‍वचा मदुम्‍चा ङा बाक्‍नीम। येरमीया २४:८-१०

येरमीया 43:11

मेको जाक्‍शा इजीप्‍त कली लडाइ तोइब। मिनु बेक्‍तीक रोइम बेक्‍चा ब्रेक्‍शो, बेक्‍तीक रोइ पा बेक्‍नीम। ग्‍याइश्‍शा लाइक्‍चा पुंइसीचा ब्रेक्‍शो, ग्‍याइश्‍शा लाइक्‍चा पुंइसीनीम। मिनु तरवारम साइक्‍चा पुंइसीचा ब्रेक्‍शो, तरवार साइक्‍चा पुंइसीनीम। येरमीया १५:२

इजीकीएल 29:5

मिनु गो इ कली नु इ खोला ङा ङांइ नेल्‍ल आन कली गोरशो रागीम ताइक्‍नन्‍नी। मिनु गे दिंमम गोल्‍नेवे। इन कली सुइम खुप्‍शा मथिम्‍नीम। गो इ कली रागी ङा जन्‍तु नु सरीङ ङा चिक्‍ब आन कली ब्‍वचा कली गेनुङ।

इजीकीएल 5:12

इ दातेमी, भाग सांम भाग का मुर बेक्‍तीक रोइम नु अन्‍कालम बेक्‍नीम। मिनु अर्को भाग तरवारम बेक्‍नीम। मिनु नोले ङा भाग फशेम ते ते फ्राइनुङमी। मिनु गो मेको आन कली तरवारम खेदा पाइनुङमी। इजीकीएल ५:२

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

हबकुक 2:5

मिनु शुश शोंप कली थमा सुइक्‍चा दूली बाक्‍ब। ठेयब लेश्‍शो मुर मलीब। मेको आ शोव़ तुरस खोदेंशो पा पाक्‍शा बाक्‍ब। बेक्‍पाइक्‍ब खोदेंशो पा गेनायो मरूब। रागी रागी ङा मुर नेल्‍ल आन कली खुप्‍शा आंम के सेल्‍ब” देंत।

जकरिया 6:3

मेको आ नोले ङा बग्‍गी बुश शारापुकीमी कीशो बाक्‍तेक्‍म। मिनु नेल्‍ल क्‍येङा नोले ङा बग्‍गी पाङग्रे शारापुकीमी कीशो बाक्‍तेक्‍म। प्रकाश ६:१-८; जकरिया १:८

मत्ती 11:23

ए कापेरनाउम, मार गे स्‍वर्ग सम्‍म क्‍युक्‍सीनेवे ङा? नरकम तोक्‍चा पुंइसीनेवे। मारदे हना गेमी तशो छक लाक्‍चा ङा गेय नु चिन्‍ड सोदोम ङा मुरपुकीमी तशो नम हना, आन थुं परमप्रभु यावे गे लेश्‍शा सजाइ रे ब्रोंइचा ताम वा, मिनु सहर मुल सम्‍म ली वा। मत्ती ४:१३; मत्ती ८:५; मत्ती ९:१; यसैया १४:१३,१५

मत्ती 24:7

मारदे हना ङोंइती जात जात नु राज्‍य राज्‍यमी लडाइ पाइनीम। रागी रागीमी अन्‍काल दुम्‍ब, एर ओंथ ख्रिनु कुइब।

१ कोरिन्‍थी 15:55

ए बेक्‍चा, इ ग्रातीक ते लमे? ए बेक्‍चा, इ हिंपाइक्‍तीक ते लमे?” दे ब्रेक्‍शो बाक्‍ब।यसैया २५:८,; होसे १३:१४

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

प्रकाश 12:4

मेको आ मीलुमी सरीङ ङा सोरुल भाग सां ङा भाग का कीशा, रागीमी तोक्‍तीमी। मिनु मेको ठेयब बुस्‍स मेको आल थिचशो मीश मुर आ ङोंइती राप्‍शा, आ आल ब्‍वचा कली रिम्‍शा बाक्‍त। दानीएल ८:१०

प्रकाश 9:15

मिनु मेको परमप्रभु यावे आ स्‍वर्ग ङा गेय पाइबमी मेको आन कली प्रोंइतु। मेकोपुकी ङोंइती मारदे पाइश्‍शा वोइश्‍शो बाक्‍तेक्‍म देंशा हना, परमप्रभु आ देंशो घन्‍टा, नाक्‍त, महिना नु बर्स नेल्‍ल रागी ङा मुरपुकी भाग सां ङा भाग का साइक्‍चा, दे ठीक पा वोइश्‍शो बाक्‍तेक्‍म। प्रकाश ८:-

प्रकाश 9:18

मिनु मेको मी, कुन नु गन्‍धक रे मुरपुकी भाग सां ङा भाग का बेक्‍तेक्‍मे।