प्रकाश 6:11 - Sunuwar Bible

¹¹ मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।

प्रकाश 6:11 ပူးပေါင်းရင်းမြစ်များ

दानीएल 12:13

तन्‍न गे, दानीएल, इ लां लशा, थुं नांइसो। मिनु नोले ङा नाक्‍ती इ इनाम तचा कली बेक्‍चा रे सेंचा पुंइसीनेवे” देंत।

मत्ती 10:21

लोक्‍बमी आ लोक्‍ब कली साइक्‍पाइक्‍चा गेब। आफोमी तमी तौ आन कली नु तमी तौपुकीमी यो आम आफ कली मरिम्‍शो पा साइक्‍पाइक्‍नीम। मीका ७:६

लूका 15:22

मिनु आफोमी गेय पाइब आन कली ‘नेल्‍ल क्‍येङा दारशो फेक्‍तीक वा ग्रुंइशा, आं तौ कली फेक्‍तीने। आ गुइमी औंठी लिक्‍तीन। जुत्ता मुइक्‍पतीने।

यूहन्‍ना 16:2

मुरपुकीमी इन कली ग्रुम्‍तीक खिं रे तिल्‍नीम। थमा, इच्‍का नोले इन कली साइक्‍बपुकीमी ‘गो परमप्रभु यावे आ दाक्‍शो पना पन बाक्‍ती’ दे मिम्‍नीम। मत्ती १०:१७,२२; मत्ती २४:९

प्रेरित 20:24

गो साइक्‍चा पुंइसाक्‍ङ हना यो, एको आं गिंम मारेइ ममिम्‍नुङ। प्रभु येसुमी आं कली पपाइश्‍शो लोव़ ‘परमप्रभु यावेमी मुर आन कली शिशी पाइब’ आ ग्‍येरपाइक्‍ब लोव़ कली तुइक्‍पाइक्‍‍नुङ। प्रेरित २१:१३; २तिमोथी ४:७

२ थिस्‍सलोनिकी 1:7

गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। मत्ती १६:२७; मत्ती २५:३१-४६; १थिस्‍सलोनिकी ४:१६

२ तिमोथी 4:7

गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४

हिब्रू 11:40

मारदे हना परमप्रभु यावेमी इं पर्बम शुश रिम्‍शो मिम्‍शो बाक्‍मा बाक्‍त। मिनु मेकोपुकी यो गोपुकी नु रिम्‍शो दुम्‍मल। मेको नक लां रे पा पाको मसेल। मेको आन कली नु इं कली काथा वोइश्‍शो बाक्‍ब, दे रुब्‍य।

हिब्रू 12:23

आन नें स्‍वर्गम ब्रेक्‍चा पुंइसीशा, इन क्‍येङा ङोंइती जाक्‍दीश्‍शा, पाप रे ब्रोंइशा ग्‍येरशा बाक्‍चा ताइबपुकी बाक्‍नीम। परमप्रभु यावेमी मुर नेल्‍ल आन कली निसाफ पाइब आ नेक्‍था बाक्‍नीम। लूका १०:२०

हिब्रू 4:10

मिनु सुमी परमप्रभु यावे आ नाइक्‍तीके ताइबा, मेको परमप्रभु यावे खोदेंशो पा आ गेय रे नाइक्‍चा ताइब। प्रकाश १४:१३

प्रकाश 10:6

मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। दानीएल १२:७

प्रकाश 13:15

मिनु मेकोमी जन्‍तु आ मूर्ति कली ब्रोंइचा सोक्‍त गेचा अधिकार यो तशो बाक्‍त। मिनु मेकोमी सोक्‍त गेवानु, मेको ब्रोंइतीक सोक्‍त पाइश्‍शो मूर्ति लोव़ पचा गोप्‍तु। मिनु मेको जन्‍तुमी मूर्ति आ ङोंइती खुम्‍की पा सेउ मपाइब मुर आन कली साइक्‍पाइक्‍तु।

प्रकाश 14:13

मिनु गो स्‍वर्ग रे सेंदा का नेंता। मेकोमी “मुल रे सु सु प्रभु कली थमा सुइश्‍शा बेक्‍नीमी, मेकोपुकी ग्‍येरसमल। मेको लोव़ ब्रेक्‍तो” देंता। मिनु परमप्रभु यावे आ सोक्‍तीमी “थमा, मेको मुरपुकी ग्‍येरसीशो बाक्‍नीम। मारदे हना मेकोपुकीमी रागीमी परमप्रभु यावे आ गेय पशा नाइक्‍नीम। मिनु परमप्रभु यावेमी आन गेय तुइश्‍शा, आन तचा ङा गेब” देंत। फिलिप्‍पी १:२३; यसैया ५७:२; हिब्रू ४:३०; १तिमोथी ५:२४-२५

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 7:14

मिनु गोमी “हजुर, गो मतुइक्‍नुङ, गे तुइक्‍नीनी” देंती। मिनु मेको खाल्‍पामी “मेकोपुकी ठेयब श्‍येत रे जाक्‍तेक्‍म। मिनु मेको आन मरिम्‍शो पतीके लुम्‍सीशो वा पाठा आ हुशेमी मुरतीके बुश दुम्‍त। मत्ती २४:२१; प्रकाश १२:११

प्रकाश 7:9

मिनु नोले हिक्‍ने मचाप्‍चा ङा पा रागी रागी नेल्‍ल ङा, जात नेल्‍ल ङा, थर नेल्‍ल ङा मुर नेल्‍ल नु लोव़ नेल्‍ल ङा मुर ठेयब नित्‍तीकेमी निप्‍ब नु पाठा आस ङोंइती राप्‍शो तातामी। मेकोपुकीम बुश वा फेक्‍शो बाक्‍तेक्‍म। मिनु आन गुइमी खजूर रवा आ राशी शेशो तातामी।