प्रकाश 6:1 - Sunuwar Bible

¹ मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।

प्रकाश 6:1 ပူးပေါင်းရင်းမြစ်များ

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

प्रेरित 4:20

गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 14:2

मिनु गो स्‍वर्ग रे सेंदा का नेंता। मेको सेंदा दोदेंशो बाक्‍त देंशा हना, शुश ब्‍वाक्‍कु आ रेयके नु ठेयब बुंबु पशो रेयके खोदेंशो नेंता। तन्‍न शुश मुरपुकीमी ठेयब तार पाइश्‍शो ताप्‍तीके ताप्‍शो रेयके बाक्‍त। प्रकाश १:१५

प्रकाश 19:6

मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४

प्रकाश 5:1

मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०

प्रकाश 5:12

मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। १इतिहास २९:११; फिलिप्‍पी २:९-१०

प्रकाश 5:8

मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।

प्रकाश 6:3

मिनु पाठामी मेको लीशो ६ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता।

प्रकाश 6:5

मिनु पाठामी मेको लीशो ५ ओटा छाप रे का प्राक्‍गानु, अर्को सेस जन्‍तुमी “पिवो” दे ब्रेश्‍शो नेंता। मिनु गो क्‍येर शारा का ताता। मेको शारा ङोइक्‍बमी तुला का ग्‍याइश्‍शो बाक्‍त।

प्रकाश 6:7

मिनु पाठामी ४ ओटा लीशो छाप रे का प्राक्‍गानु, नोले ङा सेस जन्‍तुमी “पिवो” देंशो नेंता।

प्रकाश 8:1

मिनु पाठामी ७ ओटा छाप रे नेल्‍ल क्‍येङा नोले ङा छाप प्राक्‍गानु, आधा घन्‍टा सम्‍म स्‍वर्गमी सिक्‍सी पा काइ रेयके मपाम। हबकुक २:२०