प्रकाश 5:9 - Sunuwar Bible9 मिनु मेकोपुकीमी पाठा कली नक कुम्सो का पाम्तेक्म। मार नक कुम्सो पाम्तेक्म देंशा हना “मेको कागज ताक्ने नु प्राक्ने चाप्ब, गे का ला ननी। मारदे हना गे मुर आन कली परमप्रभु यावे आ नेक्था बाक्पाइक्चा कली ग्याप्तीनी। दोपा ग्याप्तीनी देंशा हना, साइक्चा पुंइसीशा, इन हुश शाइश्शा ग्याप्तीनी। मिनु गे मार मुर ग्याप्तीनी देंशा हना, नेल्ल थर रे, नेल्ले लोव़ रे, नेल्ल जात रे नु नेल्ल रागी रे मुरपुकी ग्याप्तीनी। भजन संग्रह ३३:३ အခန်းကိုကြည့်ပါ။ |
प्रकाश 5:9
41 ပူးပေါင်းရင်းမြစ်များ
मोपा परमप्रभुमी मेको कली ठेयब दुम्तीके गेतीके जात जात नु रागी रागी ङा आंम आंम लोव़ पाइब मुर नेल्ल मेको क्येङा हिंशा, ख्रिंख्रि पाम्तेक्म। मिनु मेकोमी सु कली साइक्चा दाक्ता, मेको कली साइक्तु। सु कली ब्रोंइचा गेचा दाक्ता, मेको कली ब्रोंइचा गेप्तु। मिनु मान बारपाइक्चा दाक्शो कली मान बारपाइक्तु। सु कली दिप्चा दाक्ता, मेको कली दिप्तु।
येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
साइ ङोंइती परमप्रभु यावे आ लोव़ जोल पा दूली शेंबपुकी बाक्मा बाक्त। मुल मोदेंशो जोल पा शेंबपुकी इन ग्रुम्तीक खिंमी यो जाक्नीमी। मेकोपुकीमी ख्रुइश्शोमी खतम सेल्ब शेंतीके शेंनीमी। प्रभुमी मेको आन कली ग्याप्शा यो, मेकोपुकी “गो मेको कली मतुइक्नुङ” दे जाम्शा लाइब बाक्नीम। मत्ती २४:११; १तिमोथी ४:१
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
ကြော်ငြာတွေ