प्रकाश 5:5 - Sunuwar Bible

⁵ मिनु मेको शेंब खाल्‍पा कामी आं कली “मङाक्‍को। मेको गुप्‍स, यहूदा आ थर ङा पिप दाऊद आ खिं ङा बाक्‍ब। मेकोमी सैतान कली ग्रात। मोपा मेको कागज ङा ७ ओटा छाप प्रुइश्‍शा प्राक्‍ने चाप्‍ब” देंत। उत्‍पत्ती ४९:९-१०; यसैया ११:१

प्रकाश 5:5 ပူးပေါင်းရင်းမြစ်များ

१ राजा 10:20

मेको ६ ओटा थेंका नेल्‍लेम एर गे का, ओंथ गे का पा १२ ओटा गुप्‍स बाक्‍मा बाक्‍त। मेको मोदेंशो नित्‍तीके तेकोइ राज्‍य ङा पिप आन पर्बम मसेल्‍शो बाक्‍माक्‍त।

२ इतिहास 9:18

मेको ठेयब नित्‍तीके आ ङोंइती ६ ओटा थेंका नु सुन के खोइल वोइक्‍तीक बोंइसीशो बाक्‍माक्‍त। मेको ठेयब नित्‍तीक आ निम्‍फा पटटी गुइ वोइक्‍तीक बाक्‍माक्‍त। मेको गुइ वोइक्‍तीक निम्‍फा पटटी गे राप्‍शो गुप्‍स का का सेल्‍शो बाक्‍माक्‍त।

अय्‍युब 41:15

मेको आ ची तेक्‍तीकपुकीम सेल्‍सीशो बाक्‍ब। मेको थम नेक्‍था नेक्‍था पा गार पाइश्‍शा वोइश्‍शो खोदेंशो बाक्‍ब।

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

येरमीया 31:16

परमप्रभु यावेमी “ङाक्‍चा नाइक्‍तीन। इन मिक्‍च रे प्रेक्‍कु मतोक्‍कीन। मारदे हना इन गेय ङा इनाम ताइनीनी। मेको आन जोरी सत्रु आन रागी रे लेश्‍शा जाक्‍नीम।

दानीएल 7:16

मिनु गो मेकेर राप्‍शा बाक्‍ब का कली “एको लोव़ रे मार रुम्‍सीबा?” दे हिल्‍लो पाता। मिनु मेकोमी “गो इ कली नेल्‍ल रुप्‍पाइक्‍नुङ।

गन्‍ती 24:9

मेको गुप्‍स खोदेंशो पा बाप्‍शा बाक्‍ब। गुप्‍सनी खोदेंशो पा बाप्‍शा बाक्‍ब। सुम मेको कली पोक्‍बा ङा? इस्राएली, सुमी इन कली आसीक गेनीमी, मेको आसीक राइनीम। सुमी इन कली सराप चीले पाइक्‍नीमी, मेको सराप चीले राइनीम” देंत। गन्‍ती २३:२४; उत्‍पत्ती ४९:९; उत्‍पत्ती १२:३; उत्‍पत्ती २७:२९

लूका 23:28

मोपा ङाक्‍शा खोदमेनु, येसुमी आ नोले लेश्‍शा कोव़शा, ङाक्‍ब मीश मुर आन कली “ए यरूसलेम ङा तमीपुकी, आं कली तशा, मङाक्‍कीन। तन्‍न इन तमी तौ नु आंमा इन कली मिम्‍शा ङाक्‍कीन।

लूका 7:13

मिनु येसुमी मेको कली तशा, शिशी पा “मङाक्‍को” देंमाक्‍त।

लूका 8:52

मेकेर बाक्‍ब नेल्‍ल हिशेक पा ङाक्‍शो बाक्‍मा बाक्‍त। मिनु येसुमी मेको आन कली “मङाक्‍कीन, आल मबेक्‍शो बाक्‍ब। मेको इप्‍शो बाक्‍ब” देंमाक्‍त। लूका ७:१३

यूहन्‍ना 20:13

मिनु मेको निक्‍शीमी मरीयम कली “गे मारदे ङाक्‍नेवे?” दे हिल्‍लो पाम्‍से बाक्‍त। मिनु मरीयममी “मेकोपुकीमी आं प्रभु कली लदमे बाक्‍त। मिनु ते वोदमे मतुइक्‍नुङ” दे माइक्‍सी बाक्‍त।

रोमी 1:3

येसु ख्रीस्‍त पिप दाऊद आ थरमी मुर दुम्‍शा, जरमेशो बाक्‍माक्‍त। रोमी ९:५; २सामुएल ७:१२; मत्ती २२:४२

रोमी 15:12

यसैयामी “येस्‍से आ बङस रे का ग्रूशा, ठेयब दुम्‍शा, अर्को रागी ङा मुर आन कली सासन पाइब। मिनु मेको कली सासन पशो तशा, नेल्‍लेमी ‘इं कली श्‍येत रे प्रोंइब’ दे ग्‍येरशा, आस पा बाक्‍नीम” दे ब्रेक्‍शो बाक्‍त। यसैया ११:१०; प्रकाश ५:५

हिब्रू 7:14

इं प्रभु यहूदा थर ङा बाक्‍माक्‍त, दे गो नेल्‍लेमी तुइक्‍नय। यहूदा थर ङा मुरपुकीम गेनायो चढ़ेतीक गेय मपशो बाक्‍मा बाक्‍त। इं किकी पिपी मोसामी यहूदा थर ङा मुर चढ़ेब बाक्‍नीम, दे गेनायो मदेंमाक्‍त। उत्‍पत्ती ४९:१०; मत्ती १:१-३

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८

प्रकाश 4:10

मेको २४ जना शेंब खाल्‍पामी मेको ठेयब नित्‍तीकेमी निप्‍ब आ ङोंइती आन पोक्‍च थेक्‍शा सेउ पाम्‍तेक्‍म। मिनु गेना हना यो ब्रोंइशा बाक्‍ब कली मान पाम्‍तेक्‍म। मिनु मेकोपुकीमी आन सिरपेच पुइश्‍शा, मेको ठेयब नित्‍तीकेमी निप्‍ब आ ङोंइती वोइश्‍शा

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 5:4

मोपतीके गो शुश ङाक्‍ती। मारदे हना सुइमी मेको कागज प्राक्‍ने मचबेम, कोव़ने यो मचबेम।

प्रकाश 6:1

मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।

प्रकाश 7:13

मिनु मेको शेंब खाल्‍पा कामी आं कली “मेको बुश वा फेक्‍शो मुरपुकी सु नमी? ते रे जाक्‍मा?” दे हिल्‍लो पती।