प्रकाश 5:3 - Sunuwar Bible

³ मिनु स्‍वर्गमी, रागीमी नु रागी आगाम बाक्‍बपुकीमी सुइमी मेको कागज प्राक्‍ने मचबेम, कोव़ने यो मचबेम।

प्रकाश 5:3 ပူးပေါင်းရင်းမြစ်များ

यसैया 41:28

तन्‍न गो कोव़ङुनु, सुइ मथिदु। अर्ती गेब सुइ मबाक्‍म। गो हिल्‍लो पाता, सुइम लोव़ मलेत्‍तीनी।

रोमी 11:34

मिनु “सुमी प्रभु आ थुं तुइक्‍ने चाप्‍नीमी ङा? सुमी मेको कली अर्ती गेने चाप्‍नीमी ङा?” दे ब्रेक्‍शो बाक्‍ब। १कोरिन्‍थी २:१६; येरमीया २३:१८; यसैया ४०:१३

फिलिप्‍पी 2:10

येसु आ नें नेंशा, स्‍वर्गम बाक्‍ब, रागीम नु रागी आगाम बाक्‍ब नेल्‍लेमी बाप्‍शा, पोक्‍च थेक्‍चा माल्‍नीम। यसैया ४५:२३; यूहन्‍ना ५:२३; प्रकाश ५:१२-१३

प्रकाश 5:13

मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।

प्रकाश 5:4

मोपतीके गो शुश ङाक्‍ती। मारदे हना सुइमी मेको कागज प्राक्‍ने मचबेम, कोव़ने यो मचबेम।