प्रकाश 5:13 - Sunuwar Bible

¹³ मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।

प्रकाश 5:13 ပူးပေါင်းရင်းမြစ်များ

१ इतिहास 29:11

परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३

यसैया 24:14

मिनु मेको लीशो मुरपुकी ग्‍येरशा ठेयब सेंदा पा “परमप्रभु यावे ठेयब बाक्‍ब” दे पच्‍छिम रे कुम्‍सो पाइनीम।

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

लूका 2:14

“नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

रोमी 11:36

परमप्रभु यावेमी मार बाक्‍त हना यो, आंमान सेल्‍तु। मिनु मारेइ मारेइ आइक्‍के नम। मिनु आ गोशो गेय आंमान थुम्‍ब, दे तुइक्‍तय। मोपतीके “परमप्रभु यावे नेल्‍ल क्‍येङा ठेयब बाक्‍ब” दे ठेयब सेल्‍तीक गेना हना यो लील। आमेन।

रोमी 16:27

आ का ला बाक्‍शो मारेइ मारेइ तुइक्‍ब परमप्रभु यावे कली येसु ख्रीस्‍त रे पा गेना हना यो नेल्‍ल सक्ति नु ठेयब दुम्‍तीके बाक्‍ल। आमेन। रोमी १:५

रोमी 9:5

नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४

एफिसी 3:21

मिनु थमा सुइक्‍ब आंइ दातेमी येसु ख्रीस्‍त आ नेंमी नेल्‍ल पाला ङा मुरपुकीमी इन कली गेना हना यो ठेयब सेल्‍नीकी, आमेन” दे इन पर्बम पुंइनुङ।

फिलिप्‍पी 2:10

येसु आ नें नेंशा, स्‍वर्गम बाक्‍ब, रागीम नु रागी आगाम बाक्‍ब नेल्‍लेमी बाप्‍शा, पोक्‍च थेक्‍चा माल्‍नीम। यसैया ४५:२३; यूहन्‍ना ५:२३; प्रकाश ५:१२-१३

कलस्‍सी 1:23

गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

१ तिमोथी 4:16

आंम कली नु इ शेंतीके कली रिम्‍शो पा होस पावो। मोदेंशो पा, गे आंम इ कली नु इ लोव़ नेंब आन कली श्‍येत रे प्रोंइनेवे। रोमी ११:१४

१ पत्रुस 4:11

सुमी लोव़ पाइबा, मेकोमी परमप्रभु यावे आ ख्रुइश्‍शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्‍लेमी येसु ख्रीस्‍त आ नेंमी परमप्रभु यावे कली ठेयब सेल्‍मेक्‍ल। मेको छेङछेङमी बाक्‍शा, गेना हना यो सक्ति पाइश्‍शो बाक्‍ब। आमेन। रोमी १२:७

१ पत्रुस 5:11

मेको गेना हना यो नेल्‍ल क्‍येङा ठेयब बाक्‍ब। आमेन।

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।

प्रकाश 1:6

इं कली परमप्रभु यावे, आ आफ आ राज्‍य ङा मुर सेल्‍शा, परमप्रभु यावे आ ङोंइती राप्‍ब सेल्‍तु। मोपतीके आ छेङछेङ नु सक्ति गेना हना यो बाक्‍ल, आमेन। प्रकाश ५:१०; प्रस्‍थान १९:६; १पत्रुस २:५,९

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

प्रकाश 5:1

मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०

प्रकाश 5:12

मिनु मेकोपुकीमी “मेको साइक्‍चा पुंइसीशो पाठा का ला सक्ति पाइश्‍शो, शोंप पाइश्‍शो, जोक्‍तीक तुइक्‍तीक, बोल, मान, छेङछेङ नु रिम्‍शो पाइब बाक्‍नीनी देंचा शिरशो बाक्‍ब” दे ठेयब सेंदामी देंतेक्‍म। १इतिहास २९:११; फिलिप्‍पी २:९-१०

प्रकाश 5:3

मिनु स्‍वर्गमी, रागीमी नु रागी आगाम बाक्‍बपुकीमी सुइमी मेको कागज प्राक्‍ने मचबेम, कोव़ने यो मचबेम।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३

प्रकाश 6:16

मिनु पहाड नु सेरथे फुल्‍लु कली “गो आंइ कली सुम्‍की। मेको ठेयब नित्‍तीकेमी निप्‍ब नु पाठा आस गाइक्‍चा रे आंइ कली ख्रुइक्‍तीकी। लूका २३:३०