प्रकाश 5:11 - Sunuwar Bible

¹¹ मिनु मेको ठेयब नित्‍तीके गे कोव़ना कोव़न बाक्‍ङानु, सेस जन्‍तु नु शेंब खाल्‍पा आन एर ओंथ शुश परमप्रभु यावे आ स्‍वर्ग ङा गेय पाइब आन सेंदा नेंता। मिनु मेकोपुकी गिश बाक्‍तेक्‍म देंशा हना, हजार हजार, लाख लाख बाक्‍तेक्‍म। हिब्रू १२:२२

प्रकाश 5:11 ပူးပေါင်းရင်းမြစ်များ

१ राजा 22:19

मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१

भजन संग्रह 103:20

परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०

भजन संग्रह 148:2

आ स्‍वर्ग ङा गेय पाइबपुकी, मेको कली ठेयब सेलीन। आ स्‍वर्गम बाक्‍ब नेल्‍लेमी मेको कली ठेयब सेलीन।

भजन संग्रह 68:17

परमप्रभु आ बग्‍गी हजार हजार क्‍येङा शुश बाक्‍नीम। मिनु परमप्रभु सीनै रे आ बाक्‍तीकेम जाक्‍शो बाक्‍ब।

दानीएल 7:10

मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

ब्‍यवस्‍था 33:2

“परमप्रभु यावे सीनै रे जाक्‍शो बाक्‍ब। मेको सेइर रे पा आंइ ङोंइती ग्रूत। मेको पारान डांडा रे पा टल्‍केसाक्‍व। मेको नु लाख लाख आ मुर बाक्‍तेक्‍म। आ ग्‍युरा गे आंम मुर ङा ठेयब हुल बाक्‍तेक्‍म। न्‍यायाधीस ५:४

हिब्रू 12:22

तन्‍न गे सियोन डांडाम ब्रोंइशा बाक्‍ब परमप्रभु यावेमी स्‍वर्गम सेल्‍शो यरूसलेम सहर जाक्‍दीश्‍शा बाक्‍चा ताइनीनी। मेकेर परमप्रभु यावे आ स्‍वर्ग ङा गेय पाइब बाक्‍नीम। गलाती ४:२६; एफिसी २:६; फिलिप्‍पी ३:२०; प्रकाश २१:२; प्रकाश ५:११

यहूदा 1:14

मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम। उत्‍पत्ती ५:२१

प्रकाश 19:6

मिनु नोले गो शुश मुर आन सेंदा ठेयब खोला आ रेयके नु ठेयब बुंबु आ रेयके खोदेंशो पा नेंता। मिनु मेको सेंदामी “हाल्‍लेलया, प्रभु, नेल्‍ल सक्ति पाइश्‍शो आंइ परमप्रभु यावे नेल्‍ल सासन पाइब बाक्‍ब।

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 4:6

मिनु नित्‍तीक आ ङोंइती समुन्‍द्र खोदेंशो दिंम का बाक्‍त। मेको दिंम सिसा खोदेंब टल्‍केशो तांइसाक्‍व। मिनु मेको ठेयब नित्‍तीके आ एर ओंथ आन रां नेल्‍ले शुश मिक्‍च पाइश्‍शो ४ ओटा सेस जन्‍तु बाक्‍तेक्‍म। इजीकीएल १:५,१०,२२

प्रकाश 5:14

मिनु मेको ४ ओटा सेस जन्‍तुमी “आमेन” देंतेक्‍म। मिनु मेको खाल्‍पापुकीमी बाप्‍शा सेउ पाम्‍तेक्‍म।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९

प्रकाश 5:8

मोपा ताक्‍गानु, सेस जन्‍तु नु शेंब खाल्‍पापुकी पाठा आ ङोंइती पोक्‍च थेक्‍शा बाप्‍तेक्‍म। मेकोपुकीमी ठेयब ताप्‍तीके नु सुन के थनौरो कुरशो बाक्‍तेक्‍म। मिनु सुन के थनौरो चहिं धूपमी ब्रीशो बाक्‍तेक्‍म। मेको धूपमी ब्रीशो थनौरो चहिं थमा सुइक्‍ब मुर आन मान पशो नु पुंइशो लोव़ बाक्‍तेक्‍म।

प्रकाश 7:11

मिनु परमप्रभु यावे आ स्‍वर्ग ङा गेय पाइब नेल्‍ले, ठेयब नित्‍तीके, शेंब खाल्‍पा नु मेको ४ ओटा सेस जन्‍तु आन एर ओंथ बाक्‍तेक्‍म। मिनु मेको नेल्‍लेमी ठेयब नित्‍तीकेमी निश्‍शो परमप्रभु यावे आ ङोंइती खुम्‍की पा बाप्‍शा, परमप्रभु यावे कली मान पाम्‍तेक्‍म।

प्रकाश 9:16

मिनु गोमी “शारा ङोइश्‍शो लडाइ पाइबपुकी २० करोड बाक्‍नीम” देंशो नेंता।