प्रकाश 5:1 - Sunuwar Bible

¹ मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०

प्रकाश 5:1 ပူးပေါင်းရင်းမြစ်များ

यसैया 29:11

मेको इन कली कोंइशो लोव़ नेल्‍ले, इन कली छाप थोक्‍शो किताब खोदेंशो दुम्‍त। मेको पढेस जोक्‍ब कली “पढेवो” दे गेतीनी हना, मेकोमी “गो पढेने मचाप्‍नुङ, मारदे हना एको छाप थोक्‍शो किताब बाक्‍ब” देंब।

यसैया 34:16

परमप्रभु यावे आ किताबम माल्‍शा पढेने। मेकेर नेल्‍ल ब्रेक्‍शो बाक्‍ब। मेको नेल्‍ल निक्‍शी निक्‍शी बाक्‍नीमी। मारदे हना परमप्रभु यावेमी लोव़ पा मेको आन कली अरेप्‍तु। आ सोक्‍तीमी मोदेंशो दुम्‍पाइश्‍शो बाक्‍ब। प्रस्‍थान ३२:३२

यसैया 8:16

आं देंशो लोव़ आं शेंसीब आन कली ला नेंपाइक्‍चा कली छाप थोक्‍शा, वोतो” दे माइक्‍ती। दानीएल १२:४

दानीएल 8:26

मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४

जकरिया 5:1

मिनु गो इर गे कोव़ङुनु, प्रा‍क्‍सीशो ब्रेक्‍स का बेरशो ता‍ता।

प्रकाश 10:2

आ गुइमी इम्‍चीली प्राक्‍शो किताब शेशो बाक्‍त। मेको आ ग्‍युरा खोइली समुन्‍द्र तार नु आ पेरा खोइली चहिं रागी तार थेक्‍शा राप्‍त।

प्रकाश 4:3

मेको ठेयब नित्‍तीके बुश नु लल टल्‍केशो हीरा खोदेंशो तांइसाक्‍व। मेको ठेयब नित्‍तीके आ एर ओंथ वाक्‍श दाप्‍शो ताता। मेको वाक्‍श गिग हीरा खोदेंशो तांइसाक्‍व।

प्रकाश 4:9

मोपा मेको ४ ओटा सेस जन्‍तुम गेना हना यो ब्रोंइशा बाक्‍ब ठेयब नित्‍तीकेमी निप्‍ब कली “गे छेङछेङ, मान ताइब नु रिम्‍शो पाइब बाक्‍नीनी” देंमानु,

प्रकाश 5:13

मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।

प्रकाश 5:7

मिनु मेको पाठामी मेको ठेयब नित्‍तीकेम निप्‍ब आ ग्‍युरा गुइ रे मेको कागज ताक्‍तु।

प्रकाश 6:1

मिनु मेको पाठामी मेको कागज रे ७ ओटा छाप रे का प्राक्‍‍शो ताता। मिनु सेस जन्‍तु कामी बुंबु पशो खोदेंशो पा “पिवो” दे ब्रेश्‍शो नेंता।

प्रकाश 6:16

मिनु पहाड नु सेरथे फुल्‍लु कली “गो आंइ कली सुम्‍की। मेको ठेयब नित्‍तीकेमी निप्‍ब नु पाठा आस गाइक्‍चा रे आंइ कली ख्रुइक्‍तीकी। लूका २३:३०

प्रकाश 8:1

मिनु पाठामी ७ ओटा छाप रे नेल्‍ल क्‍येङा नोले ङा छाप प्राक्‍गानु, आधा घन्‍टा सम्‍म स्‍वर्गमी सिक्‍सी पा काइ रेयके मपाम। हबकुक २:२०