प्रकाश 4:9 - Sunuwar Bible

⁹ मोपा मेको ४ ओटा सेस जन्‍तुम गेना हना यो ब्रोंइशा बाक्‍ब ठेयब नित्‍तीकेमी निप्‍ब कली “गे छेङछेङ, मान ताइब नु रिम्‍शो पाइब बाक्‍नीनी” देंमानु,

प्रकाश 4:9 ပူးပေါင်းရင်းမြစ်များ

भजन संग्रह 47:8

परमप्रभुमी रागी रागी नेल्‍ल आन कली सासन पाइब। मिनु परमप्रभु आंम आ ठेयब नित्‍तीकेमी निप्‍ब।

भजन संग्रह 48:14

मारदे हना मेको परमप्रभु, आंइ परमप्रभु बाक्‍ब। मेकोमी गेना हना यो आंइ कली लां कोंइब। यसैया २५:९

प्रस्‍थान 15:18

परमप्रभु यावे गेना हना यो पिप बाक्‍ब” दे कुम्‍सो पाम्‍तेक्‍म। भजन संग्रह ९३:१

यसैया 6:1

मिनु पिप उज्‍जीयाह बेक्‍शो बर्सम, गो परमप्रभु यावे कली इर ङा ठेयब नित्‍तीकेमी निश्‍शो ताता। आ वा आ सुरमी आ खिं नेल्‍ल ब्रीशो बाक्‍त। २इतिहास २६:२२

दानीएल 12:7

मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

दानीएल 4:34

मिनु पिपमी “मेको देंशो नेल्‍ल जाक्‍दीम नोले, गो आं पिया पोक्‍शा सरीङ गे कोव़ता। मिनु आं निप्‍स लेंशा रिम्‍शो दुम्‍त। मिनु गो नेल्‍ल क्‍येङा ठेयब नु गेना हना यो ब्रोंइशा बाक्‍ब परमप्रभु कली ठेयब सेल्‍शा, मान पाता। मेको आ सासन पतीके गेना हना यो लीब। मेको आ राज्‍य पाला पाला सम्‍म लीब। दानीएल ३:३३

ब्‍यवस्‍था 32:40

मिनु गो आं गुइ सरीङ गे पोक्‍शा, गो गेना हना यो ब्रोंइशा बाक्‍शो खोदेंशो पा कसम जाइनुङ।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

हिब्रू 7:8

मेको बेक्‍शा लाइब लेवी आ थर ङा चढ़ेबपुकीमी १० भाग ङा भाग का ताइब दुम्‍शो बाक्‍नीम। तन्‍न गेना हना यो ब्रोंइशो बाक्‍ब देंचा पुंइसीबमी यो १० भाग ङा भाग का तवा बाक्‍त।

प्रकाश 1:18

ब्रोंइशा बाक्‍ब नङ। गो बेक्‍शा यो, लेंशा मबेक्‍चा ङा पा ब्रोंइती। मिनु नरक नु बेक्‍शा लशो मुर आन बाक्‍तीक ङा रोक्‍तीक सांचो गो नु बाक्‍ब।

प्रकाश 10:6

मिनु मेकोमी दोपा कसम जाप्‍तु देंशा हना, गेना हना यो ब्रोंइशा बाक्‍ब, सरीङ नु सरीङम बाक्‍ब नेल्‍ल सेल्‍ब, रागी नु रागीम बाक्‍ब नेल्‍ल सेल्‍ब, समुन्‍द्र नु समुन्‍द्रम बाक्‍ब नेल्‍ल सेल्‍ब, परमप्रभु यावे आ नेंमी “मुल देश मपचा” दे कसम जाप्‍तु। दानीएल १२:७

प्रकाश 15:7

मिनु मेको ४ ओटा सेस जन्‍तु ङा कामी मेको ७ जना परमप्रभु यावे आ स्‍वर्ग ङा गेय पाइब आन कली ७ ओटा सुन के डप्‍का गेप्‍तु। मेको सुन के डप्‍का गेना हना यो ब्रोंइशा बाक्‍ब परमप्रभु यावे आ गाइक्‍चामी ब्रीशो बाक्‍तेक्‍म। प्रकाश ४:६-८; प्रकाश १४:१०

प्रकाश 21:5

मेको ठेयब नित्‍तीकेमी निप्‍बमी “नेनीन, गो नेल्‍ल नक सेल्‍नुङमी” देंत। मिनु नोले मेकोमी आं कली “मेको लोव़ ठीक नु थमा बाक्‍ब। मोपतीके ब्रेक्‍तो” देंत।

प्रकाश 4:2

मिनु गो परमप्रभु यावे आ सोक्‍तीमी ब्रीती। स्‍वर्गमी ठेयब नित्‍तीके वोइश्‍शो ताता। मेको ठेयब नित्‍तीकेमी का निश्‍शो ताता। भजन संग्रह ४७:९; यसैया ६:१; इजीकीएल १:२६-२८

प्रकाश 4:8

मिनु मेको सेस जन्‍तु ६, ६ ओटा फ्रां पाइश्‍शो बाक्‍तेक्‍मे। मेको आन फ्रां नेल्‍ल नु आन रां नेल्‍लेमी मिक्‍च पाइश्‍शो बाक्‍तेक्‍म। मिनु मेकोपुकी नाक्‍दो नाक्‍त परमप्रभु यावे कली कुम्‍सो पना पन बाक्‍बाक्‍तेक्‍म। मार कुम्‍सो पाइबाक्‍तेक्‍म देंशा हना, “परमप्रभु यावे, गे का ला परमप्रभु ननी। गे नेल्‍ल सक्ति पाइश्‍शो बाक्‍नीनी। गे ङोंइती बाक्‍शो बाक्‍तीनी। मुल यो बाक्‍नीनी। मिनु नोले यो जाक्‍नीनी” दे कुम्‍सो पना पन बाक्‍बाक्‍तेक्‍म। यसैया ६:२-३; प्रस्‍थान ३:१४

प्रकाश 5:1

मिनु गो मेको ठेयब नित्‍तीकेमी निप्‍ब आ ग्‍युरा गुइमी ओल्‍शो कागज का शेशो ताता। मेको कागजम निम्‍फा गे ब्रेक्‍शो बाक्‍त। मिनु मेको कागज ७ ओटा छाप थोक्‍शा, प्राक्‍ने मचाप्‍चा ङा सेल्‍शो बाक्‍त। प्रकाश ४:३; इजीकीएल २:१-१०

प्रकाश 6:16

मिनु पहाड नु सेरथे फुल्‍लु कली “गो आंइ कली सुम्‍की। मेको ठेयब नित्‍तीकेमी निप्‍ब नु पाठा आस गाइक्‍चा रे आंइ कली ख्रुइक्‍तीकी। लूका २३:३०

प्रकाश 7:15

मो दुम्‍तीके मेकोपुकी परमप्रभु यावे आ ठेयब नित्‍तीके आ ङोंइती बाक्‍नीम। मिनु नाक्‍दो नाक्‍त परमप्रभु यावे आ खिंमी परमप्रभु यावे कली गेय पाइनीम। मिनु ठेयब नित्‍तीकेमी निप्‍बमी मेकोपुकी नु बाक्‍शा, मेको आन कली कोव़ब।