प्रकाश 3:7 - Sunuwar Bible7 मिनु येसु ख्रीस्तमी आं कली फिलाडेल्फीया सहर ङा थमा सुइक्ब आन शेंब कली ब्रेक्पाइक्ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्य ङा सांचो थीबमी लाप्चो रोक्गा ङा मेरे सुइमी चोक्ने मचाप्नीम। मिनु चोक्गा ङा मेरे सुइमी रोक्ने मचाप्नीमी। यसैया २२:२२ အခန်းကိုကြည့်ပါ။ |
प्रकाश 3:7
38 ပူးပေါင်းရင်းမြစ်များ
परमप्रभु यावेम, इस्राएली आन श्येत रे प्रोंइब, इस्राएली आन का ला बाक्शो परमप्रभु यावेमी काइ मदाक्शो नु रागी ङा मुरुम खेदा पचा पुंइसीशो नु हुकुम पाइब आन वाइल आन कली “पिपपुकी मेको कली तशा, राप्नीम। हुकुम पाइबम आ देंशो पाइब परमप्रभु यावे आ ङोंइती बाप्नीम। इ कली योव़ब इस्राएली आन का ला बाक्शो परमप्रभु आ ङोंइती बाप्नीम” देंत।
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
मिनु मेको सेस जन्तु ६, ६ ओटा फ्रां पाइश्शो बाक्तेक्मे। मेको आन फ्रां नेल्ल नु आन रां नेल्लेमी मिक्च पाइश्शो बाक्तेक्म। मिनु मेकोपुकी नाक्दो नाक्त परमप्रभु यावे कली कुम्सो पना पन बाक्बाक्तेक्म। मार कुम्सो पाइबाक्तेक्म देंशा हना, “परमप्रभु यावे, गे का ला परमप्रभु ननी। गे नेल्ल सक्ति पाइश्शो बाक्नीनी। गे ङोंइती बाक्शो बाक्तीनी। मुल यो बाक्नीनी। मिनु नोले यो जाक्नीनी” दे कुम्सो पना पन बाक्बाक्तेक्म। यसैया ६:२-३; प्रस्थान ३:१४
मिनु मेकोपुकीमी पाठा कली नक कुम्सो का पाम्तेक्म। मार नक कुम्सो पाम्तेक्म देंशा हना “मेको कागज ताक्ने नु प्राक्ने चाप्ब, गे का ला ननी। मारदे हना गे मुर आन कली परमप्रभु यावे आ नेक्था बाक्पाइक्चा कली ग्याप्तीनी। दोपा ग्याप्तीनी देंशा हना, साइक्चा पुंइसीशा, इन हुश शाइश्शा ग्याप्तीनी। मिनु गे मार मुर ग्याप्तीनी देंशा हना, नेल्ल थर रे, नेल्ले लोव़ रे, नेल्ल जात रे नु नेल्ल रागी रे मुरपुकी ग्याप्तीनी। भजन संग्रह ३३:३
ကြော်ငြာတွေ