प्रकाश 3:5 - Sunuwar Bible5 सु सुमी सैतान कली ग्रानीमी, मेको आन कली मोपा बुश वा फेक्चा गेनुङ। मिनु मेको आन नें परमप्रभु यावे नु ब्रोंइचा ताइब आन नें ब्रेक्शो किताब रे मक्याम्नुङ। गोमी आं आफ नु आ स्वर्ग ङा गेय पाइब आन ङोंइती ‘मेको आं मुर नम’ देंनुङ। प्रकाश ७:१३; लूका १०:२०; मत्ती १०:३२ အခန်းကိုကြည့်ပါ။ |
प्रकाश 3:5
23 ပူးပေါင်းရင်းမြစ်များ
गो ठेयब बुश नित्तीके आ ङोंइती ठेयब नु आइक्च बेक्शो मुरपुकी राप्शो तातामी। किताबपुकी प्राक्शो बाक्तेक्म। मिनु गो अर्को किताब का यो प्राक्शो ताता। मेको ब्रोंइतीक किताब बाक्त। मिनु मेको ठेयब बुश नित्तीके आ ङोंइती राप्शो बेक्शो मुर आन निसाफ पचा पुंइसीनीम। दोपा निसाफ पचा पुंइसीनीम देंशा हना, मेकोपुकीमी रागीमी बाक्मानु, मार मार पामे, मेको किताबमी ब्रेक्शो पढेशा, निसाफ पचा पुंइसीनीम। यूहन्ना ५:२८-२९; दानीएल ७:१०
सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्यो सेल्नुङ। मिनु मेको गेना हना यो परमप्रभु यावे आ खिंमी बाक्नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्नुङ। आं परमप्रभु यावे आ सहर चहिं नक यरूसलेम माइश्शो बाक्ब। मेको नक यरूसलेम आं परमप्रभु यावे आ बाक्तीक स्वर्ग रे यीब। प्रकाश १४:१; प्रकाश २१:२
ကြော်ငြာတွေ