प्रकाश 3:3 - Sunuwar Bible

³ मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२

प्रकाश 3:3 ပူးပေါင်းရင်းမြစ်များ

इजीकीएल 20:43

मेकेर गे इन कली ग्रांग्रा दिशो सेल्ब थोव़क नु मरिम्‍शो गेय नेल्‍ल मिम्‍नीनी। मिनु इन पशो मरिम्‍शो गेय नेल्‍ल आन पर्बम मिम्‍शा आंम इन कली ग्रांग्रा दीनीनी। इजीकीएल ३६:३१-३२

इजीकीएल 36:31

मेना गे इन मरिम्‍शो पशो गेय नु मरिम्‍शो पशो आ पर्बम मिम्‍नीनी। मिनु गे इन मरिम्‍शो पशो नु मूर्ति पूजा पतीके आन आन पर्बम आंमान ग्रांग्रा दीसीनीनी। इजीकीएल २०:४३

मत्ती 25:13

मेको खोदेंशो पा इन प्रभु गेना जाक्‍ब, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २४:४२-४४

मर्कूस 13:33

मोदेंशो गेना दुम्‍बा मतुइक्‍नीनी। मोपतीके सासीशा बाक्‍कीन। लूका १२:३५-४०; लूका २१:३६

मर्कूस 13:36

इन मतुइक्‍थु जाक्‍मेनु, इन कली इप्‍शो मथिदल।

१ थिस्‍सलोनिकी 5:2

मारदे हना गेपुकी प्रभु आ नाक्‍त खुइ खोदेंशो पा जाक्‍ब, दे तुइक्‍नीनी। मत्ती २४:४२-४४; २पत्रुस ३:१०; प्रकाश ३:३; प्रकाश १६:१५

१ तिमोथी 6:20

तिमोथी, इ कली शेंशो लोव़ रिम्‍शो पा पावो। जाम्‍शा लाइब लोव़ नु जिचा पोक्‍तीक लोव़, तुइक्‍ब थुं रे पीब देंखु पाइनीम। मेको रे ङोन बाक्‍को। २तिमोथी १:१२-१४; १तिमोथी ४:७

२ तिमोथी 1:13

थमा लोव़ कली खोतो। मेको ख्रीस्‍त येसुमी बाक्‍शो थमा सुइक्‍तीके नु दाक्‍तीके बाक्‍ब। गे आं लोव़ रे तुइक्‍नेवे।

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

२ पत्रुस 1:13

गो ब्रोंइङा सम्‍म इन कली मिम्‍पाइक्‍चा रिम्‍शो बाक्‍ब, दे मिम्‍नुङ। २कोरिन्‍थी ५:१

२ पत्रुस 3:1

आं दाक्‍शो लोक्‍बपुकी, गो इन कली चिठी निक्‍शी ब्रेक्‍ताक्‍ङ। गो एको चिठी निक्‍शीमी इन थुंमी मिम्‍पाइश्‍शा फ्रुक्‍पाइक्‍ता। २पत्रुस १:१३

२ पत्रुस 3:10

प्रभु जाक्‍मेनु, खुइ जाक्‍शो खोदेंशो पा जाक्‍ब। मेना सरीङ ठेयब रेयके पा जाम्‍ब। मारेइ मारेइ ग्रोइश्‍शा नुप्‍नीम। रागी नु रागीम बाक्‍शो मारेइ मारेइ मीम खतम दुम्‍नीम। १थिस्‍सलोनिकी ५:२-३; मत्ती २४:२९; प्रकाश २०:११; यसैया २४:१९

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

प्रकाश 2:25

गे इन तुइश्‍शो गो मजाक्‍ङा सम्‍म पना पन बाक्‍कीन। प्रकाश ३:११

प्रकाश 2:5

इन ङोंइती ङा आं कली दाक्‍शो मिम्‍तीने। इन थुं आं गे लेत्‍तीने। मिनु इन ङोंइती ङा पशो गेय पने। गे मेको दाक्‍चा ङा गेय मपाइतीनी हना, गो इन बाक्‍तीके जाक्‍शा, इन दियारी आ बाक्‍तीके रे तिल्‍नुङ।

प्रकाश 22:7

मिनु नेनीन, गो फ्रा लेश्‍शा जाक्‍नुङ” दे माइक्‍ती। सु सुमी एको किताबमी ब्रेक्‍शो लोव़ नेंशा पाइनीमी, मेको ग्‍येरसीशो मुर बाक्‍नीम।

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६

प्रकाश 3:2

मोपतीके सेंशा बोक्‍कीन। इन बेक्‍चा चिक्‍शो थमा सुइक्‍तीके बारपतीन। गोमी इन गेय ताता। मेको इन गेय आं परमप्रभु यावे कली मगारनीम। लूका २२:३२