प्रकाश 3:2 - Sunuwar Bible

² मोपतीके सेंशा बोक्‍कीन। इन बेक्‍चा चिक्‍शो थमा सुइक्‍तीके बारपतीन। गोमी इन गेय ताता। मेको इन गेय आं परमप्रभु यावे कली मगारनीम। लूका २२:३२

प्रकाश 3:2 ပူးပေါင်းရင်းမြစ်များ

१ राजा 11:4

मिनु सोलोमन खूशो दुम्‍मेनु, मेको आ मीशपुकीम आ थुं अरु देवी देवता आन गे हिरपदमे बाक्‍त। मिनु मेको आ आफ दाऊद आ थुंम खोदेंशो पा आ थुं नेल्‍लेम परमप्रभु यावे, आ परमप्रभु आ नोले मखोदा बाक्‍त।

१ राजा 15:3

मेकोमी आ आफ खोदेंशो पा मरिम्‍शो पवा बाक्‍‍त। मेको आ किकी दाऊद खोदेंशो पा, आ थुं नेल्‍लेमी परमप्रभु यावे, आ परमप्रभु आ नोले मखोदा बाक्‍त।

२ इतिहास 25:2

मेकोमी परमप्रभु यावे आ ङोंइती मार ठीक बाक्‍मे, मेको पवा बाक्‍त। तन्‍न आ थुं नेल्‍लेम ममाइ।

अय्‍युब 16:5

गो इन थुं बारपाइक्‍तीक लोव़ पङ वा। मिनु आं शिशी पाइक्‍तीकेमी इन कली लेम्‍द वा।

यसैया 35:3

इन मारेइ पने मचाप्‍ब गुइ बोल्‍यो सेलीन। इन ख्रिंख्रि पाइब पोक्‍च बोल्‍यो सेलीन। हिब्रू १२:१२

यसैया 56:10

इस्राएली आन कली कोव़ब मुर मिक्‍च मताइब खोदेंशो बाक्‍नीम। मेको मारेइ मजोक्‍ब मतुइक्‍ब बाक्‍नीम। मेकोपुकी सिक्‍सी पा बाक्‍शा, होक्‍ने मचाप्‍ब कुचुम खोदेंशो बाक्‍नीम। मेको ङोमु तचा, इप्‍चा नु निन्‍द्रा पचा ला दाक्‍नीम। इजीकीएल ३:१७; इजीकीएल ३३:६-९

यसैया 57:12

गो इन ठीक पशो नु इन गेय तुइक्‍पाइक्‍नन्‍नी। तन्‍न मेको इन कली मारेइ रिम्‍शो मदुम्‍ब।

इजीकीएल 34:16

गो जाम्‍शो आन कली माल्‍नुङमी। हेंथे गाक्‍शो आन कली माल्‍शा थिश्‍शा चाक्‍नुङमी। गो गार दुम्‍शो आन कली ओख्‍ती ख्रेक्‍नुङमी। मचाप्‍शो आन कली बोल्‍यो सेल्‍नुङमी। तन्‍न गो दोम्‍शो नु सक्ति पाइश्‍शो आन कली साइक्‍नुङमी। गो मेको आन कली ठीक पा योव़नुङमी” देंत।

दानीएल 5:27

टेकेल आ अर्थ ‘गे नाक्‍तीकेम नाक्‍चा पुंइसीशा, सोपी दुम्‍तीनी’ देंशो बाक्‍ब।

जकरिया 11:16

मारदे हना मुल गो मेको रागीमी गोठला का सेल्‍नुङ। मेकोमी बेक्‍‍शा लाइब आन कली मकोव़ब। ब्रशा गाक्‍शो आन कली मखुप्‍‍ब। रोइ पशो आन कली मसापाइक्‍ब नु रिम्‍शो भेडा आन कली मयोव़ब। तन्‍न मेकोमी दोम्‍शो भेडा आन श्‍ये ब्‍वशा, आन गेंग्रे यो चेश्‍शा ब्‍वाइ‍ब।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

मत्ती 25:13

मेको खोदेंशो पा इन प्रभु गेना जाक्‍ब, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २४:४२-४४

मत्ती 25:7

मिनु छुल छाल बोक्‍शा, आन बत्ती का का पा जेत्‍नीम।

प्रेरित 18:23

मिनु इच्‍का नाक्‍त एन्‍टीओकमी बाक्‍शा, मेकेर रे लशा, गलातीया नु फ्रिगीया रागीमी जाक्‍दीश्‍शा, तेइ तेइ हिरशा, थमा सुइक्‍ब आन कली ग्रुम्‍शा, आन थुं बारपाइक्‍तीक लोव़ पना पन गाक्‍माक्‍त।

ब्‍यवस्‍था 3:28

मिनु गे यहोसु कली अरेशा, लोव़ पा ठेयब थुं पाइश्‍शो सेलो। मारदे हना मेकोमी मुर आन ङोंइती शोक्‍शा, इ तशो रागी मेको आन के दुम्‍चा कली योव़ब” दे परमप्रभुम आं कली देंत। ब्‍यवस्‍था ३१:३,७;

१ पत्रुस 4:7

रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

प्रकाश 2:4

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।

प्रकाश 3:1

मिनु येसु ख्रीस्‍तमी आं कली सारडीस सहर ङा थमा सुइक्‍ब आन शेंब कली ब्रेक्‍पाइक्‍ती। एको ७ ओटा ठाउं ङा परमप्रभु यावे आ सोक्‍त नु ७ ओटा सोरुल नु बाक्‍ब आ लोव़ बाक्‍ब। मेकोमी “गो इन पशो गेय तुइक्‍नुङ। गेपुकीमी चहिं ‘गो ख्रीस्‍त कली थमा सुइश्‍शा, ब्रोंइशा बाक्‍नीकी’ देंनीनी। तन्‍न इन थमा सुइक्‍तीके बेक्‍शो खोदेंब पा इप्‍शो बाक्‍ब। प्रकाश १:४

प्रकाश 3:3

मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२