प्रकाश 3:18 - Sunuwar Bible

¹⁸ मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।

प्रकाश 3:18 ပူးပေါင်းရင်းမြစ်များ

भजन संग्रह 107:11

मारदे हना मेकोपुकीमी परमप्रभु आ लोव़ मटिशो बाक्‍तेक्‍म। नेल्‍ल क्‍येङा ठेयब आ अर्ती मनेनेम।

भजन संग्रह 16:7

आं कली अर्ती गेब, परमप्रभु यावे कली ठेयब सेल्‍नुङ। नाक्‍दो यो आं थुंमी आं कली मोदेंशो पचा शेंब।

भजन संग्रह 32:8

मिनु परमप्रभुमी “गे तेको लांम गाक्‍चा माल्‍नीनी, मेको इन कली शेंनन्‍नी। गो इन कली कोव़शा, लां कोंइनन्‍नी।

भजन संग्रह 73:24

गे आं कली इन लोव़मी लां कोंइनीनी। मिनु नोले गे आं कली छेङछेङम ताक्‍नीनी। भजन संग्रह ४९:१६

हितोपदेस 1:25

आं अर्ती नेल्‍ल मटितीके, आं हुइश्‍शो नेंचा मदाक्‍तीके,

हितोपदेस 1:30

आं अर्ती मनें‍तीके, आं हुइश्‍शो नेंचा मदाक्‍तीके,

हितोपदेस 19:20

नोफा दाइश्‍शा अर्ती नेंशा, शेंतीक टिने। मो पाइतीनी हना, तुइक्‍तीक पाइश्‍शो मुर दुम्‍नीनी।

हितोपदेस 23:23

थमा पतीक कली ग्यापो। मेको कली गेनायो मलेयङो। तुइक्‍तीक, शेंतीक नु रुप्‍तीक ग्यापो।

उपदेसक 8:2

पिप आ देंशो टिवो। मारदे हना गे परमप्रभु आ ङोंइती कसम जाप्‍तीवी।

यसैया 47:3

इ वा हुक्‍शा, इ शिश्रा रां कोंइचा माल्‍नेवे। इ मुने दोक्‍तीके तांइसीब। गो इ कली क्‍येक्‍क लेत्‍नुङ। गो सुइ कली मप्रोंइनुङमी। नहुम ३:५

यसैया 55:1

मिनु परमप्रभु यावेमी “तूतू दाक्‍बपुकी ब्‍वाक्‍कु बाक्‍तीकेम जाक्‍कीन। क्‍येट मथीबपुकी यो जाक्‍कीन। मिनु ग्‍याप्‍शा जने। क्‍येट मथाप्‍थु, मोशा अङगुर शांबु नु दूध ग्‍यापीन। यूहन्‍ना ७:३७; प्रकाश २२:१७

येरमीया 13:26

गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

मीका 1:11

शाफीर सहर ङा मुरपुकी, भेत्रे दुम्‍शा, मुने दोक्‍शा इन लां लने। सानान सहर ङा मुरपुकी लाङगा मग्रूनीम। बेथ-एचेलम ङा मुर रोंका पाइनीम। मुल रे इ कली वारच पाइब मबाक्‍नीम।

नहुम 3:5

मिनु मुर नेल्‍ल आन परमप्रभु यावेमी “गो इ कली काइ मदाक्‍थु, इ पर्बम बोक्‍ती। गो इ गुने इ कुल सम्‍म क्‍युक्‍नुङ। मिनु रागी रागी ङा मुर आन कली इ भेत्रे रां कोंइनुङमी। राज्‍य राज्‍य ङा मुर आन कली इ मुने दोक्‍तीक कोंइनुङमी। यसैया ४७:३

मलाकी 3:3

मेको चांदी यपाइश्‍शा रिम्‍शो सेल्‍ब खोदेंशो पा निसाफ पाइब बाक्‍ब। लेवी आ चच युइ आन कली सुन चांदी खोदेंशो पा यपाइश्‍शा रिम्‍शो सेल्‍ब। नोले मेकोपुकीमी परमप्रभु यावे कली ठीक पा चढ़ेनीम। जकरिया १३:९

मत्ती 13:44

स्‍वर्ग ङा राज्‍य ओदेंशो यो बाक्‍ब, रू कामी शोंप थिम्‍शा वोइश्‍शो बाक्‍माक्‍त। मिनु काबु मुर कामी मेको शोंप थिदा बाक्‍त। मिनु थम ग्‍येरसीशा, लेंशा थिम्‍शा वोइश्‍शा, आइक्‍के बाक्‍शो नेल्‍ल लेश्‍शा, मेको रू ग्‍यबा बाक्‍त। मत्ती १९:२९; लूका १४:३३; फिलिप्‍पी ३:७

मत्ती 25:9

तन्‍न निप्‍स पाइश्‍शोपुकीमी ‘गो आंइ कुरशो तेलमी गो नेल्‍ल इं बत्ती आन कली मजाक्‍दीप्‍ब। पसल लशा ग्‍याप्‍शा, चाक्‍शा दाङीन’ देंनीम।

लूका 12:21

परमप्रभु यावे कली ममिम्‍थु, शोंप ला मिम्‍ब मुर नेल्‍ल मोदेंशो दुम्‍नीम” दे शेंदीमी बाक्‍त। मत्ती ६:२०

२ कोरिन्‍थी 5:3

मेको नक बाक्‍तीके ओव़चा चहिं माइत वा प्रुइश्‍शा, नक वा फेक्‍शो खोदेंशो बाक्‍ब। मोपा शिश्रा मदुम्‍नीकी।

२ कोरिन्‍थी 8:9

मारदे हना गे इं प्रभु येसु ख्रीस्‍त आ शिशी तुइक्‍नीनी। मेको शोंप पाइश्‍शो बाक्‍त हना यो इन पर्बम प्रुङग दुम्‍त। मेको प्रुङग दुम्‍तीकेम गे शोंप पाइश्‍शो दुमीन, दे मो पाप्‍तु। मत्ती ८:२०; फिलिप्‍पी २:७

१ तिमोथी 6:18

मेकोपुकीमी रिम्‍शो गेय पतीकेमी गेनायो मनुप्‍ब शोंप पाइश्‍शो दुम्‍मल। हाइश्‍शो दुम्‍शा, मुर आन कली गेब दुम्‍चा माल्‍नीम।

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

१ पत्रुस 1:7

मारदे श्‍येत जाइनीनी देंशा हना, इन थमा सुइश्‍शो थमा कों, जोल कों, दे नाक्‍चा कली श्‍येत जाइनीनी। मोपा श्‍येत जाइतीनी हना, इन थमा सुइक्‍तीके मीम याप्‍पाइश्‍शो सुन क्‍येङा शुश क्‍येट लाइब दुम्‍ब। मिनु येसु ख्रीस्‍त आ यिची ना ठेयब सेल्‍तीक, छेङछेङ नु मान पतीक दुम्‍ब। हितोपदेस १७:३, यसैया ४८:१०

प्रकाश 16:15

“नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२

प्रकाश 19:8

मेको ग्‍युम्‍ली कली सुती के रिम्‍शो बुश टल्‍केशो वा फेक्‍चा कली गेशो बाक्‍त” देंशो नेंता। मिनु मेको सुती के रिम्‍शो वा मार बाक्‍ब देंशा हना, परमप्रभु यावे आ योव़शो आन ठीक पतीके बाक्‍ब। यसैया ६१:१०

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८

प्रकाश 4:4

मिनु ठेयब नित्‍तीके आ एर ओंथ २४ ओटा आइक्‍च नित्‍तीकपुकी बाक्‍तेक्‍म। मेको नित्‍तीकपुकीमी बुश वा फेक्‍शो नु आन पियामी सुन के सिरपेच गुप्‍शो २४ जना शेंब खाल्‍पा निश्‍शो बाक्‍तेक्‍म। प्रस्‍थान १९:१६; प्रकाश १:४

प्रकाश 7:13

मिनु मेको शेंब खाल्‍पा कामी आं कली “मेको बुश वा फेक्‍शो मुरपुकी सु नमी? ते रे जाक्‍मा?” दे हिल्‍लो पती।