प्रकाश 22:8 - Sunuwar Bible

⁸ गो यूहन्‍ना नङ। एको लोव़ नेंता नु मार दुम्‍चशो बाक्‍मे, मेको नेल्‍ल ताता। मिनु आं कली कोंइब परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती।

प्रकाश 22:8 ပူးပေါင်းရင်းမြစ်များ

दानीएल 2:46

मिनु पिप नेबुकदनेसरमी खुम्‍की पा दानीएल आ ङोंइती बाप्‍शा, मेको कली ठेयब सेल्‍तु। मिनु “दानीएल कली अन्‍न नु धूप चढ़ेचा” दे हुकुम पाप्‍तु।

प्रेरित 10:26

मिनु पत्रुसमी कोरनेलीयस आ पिया पोक्‍शा “गो यो इन खोदेंशो मुर ला नङ” देंशा राप्‍पदा बाक्‍त। प्रेरित १४:१५; प्रकाश १९:१०

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 1:4

गो यूहन्‍नामी एसीया ङा येसु ख्रीस्‍त कली थमा सुइक्‍ब ७ ओटा सहर ङा थमा सुइक्‍ब आन ग्रुम्‍तीके ङा शेंब आन कली चिठी ब्रेक्‍ताक्‍ङ। मिनु मुल बाक्‍ब, ङोंइती बाक्‍शो, नोले यो जाक्‍बमी नु परमप्रभु यावे आ ठेयब नित्‍तीके आ ङोंइती बाक्‍ब ७ ओटा ठाउं ङा परमप्रभु यावे आ सोक्‍तीमी इन कली “शिशी तशा नु थुं नाइश्‍शा बाक्‍चा तामेक्‍ल” देंताक्‍स। प्रस्‍थान ३:१४-१५; प्रकाश ३:१; प्रकाश ५:६

प्रकाश 19:10

मिनु नोले गो मेको परमप्रभु यावे आ स्‍वर्ग ङा गेय पाइब कली सेउ पचा कली आ खोइलीमी बाप्‍ती। मेकोमी चहिं आं कली “मपावो। गो गे नु इ लोक्‍बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्‍पाइश्‍शो लोव़ ला पाइनीम” दे माइक्‍ती। प्रकाश २२:८-९

प्रकाश 19:19

मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। प्रकाश १६:१४,१६