प्रकाश 22:4 - Sunuwar Bible

⁴ मेकोपुकीमी परमप्रभु यावे आ कुल ताइनीम। मेको आन कुप्‍फीमी परमप्रभु यावे आ नें ब्रेक्‍शो बाक्‍ब। प्रकाश ३:१२

प्रकाश 22:4 ပူးပေါင်းရင်းမြစ်များ

अय्‍युब 33:26

मिनु मेकोमी प्रार्थना पवानु, परमप्रभुमी नेंब। मेको परमप्रभु आ ङोंइती बाक्‍शा, ग्‍येरसीशा कुम्‍सो पाइब। परमप्रभुम मेको आ ठीक पतीक लेंशा ङोंइती ङा खोदेंशो सेल्‍ब।

भजन संग्रह 17:15

गो चहिं ठीक पा बाक्‍शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्‍शा, ग्‍येरसीनुङ” देंती।

भजन संग्रह 4:6

शुश मुरुमी “सुमी आंइ कली रिम्‍शो बाक्‍चा गेबा” दे हिल्‍लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्‍ती ६:२५

भजन संग्रह 42:2

मोपा आं थुं ब्रोंइशा बाक्‍ब परमप्रभु आ नेक्‍था बाक्‍चा दाक्‍ब। गो गेना परमप्रभु आ ङोंइती बाक्‍चा ताइनुङा? भजन संग्रह ६३:२; भजन संग्रह ८४:३; भजन संग्रह १४३:६

यसैया 33:17

गेपुकीमी पिप कली आ दारसम ग्‍योम्‍सीशा ताइनीनी। मिनु मेकोपुकीमी ठेयब रागी कली ताइनीम।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 40:5

मेना परमप्रभु यावे आ छेङछेङ ग्रूब। मेको मुर नेल्‍लेम ताइनीम। मारदे हना परमप्रभु यावेमी एको लोव़ देंशो बाक्‍ब” दे लोव़ पाप्‍तु।

इजीकीएल 33:23

मिनु परमप्रभु यावेमी आं कली लोव़ पाप्‍तु।

मत्ती 5:8

आन पाप क्‍याम्‍चा पुंइसीशा, रिम्‍शो थुं दुम्‍शोपुकी आसीक राइनीम। मारदे हना परमप्रभु यावे कली ताइनीम। भजन संग्रह २४:३-५; भजन संग्रह ५१:१२-१३; १यूहन्‍ना २:२-३

यूहन्‍ना 12:26

सुमी आं गेय पाइबा, आं देंशो यो पचा माल्‍बा, मेको आं बाक्‍तीकेमी बाक्‍चा ताइब। आं आफोमी आं गेय पाइब आन कली ठेयब सेल्‍ब” देंत। यूहन्‍ना १७:२४

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

१ कोरिन्‍थी 13:12

मुल गोपुकीमी ब्राब्रा पा ताइतय। मेना रिम्‍शो पा ताइनय। मुल गो इच्‍का ला रुप्‍नुङ। मेना नेल्‍ल रिम्‍शो पा रुप्‍नुङ। परमप्रभु यावेमी आं कली तुइश्‍शो बुद पा, गो मेना नेल्‍ल तुइक्‍नुङ। गन्‍ती १२:८; २कोरिन्‍थी ५:७; १कोरिन्‍थी ८:३

हिब्रू 12:14

मुर नेल्‍ल नु दुशा गारशा बाक्‍कीने। पाप रे ङोन बाक्‍शा, रिम्‍शो थुं पशा गेय पा कोंइदीने। मो पाइतीनी हना, प्रभु नु काथा बाक्‍चा ताइनीनी। रोमी १२:१८; २तिमोथी २:२२

प्रकाश 14:1

मिनु नोले गो मेको पाठा सियोन डांडामी राप्‍शो ताता। मिनु लाख का ४४ हजार मुर पाठा नु बाक्‍तेक्‍म। मेको आन कुप्‍फीमी येसु नु आ आफ आ नें ब्रेक्‍सीशो बाक्‍त। प्रकाश ७:४; प्रकाश ३:१२

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२

प्रकाश 7:3

“गोपुकीमी आंइ परमप्रभु यावे आ वाइलीम वाइल आन कुप्‍फीमी छाप मथोक्‍शो सम्‍म रागी, समुन्‍द्र नु रवा आन कली मबिग्रेने” देंत। प्रकाश ९:४; इजीकीएल ९:४,६