प्रकाश 22:2 - Sunuwar Bible

² सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।

प्रकाश 22:2 ပူးပေါင်းရင်းမြစ်များ

उत्पत्ती 2:9

मिनु परमप्रभु यावेमी मेकेर मार मार दारशो तांइसीब रवा नु जचा ब्‍वचा फल सिप्‍ब रवा वापदा बाक्‍त। ब्रोंइपाइक्‍ब का नु रिम्‍शो नु मरिम्‍शो तुइक्‍पाइक्‍ब रवा का यो रू आ दातेमी वापदा बाक्‍त। उत्‍पत्ती ३:२२; प्रकाश २:७; प्रकाश २२:२

भजन संग्रह 147:3

मेकोमी थुं जिक्‍शो आन कली सापाइक्‍ब। मिनु मेको आन कली वाम फ्रेंब। यसैया ६१:१

हितोपदेस 3:18

मेको नु बाक्‍बपुकी शुश नाक्‍त ब्रोंइनीम। मेको कली मुप्‍शा बाक्‍ब आन पर्बम मुरपुकीमी “मेकोपुकी ग्‍येरसीशो मुर बाक्‍नीम” देंनीम। हितोपदेस ११:३०; हितोपदेस १३:१२; हितोपदेस १५:४

यसैया 6:10

मेको आन थुं खकटा सेलो। आन नोफा मनेंब नु आन मिक्‍च मताइब सेलो। मोदेंशो दुम्‍शा, मेको आन मिक्‍च मताइब नु नोफा मनेंब दुम्‍नीम। मोदेंशो मदुम्‍त हना, मेको आं गे लेत्‍नीम। मिनु गो मेको आन कली सापाइक्‍चा माल्‍नुङ” देंत। ब्‍यवस्‍था २९:३; रोमी ११:८

येरमीया 17:14

मिनु गो “परमप्रभु यावे आं कली सापाइय्‍यीनी। मिनु गो सानुङ। आं कली प्रोंइयीनी। मिनु गो ब्रोंइनुङ। मारदे हना गे आं सक्ति बाक्‍नीनी। प्रस्‍थान १५:२६; बजन संग्रह ६:३

इजीकीएल 47:1

मिनु नोले मेकोमी आं कली परमप्रभु यावे आ खिं आ ओव़तीक लाप्‍चोम लेश्‍शा चाक्‍ती। मिनु गो मेको लाप्‍चो आ थेंका रे ब्‍वाक्‍कु यिशा, पूर्ब गे शाइश्‍शो ताता। मारदे हना मेको परमप्रभु यावे आ खिं पूर्ब गे कोव़शो बाक्‍त। मिनु मेको ब्‍वाक्‍कु परमप्रभु यावे आ खिं आ दक्‍खिन चढ़ेतीक आ दक्‍खिन रे शाइश्‍शो बाक्‍त। उत्‍पत्ती २:१०-१४; योएल ४:१८; प्रकाश २२:१

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

जकरिया 14:8

मेको नाक्‍त यरूसलेम रे पा ब्रोंइचा गेब ब्‍वाक्‍कु शाइश्‍शा यीब। मिनु मेको उइक्‍थ पूर्ब ङा समुन्‍द्र गे नु उइक्‍थ पच्‍छिम ङा समुन्‍द्र गे शाइक्‍ब। मेको होशो नु सिक्‍‍शो नेल्‍ल नाक्‍त शाइक्‍ब। इजीकीएल ४७:१-८

मलाकी 4:2

तन्‍न गे आं नें कली मान पाइब, इन ङोंइती आं ठीक पतीके नां खोदेंशो पा दाप्‍ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्‍ना प्रेक्‍न दोरनीनी। लूका १:७८

लूका 4:18

“परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, ग्‍याइश्‍शा चोक्‍चा पुंइसीशो मुर आन कली प्रोंइ‍चा कली, मिक्‍च मताइब आन कली तपाइक्‍चा नु श्‍येत जाइब आन कली श्‍येत रे प्रोंइशा, रिम्‍शो पा बाक्‍चा गेचा कली सोइक्‍ताक्‍यी। यसैया ४२:७

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

प्रकाश 2:7

परमप्रभु यावे आ सोक्‍तीमी थमा सुइक्‍ब मुर आन कली शेंशो लोव़ सु सुमी नेंने चाप्‍नीमी, मेकोमी नेन्‍मेक्‍ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्‍ब ब्रोंइतीक रवा आ फल ब्‍वचा गेनुङ” दे ब्रेक्‍पाइक्‍ती। प्रकाश २२:२; उत्‍पत्ती २:९

प्रकाश 21:21

मिनु मेको १२ ओटा लाप्‍चो चहिं १२ ओटा मोती के सेल्‍शो बाक्‍तेक्‍म। लाप्‍चो का मोती काम सेल्‍शो बाक्‍त। मिनु मेको सहर ङा लांपुकी सिसा खोदेंशो मारेइ मब्‍वाइश्‍शो सुन के बाक्‍तेक्‍म।

प्रकाश 21:24

मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४

प्रकाश 22:19

सु सुमी परमप्रभु यावेमी तुइक्‍पाइश्‍शो एको किताबम ब्रेक्‍शो लोव़ ख्रोइक्‍नीमी, मेको यो सजाइ ताइनीम। मार सजाइ ताइनीम देंशा हना, परमप्रभु यावेमी मोदेंशो मुर आन कली ब्रोंइचा गेब रवा आ फल ब्‍वचा मगेब। मिनु मेको मुरपुकी परमप्रभु यावे आ योव़शो यरूसलेम सहरम ओव़चा यो मताइनीम।