प्रकाश 22:1 - Sunuwar Bible

¹ मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:1 ပူးပေါင်းရင်းမြစ်များ

भजन संग्रह 46:4

मिनु ठेयब खोला का बाक्‍ब। मेको रे पा ब्राशो आइक्‍च खोलापुकीमी परमप्रभु आ बाक्‍तीके सहर कली ग्‍येरपाइक्‍नीम। मेको नेल्‍ल क्‍येङा ठेयब आ बाक्‍तीके सहर बाक्‍त। यसैया १२:५

यसैया 41:18

गो गोरशो डांडामी ब्‍वाक्‍कु ग्रू‍पाइक्‍नुङ। बेंसीमी ब्‍वाक्‍कु बुक्‍पाइक्‍नुङ। गो मुर मबाक्‍तीकेम ब्‍वाक्‍कु देम्‍शो नु सोव़शो रागीम ब्‍वाक्‍कु बुक्‍पा ग्रूपाइक्‍नुङ। यसैया ३५:१,७; यसैया ४३:१९; प्रस्‍थान १७:६; भजन संग्रह १०७:३५

यसैया 48:18

गेपुकी आं शेंशो टिशो ननी हना, इन सोशा बोशा लतीके ठेयब खोला खोदेंशो दुम वा। इन रिम्‍शो दुम्‍तीके समुन्‍द्र खोदेंशो दुम वा। ब्‍यवस्‍था ५:२९

यसैया 66:12

मारदे हना परमप्रभु यावेमी “गो ठेयब खोला खोदेंशो पा मार मार गेनुङ। मिनु बारशो खोला खोदेंशो पा रागी रागी ङा मुर आन शोंप गेनुङ। मिनु गे जाइनीनी। गेपुकी मुप्‍शा, कुरचा पुंइसीनीनी। थुकुम ग्‍यारपाइक्‍चा पुंइसीनीनी। यसैया ६०:४

येरमीया 17:13

गे इस्राएली आन आस पशो परमप्रभु यावे, इन कली प्रोंइब नेल्‍ल मुने दोक्‍नीम। इन कली प्रोंइशा गाक्‍ब मुर नेल्‍ल फुरकुम नें ब्रेक्‍शो खोदेंशो ला बाक्‍नीम। मारदे हना मेकोपुकीमी गेना हना यो ब्रोंइचा गेब ब्‍वाक्‍कु, परमप्रभु यावे कली प्रोंइशो बाक्‍नीम। येरमीया २:१३

येरमीया 2:13

मारदे हना आं मुरपुकीम निक्‍शी खेयप मरिम्‍शो पाम्‍तेक्‍म। मेकोपुकीमी, ब्रोंइतीक ब्‍वाक्‍कु बुक्‍तीके, आं कली प्रोंइतेक्‍म। मिनु आंम कली सोव़शो रागीमी ब्‍वाक्‍कु मदेम्‍तीक इनार दोम्‍तेक्‍म। येरमीया १७:१३; भजन संग्रह ३६:१०; यूहन्‍ना ७:३८

जकरिया 14:8

मेको नाक्‍त यरूसलेम रे पा ब्रोंइचा गेब ब्‍वाक्‍कु शाइश्‍शा यीब। मिनु मेको उइक्‍थ पूर्ब ङा समुन्‍द्र गे नु उइक्‍थ पच्‍छिम ङा समुन्‍द्र गे शाइक्‍ब। मेको होशो नु सिक्‍‍शो नेल्‍ल नाक्‍त शाइक्‍ब। इजीकीएल ४७:१-८

यूहन्‍ना 13:32

मिनु परमप्रभु यावेमी रागीमी जरमेशो कली आंम आ सक्ति गेशा, ठेयब सेल्‍ब। एको मुल दुम्‍चा चिक्‍शो बाक्‍त। यूहन्‍ना १७:१-५

यूहन्‍ना 15:26

मिनु वारच पाइब का जाक्‍ब। गो मेको कली आफ आ बाक्‍तीक रे सोइक्‍नुङ। मेको परमप्रभु यावे रे जाक्‍शो थमा ङा सोक्‍त बाक्‍ब। मेकोमी आं पर्बम शेंब। यूहन्‍ना १४:१६,२६; लूका २४:४९

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

प्रेरित 2:33

मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।

प्रकाश 21:6

मिनु मेकोमी लेंशा आं कली “गो आल्‍फा नु ओमेगा नङ। नेल्‍ल क्‍येङा ङोंइती नु नेल्‍ल क्‍येङा नोले ङा गो नङ। सु सुमी तूतू दाक्‍नीमी, मेको आन कली ब्रोंइचा गेब ब्‍वाक्‍कु बुक्‍तीक रे मोशा तूचा गेनुङ। प्रकाश १:८; प्रकाश २२:१३

प्रकाश 21:9

मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७

प्रकाश 22:6

मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। प्रकाश १:१

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८

प्रकाश 5:13

मिनु स्‍वर्गमी बाक्‍ब, रागी नु रागी आगाम बाक्‍ब, समुन्‍द्र तारी नु आगाम बाक्‍ब नेल्‍लेमी “गेना हना यो ठेयब नित्‍तीकेमी निप्‍ब नु पाठा कली गे रिम्‍शो पाइब बाक्‍नीनी, मान, छेङछेङ ताइब नु सासन पाइब बाक्‍नीनी” देंशो नेंता।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९

प्रकाश 7:17

मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८