प्रकाश 21:9 - Sunuwar Bible

⁹ मिनु नोले गो परमप्रभु यावे आ स्‍वर्ग ङा गेय पाइब का जाक्‍शो ताता। मेको सु बाक्‍त देंशा हना, ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मेकोमी आं कली “एके पिवो, गो इ कली ग्‍युम्‍ली कोंइनुङ। मेको ग्‍युम्‍ली पाठा आ मीश बाक्‍ब” दे माइक्‍ती।

प्रकाश 21:9 ပူးပေါင်းရင်းမြစ်များ

प्रकाश 1:1

परमप्रभु यावेमी येसु ख्रीस्‍त कली “मार मार दुम्‍चा चिक्‍ता, आ रागी ङा वाइलीम वाइलपुकीमी तुइक्‍तमेक्‍ल” दे कोंइताक्‍व। मिनु येसु ख्रीस्‍तमी आ स्‍वर्ग ङा गेय पाइब कली आ वाइल यूहन्‍ना आ बाक्‍तीके सोइक्‍ताक्‍व। मारदे सोइक्‍ताक्‍व देंशा हना, मेको दुम्‍चशो लोव़ शेंथ सोइक्‍ताक्‍व।

प्रकाश 17:1

नोले गो परमप्रभु यावे आ स्‍वर्ग ङा गेय पाइब का ताता। मेको सु बाक्‍त देंशा हना, मेको ङोंइती ङा ७ जना श्‍येतमी ब्रीशो डप्‍का कुरबपुकी ङा का बाक्‍त। मिनु मेकोमी “एके पिवो, गो इ कली ब्‍वाक्‍कु तार बाक्‍ब ठेयब तेल्‍लेम कली गेशो सजाइ कोंइनन। प्रकाश १५:१

प्रकाश 19:7

गो नेल्‍ल ग्‍येरसय। गो नेल्‍लेमी ‘इन सक्ति नेल्‍ल क्‍येङा ठेयब बाक्‍ब’ देंय। गो नेल्‍लेमी परमप्रभु यावे कली मान पय। मारदे हना पाठा आ ग्‍युंबे दुम्‍चशो बाक्‍त। मिनु आ ग्‍युम्‍लीम आंम कली ग्‍योम्‍सीशा, ठीक दुम्‍शो बाक्‍त। प्रकाश २१:९

प्रकाश 21:17

मिनु मेकोमी सहर आ गारो पुक्‍गानु, सहे का ४४ कुबीत ब्रेम्‍शो बाक्‍त। मेको परमप्रभु यावे आ स्‍वर्ग ङा गेय पाइब आ पुक्‍तीके मुर आन पुक्‍तीके खोदेंशो बाक्‍त। कुबीत का गज का खोदेंशो, ०.५ मिटर बाक्‍ब।

प्रकाश 21:2

परमप्रभु यावे आ सहर नक यरूसलेम माइश्‍शो परमप्रभु यावे आ बाक्‍तीके रे यिना यिन पाइश्‍शो ताता। मेको सहर ग्‍युम्‍ले कली ग्रुम्‍चशो ग्‍युम्‍ली खोदेंशो दुम्‍शा, ग्‍योम्‍सीशा यिशो बाक्‍त। गलाती ४:२६; हिब्रू १२:२२; प्रकाश १९:७-८

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०

प्रकाश 22:17

मिनु परमप्रभु यावे आ सोक्‍त नु ग्‍युम्‍लीमी मुर आन कली “पिने” देंनीस। मिनु सु सुमी मेको लोव़ नेंनीमी, मेकोमी यो “पिने” देंमल। सु सु तूतू दाक्‍नी, पिने। मिनु ब्रोंइचा गेब ब्‍वाक्‍कु मोशा तूङीन। यसैया ५५:१; यूहन्‍ना ७:३७

प्रकाश 22:6

मिनु मेकोमी आं कली “एको लोव़ नेल्‍ल थमा बाक्‍ब। मोपतीके थमा सुइक्‍ने चाप्‍नीम। परमप्रभु यावे आ लोव़ पाइब आन सोक्‍त ङा प्रभु बाक्‍ब। मोपतीके आ वाइलीम वाइल आन कली आ स्‍वर्ग ङा गेय पाइब का सोइक्‍ताक्‍व। मारदे सोइक्‍ताक्‍व देंशा हना, दुम्‍चशो लोव़ शेंथ सोइक्‍ताक्‍व। आमेन। प्रकाश १:१