प्रकाश 21:24 - Sunuwar Bible

²⁴ मिनु रागी रागी ङा मुरपुकी मेको सहर ङा छेङछेङमी बाक्‍नीम। मिनु रागी रागी ङा पिप आन शोंप नु दारस मेकेर चाक्‍नीम।

प्रकाश 21:24 ပူးပေါင်းရင်းမြစ်များ

भजन संग्रह 22:27

रागी रागी ङा मुरपुकीमी आं कली मिम्‍शा, परमप्रभु यावे गे लाइनीम। मिनु रागी ङा खिं खिं ङा मुरपुकी परमप्रभु आ ङोंइती बाप्‍नीम।

यसैया 2:2

नोले ङा नाक्‍ती परमप्रभु यावे आ खिं सेल्‍शो डांडा, डांडा नेल्‍ल आन क्‍येङा लाइश्‍शो दुम्‍ब। पहाड नेल्‍ल आन क्‍येङा यो लाइश्‍शो दुम्‍ब। मिनु रागी रागी ङा मुर नेल्‍ले मेको डांडाम जाक्‍नीम। मीका ४:१-३; यसैया १९:२३; येरमीया ३:१७

यसैया 2:5

याकूब आ खिं ङा मुर जाक्‍कीन। गोपुकी परमप्रभु यावे आ छेङछेङम गाक्‍य।

यसैया 49:23

मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्‍नीम। मेकोपुकी इ ङोंइती बाप्‍शा, इ फुरक लुम्‍सीशो खोइली तुक्‍नीम। मिनु गो परमप्रभु यावे नङ, दे तुइक्‍नेवे। आं लां रिम्‍शा बाक्‍बपुकी मुने मदोक्‍नीम” देंत। भजन संग्रह ७२:९; यसैया ६०:१६

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

यसैया 55:10

सरीङ रे रेउ नु फुं यिशा, मोशीन मलेप्‍ब। मेकोमी खप जिप्‍पाइश्‍शा बाली नाली ग्रेल्‍पाइक्‍ब। शोक्‍ब कली वांचेर गेशा, मुर आन कली जचा गेब।

यसैया 55:5

नेनीन, गे इन मतुइश्‍शो रागी रागी ङा मुर आन कली ब्रेत्‍नीनी। मिनु इन कली मतुइश्‍शो रागी रागी ङा मुरपुकी इन गे जाक्‍नीम। परमप्रभु यावे, इन परमप्रभु, इस्राएली आन का ला बाक्‍शो परमप्रभु आ पर्बम मेकोपुकी जाक्‍नीम। मारदे हना मेकोमी इन कली आ खोदेंशो रिम्‍शो पा सेल्‍शो बाक्‍त” देंत।

यसैया 60:13

लेबानोन ङा दारस इ बाक्‍तीके चाक्‍नीम। मेकेर ङा लाइश्‍शो रवा आन शी आं बाक्‍तीके दारपाइक्‍चा कली चाक्‍नीम। मोपा गो आं बाक्‍तीके दारपाइक्‍नुङ।

यसैया 60:16

गे रागी रागी ङा दूध तूनेवे। मिनु गे पिप आन दूध तूनेवे। मिनु गो इ कली श्‍येत रे प्रोंइब बाक्‍नुङ। याकूब आ सक्ति पाइश्‍शो परमप्रभु इ कली पाप रे प्रोंइब बाक्‍नुङ, दे तुइक्‍नेवे। यसैया ४९:२०

यसैया 66:18

परमप्रभु यावेमी “गो मेको आन पतीके नु आन मिम्‍तीके तुइक्‍नुङ। मिनु रागी रागी ङा मुर नेल्‍ल नु नेल्‍ल खाल ङा लोव़ पाइब मुर आन कली खुप्‍नुङ। मिनु मेको मुर जाक्‍शा, आं छेङछेङ ताइनीम।

येरमीया 4:2

कसम जची ना गेपुकीम ‘परमप्रभु यावे ब्रोंइशा बाक्‍शो खोदेंशो पा’ दे कसम जाइतीनी हना, गे थमा लोव़ पा, ठीक निसाफ पाइब नु रिम्‍शो थुं पाइब मुर दुम्‍तीनी हना, रागी रागी ङा मुर परमप्रभु आ नें थि‍शा आसीक पमुइनीम। मिनु मेकोपुकी आ आल दुम्‍तीके ग्‍येरसीनीम” देंत। ब्‍यवस्‍था १०:२०; यसैया ६५:१६

जकरिया 2:11

मेको नाक्‍त शुश रागी ङा मुरपुकी परमप्रभु यावे नु गारचा कली जाक्‍‍नी‍म। मेको नाक्‍ती मेको आं मुर दुम्‍नी‍म। मिनु गो गे इन दातेमी बाक्‍नुङ। मिनु गेपुकीमी मुर नेल्‍ल आन परमप्रभु यावेमी आं कली इन कली लोव़ पथ सोइश्‍‍शो बाक्‍ब, दे तुइक्‍नी‍नी” दे परमप्रभु यावेमी देंत। यसैया ११:१०

रोमी 15:16

गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

रोमी 15:26

मासीडोनीया नु आकाया रागीमी बाक्‍ब थमा सुइक्‍बपुकीमी “यरूसलेमम बाक्‍ब थमा सुइक्‍बपुकीमी जचा मतामे” देंशो नेंशा, क्‍येट पोक्‍शा गेतीमी। मोपतीके मेको आन कली क्‍येट चोव़थ लाइनुङ। १कोरिन्‍थी १६:१; २कोरिन्‍थी ८:१-४

ब्‍यवस्‍था 32:43

गे रागी रागी ङा मुरपुकी, ग्येरसीशो मेको आ मुर बाक्‍नीनी। मिनु नेल्‍लेमी परमप्रभु कली मान पने। मारदे हना मेकोमी आ गेय पाइब आन हुश आ क्‍येक्‍क लेप्‍ब। आ मुर आन कली मरिम्‍शो पाइब आन कली क्‍येक्‍क लेप्‍ब। मिनु मेको आन कली काइ मदाक्‍ब आन कली क्‍येक्‍क लेप्‍ब। मिनु मेकोमी आ मुर आन रागी कली लेंशा रिम्‍शो सेल्‍ब” दे मोसामी कुम्‍सो पाप्‍तु। रोमी १५:१०; ब्यवस्‍था २१:८; गन्‍ती ३५:३३-३४

प्रकाश 21:26

मिनु रागी रागी ङा मुरपुकीमी आन शोंप नु दारस मेको सहरमी चाक्‍नीमी।

प्रकाश 22:2

सहर ङा लां आ दाते रे पा शाइश्‍शो बाक्‍त। मेको खोला ओंथ हांबु नु आइक्‍ची हांबुमी ब्रोंइचा गेब रवा बाक्‍शो बाक्‍तेक्‍म। मेको ब्रोंइचा गेब रवापुकीमी १२ किसीम ङा फल सिप्‍बाक्‍तेक्‍म। महिनामी खेयप का सिबाक्‍तेक्‍म। मेको ब्रोंइचा गेब रवा आ सफा रागी रागी ङा मुर आन कली सापाइक्‍चा कली बाक्‍तेक्‍म।