प्रकाश 21:23 - Sunuwar Bible

²³ मिनु मेको सहरमी नां नु तास्‍ला दाप्‍चा ममाल्‍ब। मारदे हना परमप्रभु यावे आ छेङछेङ नेल्‍ल सहरमी दाप्‍ब। पाठा मुर आन कली छेङछेङ गेब बत्ती बाक्‍ब। यसैया ६०:३,५,११,१९,२०

प्रकाश 21:23 ပူးပေါင်းရင်းမြစ်များ

भजन संग्रह 84:11

मारदे हना परमप्रभु, परमप्रभु यावे नां नु तेक्‍तीक बाक्‍ब। परमप्रभु यावेम ठेयब दुम्‍तीक नु मान गेब। मेकोमी ठीक लां खोइक्‍ब आन कली रिम्‍शो पाइब।

यसैया 2:10

परमप्रभु यावे आ हिंच कोंइतीक नु आ छेङछेङ रे पुक्‍खी आगाम ख्रुंइसीन। फुरक आगाम ख्रुंइ‍सीन।

यसैया 2:19

परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्‍मेनु, गे पुक्‍खीम नु खपी आगा ङा ढोडोङगाम ओव़शा ख्रुंइसीन।

यसैया 2:21

परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०

यसैया 24:23

मेना तास्‍ला लल जीब, नां आ छेङछेङ जाम्‍ब। मारदे हना मुर नेल्‍ल आन परमप्रभु यावेमी सियोन डांडा नु यरूसलेमम सासन पाइब। खाल्‍पा आन ङोंइती आ छेङछेङ कोंइब।

यसैया 30:26

मिनु तास्‍ला आ छेङछेङ नां आ छेङछेङ खोदेंशो दुम्‍ब। नां आ छेङछेङ चहिं ७ ओटा नां आ छेङछेङ खोदेंशो दुम्‍ब। मेको ७ नाक्‍त ङा छेङछेङ दुम्‍ब। मेना परमप्रभु यावेमी आ मुर आन गार फ्रेंब। तुप्‍शो गार सापाइक्‍ब।

हबकुक 3:3

परमप्रभु तेमान रे पा जाक्‍त। मेको का ला परमप्रभु पारान डांडा रे जाक्‍त। ठेयब सेंदा पा आ ठेयब दुम्‍तीकेमी सरीङ सुम्‍शो बाक्‍त। आ मान ततीकेम रागी नेल्‍ल ब्रीशो बाक्‍त। ब्‍यवस्‍था ३३:२

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

मर्कूस 8:38

सुमी हेंथे गाक्‍ब नु पाप पाइब आन पालामी आं पर्बम नु आं लोव़ आ पर्बम मुर आन कली देंचा मुने पाइबा, मेको आ पर्बम रागीम जरमेशोमी यो आ आफ आ छेङछेङ नु आ स्‍वर्ग ङा गेय पाइबपुकी नु जाक्‍मेनु मेको कली तशा मुने पाइब” दे माइक्‍मी बाक्‍त। मत्ती १०:३३

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

यूहन्‍ना 1:14

मिनु लोव़ माइश्‍शो मुर दुम्‍शा, गोपुकी नु बाक्‍शो बाक्‍त। मेको शिशी पाइब नु परमप्रभु यावे आ लां कोंइब बाक्‍त। गोपुकीमी “परमप्रभु यावे आ कांइचीक तौ बाक्‍ब” दे तुइश्‍शा, मेको कली परमप्रभु यावे आ छेङछेङ, आ शिशी नु आ थमा पतीकेमी ब्रीशो ताइतक। १तिमोथी ३:१६; प्रस्‍थान ३३:१८; यसैया ६०:१; २पत्रुस १:१६-१७

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 1:4

मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२

यूहन्‍ना 1:9

मिनु छेङछेङ माइश्‍शोमी रागीमी बाक्‍शो मुर नेल्‍ल आन कली रुप्‍ब थुं गेचा कली रागीमी जाक्‍त।

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३

प्रेरित 22:11

मेको छेङछेङम पतीके गो मिक्‍च मताइब दुम्‍ती। मिनु गो नु काथा गाक्‍ब वारचपुकीमी आं गुइ ग्‍याइश्‍शा कीशा, दमस्‍कस सहरमी चाक्‍दीत्‍तीमी।

प्रकाश 14:4

मिनु मेको मुरपुकी रागी ङा पाप रे ङोन बाक्‍शो बाक्‍तेक्‍म। मिनु मेकोपुकी पाठा तेक तेक लमे, मेक मेक लाइबाक्‍तेक्‍म। मेकोपुकी रागी ङा मुर आन दाते रे ग्रुंइशा, परमप्रभु यावे नु पाठा आस ङोंइती ङा योव़सीशो मुर बाक्‍तेक्‍म। १कोरिन्‍थी ७:१,८

प्रकाश 18:1

मिनु नोले गो शुश अधिकार पाइश्‍शो परमप्रभु यावे आ स्‍वर्ग ङा गेय पाइब का सरीङ रे यिशो ताता। मेको आ टल्‍केशोमी रागी नेल्‍ल छेङछेङ दुम्‍त। इजीकीएल ४३:२

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।

प्रकाश 21:25

मेको सहर ङा लाप्‍चोपुकी गेना हना यो रोक्‍शो बाक्‍नीम। मारदे हना मेकेर गेनायो नाक्‍दो मदुम्‍ब। जकरिया १४:७

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।

प्रकाश 5:6

मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९

प्रकाश 7:17

मारदे हना मेको ठेयब नित्‍तीके आ दातेमी बाक्‍शो पाठामी मेको आन कली कोव़शा, गोठला पाइब। मिनु मेकोमी मेको आन कली ब्रोंइचा गेब ब्‍वाक्‍कु बुक्‍तीके कोंइब। मोपा परमप्रभु यावेमी मेको आन प्रेक्‍कु फिक्‍ब” देंत। भजन संग्रह २३:२; प्रकाश २१:४; यसैया २५:८