प्रकाश 21:18 - Sunuwar Bible

¹⁸ मेको गारो बुश टल्‍केशो हीरा के सेल्‍शो बाक्‍त। मेको सहर चहिं सिसा खोदेंशो मारेइ मब्‍वाइश्‍शो सुन के बाक्‍त।

प्रकाश 21:18 ပူးပေါင်းရင်းမြစ်များ

१ राजा 6:30

मिनु मेकोमी परमप्रभु यावे आ खिं ङा नेल्‍ल क्‍येङा चोव़खो कोठा ङा खप नेल्‍ल सुन ब्रपदा बाक्‍त।

२ इतिहास 3:6

मेको खिं कली दारपाइक्‍चा कली हीरापुकी क्‍येप्‍पदा बाक्‍त। मेको आन माल्‍शो सुन पारवाइम माइक्‍तीके रे चाक्‍शो बाक्‍मा बाक्‍त।

प्रकाश 21:11

मिनु मेको सहर दोदेंशो तांइसाक्‍व देंशा हना, परमप्रभु यावे आ छेङछेङ नु सक्ति पाइश्‍शो बाक्‍त। मिनु परमप्रभु यावे आ छेङछेङ नेल्‍ल क्‍येङा रिम्‍शो टल्‍केशो बुश यास्‍पेर माइश्‍शो हीरा खोदेंशो तांइसाक्‍व।

प्रकाश 21:19

मिनु गारो आ जग नेल्‍ल खाल ङा हीरापुकीम ग्‍योम्‍शो बाक्‍तेक्‍म। ङोंइती ङा जग सरीङ खोदेंशो नीलो यस्‍पेर माइश्‍शो हीरामी ग्‍योम्‍शो बाक्‍त। मेको आ नोले ङा जग साफीर माइश्‍शो हीरामी ग्‍योम्‍शो बाक्‍त। मेको आ नोले ङा जग बुश कल्‍केदोन माइश्‍शो हीरामी ग्‍योम्‍शो बाक्‍त। मेको आ नोले ङा जग गिगी स्‍मारग्‍द माइश्‍शो हीरामी ग्‍योम्‍शो बाक्‍त।

प्रकाश 21:21

मिनु मेको १२ ओटा लाप्‍चो चहिं १२ ओटा मोती के सेल्‍शो बाक्‍तेक्‍म। लाप्‍चो का मोती काम सेल्‍शो बाक्‍त। मिनु मेको सहर ङा लांपुकी सिसा खोदेंशो मारेइ मब्‍वाइश्‍शो सुन के बाक्‍तेक्‍म।

प्रकाश 4:6

मिनु नित्‍तीक आ ङोंइती समुन्‍द्र खोदेंशो दिंम का बाक्‍त। मेको दिंम सिसा खोदेंब टल्‍केशो तांइसाक्‍व। मिनु मेको ठेयब नित्‍तीके आ एर ओंथ आन रां नेल्‍ले शुश मिक्‍च पाइश्‍शो ४ ओटा सेस जन्‍तु बाक्‍तेक्‍म। इजीकीएल १:५,१०,२२