प्रकाश 21:15 - Sunuwar Bible

¹⁵ मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।

प्रकाश 21:15 ပူးပေါင်းရင်းမြစ်များ

इजीकीएल 40:3

मिनु मेकोम आं कली मेकेर लदानु, गो मेकेर मुर का ताता। मेकेर कांसा खोदेंशो टल्‍केशो मुर का बाक्‍त। मेको आ गुइम सुती के डोरी नु पुक्‍तीक कोक्‍के का बाक्‍त। मेको ठेयब लाप्‍चो आ नेक्‍था राप्‍शो बाक्‍त। इजीकीएल ४७:३; जकरिया २:५ प्रकाश २१:१५

जकरिया 2:1

मिनु गो इर कोव़ङुनु, पुक्‍तीक डोरी शेशो मुर का आं ङोंइती राप्‍शो ता‍ता। इजीकीएल ४०:३

जकरिया 2:2

मिनु गो मेको कली “गे ते गाक्‍नी?” दे हिल्‍लो पा‍ता। मिनु मेकोमी आं कली “यरूसलेम पुक्‍शा, मेको दो‍शो दुइश्‍शो नु दो‍शो ब्रेम्‍शो बाक्‍मे, मेको कोव़थ लती” दे माइक्‍ती।

प्रकाश 21:12

मिनु मेको सहर दोपा सेल्‍शो बाक्‍त देंशा हना, मेको सहर आ एर ओंथ ठेयब गारो प्रोव़शो बाक्‍त। मिनु मेको गारोमी १२ ओटा ठेयब लाप्‍चोपुकी बाक्‍तेक्‍म। मिनु १२ जना परमप्रभु यावे आ स्‍वर्ग ङा गेय पाइबपुकी मेको लाप्‍चो का कामी बाक्‍शो बाक्‍तेक्‍म। इस्राएल आ १२ जना तौ आन नें नु थर मेको लाप्‍चो का कामी ब्रेक्‍शो बाक्‍तेक्‍म।

प्रकाश 21:16

मिनु मेकोमी मेको सहर कली पुक्‍तु। मेको सहर ४ पाटे चारै सुर बराबर दुइश्‍शो १२ हजार स्‍तादीयोन बाक्‍त। आ ग्‍येत्‍थ गे यो मोशोन दुइश्‍शो बाक्‍त। स्‍तादीयोन का १८५ मिटर बाक्‍ब।

प्रकाश 21:21

मिनु मेको १२ ओटा लाप्‍चो चहिं १२ ओटा मोती के सेल्‍शो बाक्‍तेक्‍म। लाप्‍चो का मोती काम सेल्‍शो बाक्‍त। मिनु मेको सहर ङा लांपुकी सिसा खोदेंशो मारेइ मब्‍वाइश्‍शो सुन के बाक्‍तेक्‍म।

प्रकाश 21:25

मेको सहर ङा लाप्‍चोपुकी गेना हना यो रोक्‍शो बाक्‍नीम। मारदे हना मेकेर गेनायो नाक्‍दो मदुम्‍ब। जकरिया १४:७