प्रकाश 21:12 - Sunuwar Bible

¹² मिनु मेको सहर दोपा सेल्‍शो बाक्‍त देंशा हना, मेको सहर आ एर ओंथ ठेयब गारो प्रोव़शो बाक्‍त। मिनु मेको गारोमी १२ ओटा ठेयब लाप्‍चोपुकी बाक्‍तेक्‍म। मिनु १२ जना परमप्रभु यावे आ स्‍वर्ग ङा गेय पाइबपुकी मेको लाप्‍चो का कामी बाक्‍शो बाक्‍तेक्‍म। इस्राएल आ १२ जना तौ आन नें नु थर मेको लाप्‍चो का कामी ब्रेक्‍शो बाक्‍तेक्‍म।

प्रकाश 21:12 ပူးပေါင်းရင်းမြစ်များ

२ इतिहास 9:19

मेको ६ ओटा थेंकामी थेंका कामी एर गे गुप्‍स का, ओंथ गे गुप्‍स का पा १२ ओटा गुप्‍स सेल्‍शो बाक्‍माक्‍त। तेकोइ राज्‍यम मोदेंशो ठेयब नित्‍तीके गेनायो मसेल्‍शो बाक्‍माक्‍त।

एज्रा 9:9

गो वाइलीम वाइल बाक्‍तक हना यो, आंइ परमप्रभुमी आंइ कली मप्रोंइशो बाक्‍ब। पारसी रागी ङा पिप आ ङोंइती इन गेना हना यो दाक्‍तीके कोंइशो बाक्‍तीनी। आंइ कली नक ब्रोंइचा गेशा, आंइ परमप्रभु आ खिं लेंशा सेल्‍चा कली नु ब्रेश्‍शो नेल्‍ल लेंशा सेल्‍चा कली नु यहूदा नु यरूसलेम एर ओंथ गारो प्रोव़चा गेतीनी।

नेहेम्‍याह 12:27

मिनु यरूसलेम ङा गारो प्रोव़ने थुम्‍तीक चाड कली लेवी आन कली आन आन बाक्‍तीक तेइ तेइ रे माल्‍शा, यरूसलेममी चाक्‍तेक्‍म। मारदे चाक्‍तेक्‍म देंशा हना, गारो थुम्‍तीके परमप्रभु यावे आ ङोंइती ग्‍येरसीशा “गे रिम्‍शो पाइब ननी” दे ठेयब सेल्‍तीक कुम्‍सो पचा नु खैजडी, तार पाइश्‍शो ठेयब ताप्‍तीके नु बीना ताप्‍चा कली चाक्‍तेक्‍म।

भजन संग्रह 122:7

इ गारो आगामी थुं नाइश्‍शा बाक्‍तीक दुम्‍ल। इ गारो ङा लाइश्‍शो खिंमी मारेइ श्‍येत मदुम्‍ल” देनीन।

भजन संग्रह 51:18

इन दाक्‍शो खोदेंशो पा सियोन कली रिम्‍शो दुम्‍तीक गेने। यरूसलेम ङा गारो लेंशा सेलीने।

प्रस्‍थान 28:21

मेको हीरा १२ ओटा दुम्‍चा माल्‍नीम। मिनु इस्राएल आ तौ आन नें का का पा मेको आन तार छाप थोक्‍शो खोदेंशो पा मुशा ब्रेक्‍पाइक्‍चा माल्‍नेवे। हीरा का आ तारी थर का आ नें दुम्‍चा माल्‍ब।

यसैया 54:12

इ खिं रूबीन माइश्‍शो लल हीराम साप्‍नुङ। इ सहर ङा ठेयब लाप्‍चो सिसा खोदेंशो हीराम सेल्‍नुङ। इ कली हिरशो गारो नेल्‍ले हीरा के सेल्‍नुङ” देंत।

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

लूका 15:10

मोपा पापी मुर कामी पाप पचा प्रोंइशा, आ थुं परमप्रभु यावे गे लेत्‍ताक्‍व हना, परमप्रभु यावे आ स्‍वर्ग ङा गेय पाइबपुकी ग्‍येरसीनीम” दे माइक्‍मी बाक्‍त।

लूका 16:22

मिनु लाजरस शुश श्‍येत जशा बेक्‍माक्‍त। मिनु परमप्रभु यावे आ स्‍वर्ग ङा गेय पाइबमी अब्राहाम आ थुकुमी वोदमे बाक्‍त। मेको नोले शोंप पाइश्‍शो मुर यो बेक्‍शा थिम्‍चा पुंइसे बाक्‍त।

प्रेरित 26:7

मिनु मेको लोव़ नेल्‍ल खाप्‍ब, दे आंइ १२ थर ङा यहूदी नेल्‍लेमी थमा सुइश्‍शा, परमप्रभु यावे कली नाक्‍दो नाक्‍त ठेयब सेल्‍शा बाक्‍नीकी। मेको आन थमा सुइश्‍शो खोदेंशो पा गो यो थमा सुइक्‍ब का नङ। मेको थमा सुइश्‍शो आ पर्बम आं कली दोस गेतीमी, अग्रीप्‍पा सरकार। प्रेरित २४:१५

हिब्रू 1:14

मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२

प्रकाश 21:13

मिनु मेको लाप्‍चोपुकी ते ते बाक्‍तेक्‍म देंशा हना, पूर्बम लाप्‍चो सां बाक्‍तेक्‍म। उत्तरम लाप्‍चो सां बाक्‍तेक्‍म। दक्‍खिनम लाप्‍चो सां बाक्‍तेक्‍म। पच्‍छिमम लाप्‍चो सां बाक्‍तेक्‍म।

प्रकाश 21:15

मिनु गो नु लोव़ पाइबमी मेको सहर, लाप्‍चो नु गारो पुक्‍चा कली सुन के पुक्‍तीके का कुरशो बाक्‍त।

प्रकाश 21:25

मेको सहर ङा लाप्‍चोपुकी गेना हना यो रोक्‍शो बाक्‍नीम। मारदे हना मेकेर गेनायो नाक्‍दो मदुम्‍ब। जकरिया १४:७

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४