प्रकाश 20:9 - Sunuwar Bible

⁹ मिनु सैतान आ फौजपुकी रागी नेल्‍ल साप्‍शा, लडाइ पथ जाक्‍तेक्‍म। मेकोपुकीमी येसु ख्रीस्‍त कली थमा सुइक्‍ब, परमप्रभु यावे आ योव़शो आन बाक्‍तीके नु परमप्रभु यावे आ दाक्‍शो सहर कली पुम्‍ताक्‍म। तन्‍न स्‍वर्ग रे मी दोक्‍शा, मेको पुम्‍ब नेल्‍ल आन कली नेक्‍तीमी।

प्रकाश 20:9 ပူးပေါင်းရင်းမြစ်များ

उत्पत्ती 19:24

मिनु नोले परमप्रभु यावेमी सोदोम नु गोमोररा सहर आस तारी सरीङ रे गन्‍धक नु मी रेउ यिशो खोदेंशो पा यिपदा बाक्‍त। ब्‍यवस्‍था २९:२२; भजन संग्रह ११:६; यसैया १:९-१०; यसैया १३:१९; आमोस ४:११; लूका १७:२९; २पत्रुस २:६; प्रकाश १४:१०

२ राजा 6:15

मिनु परमप्रभु आ मुर आ गेय पाइब सुनी कना बोक्‍शा लाङगा ग्रूमाक्‍त। मिनु मेना शारा नु बग्‍गी पाइश्‍शो लडाइ पाइब आन हुलमी सहर पुम्‍शो तवा बाक्‍त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्‍त।

अय्‍युब 38:18

गे रागी गिश ठेयब बाक्‍बा, दे तुइक्‍‍नेवे? गे मेको नेल्‍ल तुइक्‍नेवे हना, आं कली देनो।

भजन संग्रह 106:18

मिनु मेको आन दातेमी मी ग्रूशा, परमप्रभु आ अरेशो मपाइब आन कली ग्राव ग्रु दाक्‍शो बाक्‍त।

भजन संग्रह 87:2

परमप्रभु यावेमी याकूब आ मुर आन बाक्‍तीके क्‍येङा सियोन सहर ङा गारो ङा लाप्‍चो दाक्‍ब।

भजन संग्रह 97:3

मेको आ ङोंइङोंइती मी लशा, आ एर ओंथ ङा जोरी सत्रु नेल्‍ल आन कली दाक्‍ब। हबकुक ३:४

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

इजीकीएल 38:16

गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।

इजीकीएल 38:22

गो मुर बेक्‍तीक रोइम नु हुश ख्राक्‍श पोक्‍तीकेम मेको कली निसाफ पाइनुङ। गो मेको आ लडाइ पाइब आन तार, मेको नु बाक्‍शो जात जात ङा मुर आन हुल तार थम हिंचा ङा रेउ, मुप्‍स, मी नु गन्‍धक यिपाइक्‍नुङ।

इजीकीएल 38:9

गे फश गिवार खोदेंशो पा बारचा माल्‍नेवे। गे गोस्‍स खोदेंशो पा मेको रागी कली सुम्‍चा माल्‍नेवे। गे नु इ लडाइ पाइब नेल्‍ल नु गे नु बाक्‍ब नेल्‍लेम मोदेंशो पचा माल्‍नीनी’ देनो” देंत।

इजीकीएल 39:6

गो मागोग ङा मुर नु समुन्‍द्र आ नेक्‍था रिम्‍शो पा बाक्‍शो आन तार मी सोइक्‍नुङ। मिनु मेकोपुकीम गोन परमप्रभु यावे नङ, दे तुइक्‍नीम।

मीका 2:13

लां कोंइब मेको आन ङोंइती गाक्‍ब। मेकोपुकी लाप्‍चो रे पा ग्रूशा गाक्‍नीम। मेको आन पिप मेको आन ङोंइती गाक्‍ब। परमप्रभु यावे मेको आन ङोंइङोंइती बाक्‍ब” देंत।

हबकुक 1:6

गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।

गन्‍ती 11:1

मिनु परमप्रभु यावेमी मुर आन श्‍येत जशो आ पर्बम गन गन पशो नेंतु। परमप्रभु यावेमी मेको नेंशा, शुश गाइक्‍ताक्‍व। मिनु परमप्रभु यावे गाइश्‍शा, मुर आन बाक्‍तीके गे मी सोइश्‍शा, एर सुर मीम नेक्‍पाइक्‍तु। लेवी १०:२

गन्‍ती 16:35

मिनु परमप्रभु यावे रे मी ग्रूशा, मेको सहे निक्‍शी ५० जना धूप चोइब आन कली दाक्‍तु। लेवी १०:१-२; भजन संग्रह १०६:१७-१८

लूका 17:29

काबु चहिं लोत सोदोम प्रोंइशा प्रोक्‍मेनु, परमप्रभु यावेमी सरीङ रे मी नु बारुक तोक्‍पदा बाक्‍त। मिनु सोदोम सहरम बाक्‍ब नेल्‍ल बेक्‍मा बाक्‍त।

लूका 19:43

नोले इ जोरी सत्रु बोक्‍शा, इ कली एर ओंथ रे पुम्‍शा, तेइ लचा मगेथु, गारो ङोइक्‍नीम।

लूका 21:20

यरूसलेम सहर आ एर ओंथ लडाइ पाइबपुकीमी पुम्‍शो ताइतीनी हना ‘मुल सहर खतम दुम्‍ची नाक्‍त जाक्‍माक्‍त’ दे तुइक्‍तीन।

लूका 9:54

मिनु आ शेंसीब याकूब नु यूहन्‍नामी मेको लोव़ नेंशा, येसु कली “प्रभु, मेको गाउं ङा मुर आन कली परमप्रभु यावे कली पुंइशा, सरीङ रे मी तोक्‍पाइश्‍शा, खतम पपाइय्‍य?” दे हिल्‍लो पाम्‍से बाक्‍त। २राजा १:१०-१२

ब्‍यवस्‍था 23:14

मारदे हना इन कली प्रोंइचा नु इन जोरी सत्रु आन कली इन कली जिम्‍मा गेचा कली परमप्रभु यावे, इन परमप्रभु इन लडाइ पाइब आन बाक्‍तीकेम बाक्‍ब। मेकोमी इन कली इन जोरी सत्रु रे प्रोंइचा नु मेको आन कली इन गुइम गेब। मोपतीके इन बाक्‍तीके रिम्‍शो, आ खोदेंशो दुम्‍चा माल्‍ब। मिनु इन दातेमी ग्रांग्रा दित्‍चा ङा ताप्‍तु हना, इन बाक्‍तीक रे गाक्‍ब। लेवी २६:१२

२ थिस्‍सलोनिकी 1:8

मेको नु हुरुर पा ब्रशो मी सरीङ रे यीब। प्रभुमी परमप्रभु यावे कली मतुइक्‍ब नु आ ग्‍येरपाइक्‍ब लोव़ मटीब आन कली क्‍येक्‍क लेप्‍ब। रोमी २:८

हिब्रू 13:13

आ मुर दुम्‍शा, मेको मेर ग्रूशा, आ नु काथा बाक्‍शा, आ बुदी शुक्‍शी पाइक्‍चा पुंइसाक्‍य। हिब्रू ११:२६; हिब्रू १२:२

प्रकाश 11:5

सु सुमी मेको निक्‍शी आस कली बिग्रेचा माल्‍नीमी, मेको साइक्‍चा पुंइसीनीम। दोपा साइक्‍चा पुंइसीनीम देंशा हना, मेको आस शोव़ रे मी ग्रूशा, मेको साइक्‍चा पुंइसीनीम।

प्रकाश 13:13

मिनु मेको नोले ङा जन्‍तुमी ठेयब छक लाक्‍चा ङा गेय पाप्‍तु। मार छक लाक्‍चा ङा गेय पाप्‍तु देंशा हना, मेकोमी मुर आन ङोंइती सरीङ रे मी यिपाइक्‍तु। मत्ती २४:२४; २थिस्‍सलोनिकी २:९