प्रकाश 20:4 - Sunuwar Bible4 मिनु नोले गो नित्तीकपुकी ताता। मेको नित्तीकपुकीमी मुर निश्शो बाक्तेक्म। परमप्रभु यावेमी मेको आन कली निसाफ पचा गेप्तु। मिनु नोले गो येसु कली थमा सुइश्शा, आ लोव़ नु परमप्रभु यावे आ लोव़ पतीके आन पिया ख्रोइक्चा पुंइसीब आन कली तातामी। मेकोपुकीमी ठेयब जन्तु नु मेको आ मूर्ति कली पूजा मपामे बाक्त। मिनु मेको ठेयब जन्तु आ छाप आन कुप्फीम नु आन गुइमी यो वोइक्चा मबिस्समा बाक्त। मिनु मेको लेंशा ब्रोंइशा, ख्रीस्त नु हजार का बर्स सम्म सासन पाम्तेक्म। प्रकाश ३:२१; मत्ती १९:२८; १कोरिन्थी ६:२ အခန်းကိုကြည့်ပါ။ |
प्रकाश 20:4
40 ပူးပေါင်းရင်းမြစ်များ
मिनु गो कोव़ना कोव़न बाक्ङानु, पिप आन शुश नित्तीक वोइश्शो ताता। मिनु मेको शुश बर्स दुम्शो का ठेयब नित्तीकेमी निस्साक्व। मेको आ वा फुं खोदेंशो बुश बाक्त। मिनु आ पिया ङा चां रिम्शो ऊन खोदेंशो पा बुश बाक्त। मिनु मेको आ ठेयब नित्तीके ठेयब ब्रशो मी खोदेंशो बाक्त। मेको ठेयब नित्तीक आ गुगीलपुकी बाक्तेक्म। मेको के यो थम ठेयब मी खोदेंशो बाक्तेक्म। इजीकीएल १:२६; प्रकाश ४:२; भजन संग्रह ९०:२
मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।
मिनु नोले गो परमप्रभु यावेमी आ सांकछी निक्शी आस कली मार लोव़ पशो नेंता देंशा हना “गे आं लोव़ पाइब दुम्नीसी। गो इस कली आं लोव़ पचा कली सक्ति गेनुङ। गे निक्शीमी अरन्डी फेक्शा, हजार का सहे निक्शी ६० नाक्त सम्म आं लोव़ पाइनीसी” दे परमप्रभु यावेमी आ सांकछी निक्शी आस कली लोव़ पशो नेंता। प्रकाश १२:६
मिनु गो सिसा नु मी ब्वाइश्शो दोम्ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्तीके शेशा, राप्शो तातामी। मेको मुरपुकी चहिं सु बाक्तेक्म देंशा हना, मेकोपुकीमी मेको जन्तु कली ग्राशो बाक्तेक्मे। दोपा ग्रातेक्म देंशा हना, जन्तु नु जन्तु आ मूर्ति कली सेउ मपामे नु आ नें आ हिक्तीके चिन्ड यो मवोइक्पाइक्सीशो बाक्तेक्मे। प्रकाश ४:६
ကြော်ငြာတွေ