प्रकाश 20:3 - Sunuwar Bible

³ मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब।

प्रकाश 20:3 ပူးပေါင်းရင်းမြစ်များ

भजन संग्रह 90:4

हजार का बर्स इन कली सिनाक्‍त खोदेंशो बाक्‍ब। नाक्‍दो का इन कली याम का खोदेंशो बाक्‍ब। २पत्रुस ३:८

दानीएल 6:17

मिनु नोले गेय पाइबपुकीमी फुल्‍लु का चाक्‍शा, मेको गुप्‍स बाक्‍तीक आ ओव़तीक चोक्‍तेक्‍म। सुइमी दानीएल कली मारेइ पने मचाप्‍मेक्‍ल, दे पिपमी आ छाप पाइश्‍शो औंठीम थोक्‍शा, आ राज्‍य ङा ठेयब अधिकार ताइब आन छाप यो थोक्‍पाइक्‍तु।

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 27:66

मिनु सिपाहीपुकी नु लशा, मेक जाक्‍दीश्‍शा, सुशो फुल्‍लुमी लाहा छाप थोक्‍शा, खाल पा बाक्‍मा बाक्‍त।

मर्कूस 4:15

लांमी शोक्‍शो दोदेंशो बाक्‍नीम देंशा हना, लोव़ नेन्‍मेनु, सैतानमी आन थुंमी रुप्‍शो लोव़ योल्‍ब।

लूका 8:31

मिनु वोलपुकीम “आंइ कली नरकम मसोइक्‍तीकी” दे पुन्‍मे बाक्‍त।

२ कोरिन्‍थी 11:3

बुस्‍सुमी हव्‍वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्‍शो खोदेंशो पा, दूली शेंबपुकीमी इन थुं क्‍याल्‍शा, ख्रीस्‍त कली दाक्‍चा रे हेंथे लां खोइक्‍पाइक्‍नीम। उत्‍पत्ती ३:४,१३

२ पत्रुस 3:8

मिनु आं दाक्‍शो लोक्‍बपुकी, प्रभु कली नाक्‍त का हजार का बर्स खोदेंशो बाक्‍ब। मिनु हजार का बर्स नाक्‍त का खोदेंशो बाक्‍ब। भजन संग्रह ९०:४

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 13:14

मेकोमी ङोंइती ङा जन्‍तु नु बाक्‍शा, आ पशो छक लाक्‍चा ङा गेयमी मुर आन कली “परमप्रभु आ सक्ति पाइश्‍शो नङ” दे जोल पा छक लाक्‍चा ङा गेय पशा, मुर आन कली पाप पपाइक्‍तु। मार पाप पपाइक्‍तु देंशा हना, मेकोमी रागी ङा मुर आन कली “गार पाइश्‍शो जन्‍तु आ मूर्ति सेल्‍चा” दे शेंताक्‍मी।

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 17:8

इ तशो जन्‍तु ङोंइती बाक्‍त, मुल चहिं मबा। तन्‍न नोले पुं मपाइश्‍शो ढोडोङगा रे कुशा खतम दुम्‍ब। रागी सेल्‍चा रे ङा ब्रोंइतीक किताबमी आन नें मब्रेक्‍शो मुरपुकी चहिं मेको जन्‍तु तशा छक लाक्‍नीम। मारदे हना मेको जन्‍तु ङोंइती बाक्‍त, मुल मबा, नोले जाक्‍ब।

प्रकाश 20:1

मिनु नोले गो परमप्रभु यावे आ स्‍वर्ग ङा गेय पाइब स्‍वर्ग रे पुं मपाइश्‍शो ढोडोङगा ङा सांचो नु ठेयब साङलो शेशा, यिशो ताता। प्रकाश ९:१