प्रकाश 20:10 - Sunuwar Bible

¹⁰ मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०

प्रकाश 20:10 ပူးပေါင်းရင်းမြစ်များ

दानीएल 7:11

मिनु गो मेको ठेयब लेश्‍शो लोव़ पाइब ग्रोव़ कली कोव़ना कोव़न बाक्‍ती। मिनु गो कोव़ना कोव़न बाक्‍ङानु, मेको जन्‍तु कली साइक्‍तेक्‍म। मिनु मेको आ रां खतम सेल्‍शा, ठेयब मीमी हुम्‍ताक्‍म। प्रकाश १९:२०

मत्ती 25:41

मिनु आ पेरा गे राप्‍शो आन कली हिरशा ‘सराप तशोपुकी, गो नु मबाक्‍कीने। सैतान नु आ गेय पाइब आन कली गेनायो मकाप्‍ब मी वोइश्‍शो बाक्‍ब। मेकेर लने। प्रकाश २०:१०,१५

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

मर्कूस 9:44

नरकमी बाक्‍ब आन लुस्‍पु मबेक्‍नीम, मी यो मकाप्‍ब।

प्रकाश 16:13

मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। प्रकाश १२:३

प्रकाश 19:20

मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 20:8

मोपा ग्रूशा, रागी नेल्‍ल ङा मुर आन कली परमप्रभु यावे कली मटिथु, हेंथे गाक्‍पाइक्‍तु। हेंथे गाक्‍बपुकी चहिं गोग नु मागोग माइश्‍शो ङा मुरपुकी देंनीम। मिनु सैतानमी हिक्‍ने मचाप्‍चा ङा मुर आन कली लडाइ पचा कली खुप्‍ताक्‍व। इजीकीएल ३८:२

प्रकाश 9:17

मिनु मेको शारा नु शारा ङोइक्‍बपुकी दोदेंशो तातामी देंशा हना, मेको शारा ङोइक्‍ब आन कुचुमी पीतल के फेक्‍तीके फेक्‍शो तातामी। मेको फेक्‍तीके मी खोदेंशो लल गिम गिम नु हौ ताता। मेको शारा आन पिया गुप्‍स आ पिया खोदेंशो ताता। मिनु आन शोव़ रे मी, कुन नु गन्‍धक ग्रूत।