प्रकाश 2:7 - Sunuwar Bible7 परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। सु सुमी सैतान कली ग्रानीमी, मेको आन कली परमप्रभु यावे आ रूमी बाक्ब ब्रोंइतीक रवा आ फल ब्वचा गेनुङ” दे ब्रेक्पाइक्ती। प्रकाश २२:२; उत्पत्ती २:९ အခန်းကိုကြည့်ပါ။ |
प्रकाश 2:7
36 ပူးပေါင်းရင်းမြစ်များ
गे परमप्रभु आ रू एदेनम खोदेंशो बाक्ते। गे हीराम ग्योम्सीशो बाक्ते। लल मानीक, हाव पुश्पराज, बुश नु नीलो पन्ना, पीतमनी, लल रङ ङा ओनीक्स, नीलो बिलौरा, बुश नीर, लल फिरोजा नु गिगी बेरूज माइश्शो हीराम ग्योम्सीशो बाक्ते। मिनु मेको हीरा ग्याइक्तीके नु आप्तीके सुन के बाक्तेक्म। गे दुमे नाक्तीन मेको नेल्ल ठीक पशो बाक्तेक्म। प्रस्थान २८:१७-२०; इजीकीएल ३१:८-९; उत्पत्ती २:८
आम आफपुकी, गो इन कली मारदे ब्रेक्ना ब्रेक्न बाक्ती देंशा हना, गे मेको ङोंइती रे बाक्ब कली तुइक्नीनी। मोपतीके गो इन कली ब्रेक्ना ब्रेक्न बाक्ती। ठेयब वोंइश आलपुकी, गो इन कली मारदे ब्रेक्ना ब्रेक्न बाक्ती देंशा हना, गे सैतान कली ग्रातीनी। मोपतीके गो इन कली ब्रेक्ना ब्रेक्न बाक्ती। मिनु आं तमी तौपुकी, गो इन कली मारदे ब्रेक्ताक्ङ देंशा हना, गे इं आफ परमप्रभु यावे कली तुइक्नीनी। मोपतीके गो इन कली ब्रेक्ताक्ङ। यूहन्ना १:१
मिनु गो स्वर्ग रे सेंदा का नेंता। मेकोमी “मुल रे सु सु प्रभु कली थमा सुइश्शा बेक्नीमी, मेकोपुकी ग्येरसमल। मेको लोव़ ब्रेक्तो” देंता। मिनु परमप्रभु यावे आ सोक्तीमी “थमा, मेको मुरपुकी ग्येरसीशो बाक्नीम। मारदे हना मेकोपुकीमी रागीमी परमप्रभु यावे आ गेय पशा नाइक्नीम। मिनु परमप्रभु यावेमी आन गेय तुइश्शा, आन तचा ङा गेब” देंत। फिलिप्पी १:२३; यसैया ५७:२; हिब्रू ४:३०; १तिमोथी ५:२४-२५
मिनु गो सिसा नु मी ब्वाइश्शो दोम्ली खोदेंशो दिंम का ताता। मेको दिंममी मुरपुकीम परमप्रभु यावे आ गेशो ठेयब ताप्तीके शेशा, राप्शो तातामी। मेको मुरपुकी चहिं सु बाक्तेक्म देंशा हना, मेकोपुकीमी मेको जन्तु कली ग्राशो बाक्तेक्मे। दोपा ग्रातेक्म देंशा हना, जन्तु नु जन्तु आ मूर्ति कली सेउ मपामे नु आ नें आ हिक्तीके चिन्ड यो मवोइक्पाइक्सीशो बाक्तेक्मे। प्रकाश ४:६
परमप्रभु यावे आ सोक्तीमी थमा सुइक्ब मुर आन कली शेंशो लोव़ सु सुमी नेंने चाप्नीमी, मेकोमी नेन्मेक्ल। मिनु सु सुमी सैतान कली ग्रानीमी, मेको आन कली ख्रुइश्शा वोइश्शो मन्ना शोब्ले गेनुङ। मिनु गोमी मेको ग्राब आन कली बुश हीरा का का गेनुङ। मेको बुश हीरा तार हीरा ताइब आन नक नें ब्रेक्शो बाक्ब। मेको नें हीरा ताइबमी ला तुइक्नीम। अर्को मुरुमी चहिं मतुइक्नीम” दे ब्रेक्पाइक्ती। भजन संग्रह ७८:२४; यसैया ६२:२
ကြော်ငြာတွေ