प्रकाश 2:20 - Sunuwar Bible

²⁰ तन्‍न इन कली लोव़ का पचा माल्‍नुङ। मार लोव़ पचा माल्‍नुङ देंशा हना, गे इजेबेल माइश्‍शो मीश मुर कली इन ग्रुम्‍तीकेमी बाक्‍चा गेतीनी। इजेबेलमी ‘गो परमप्रभु यावेमी तुइक्‍पाइश्‍शो लोव़ पाइब नङ’ देंखु पा, आं गेय पाइब आन कली मरिम्‍शो पचा शेंताक्‍मी। मार मरिम्‍शो पचा शेंताक्‍मी देंशा हना, तेल्‍लेम पचा नु मूर्ति कली चढ़ेशो थोव़क जचा ब्‍वचा दुम्‍ब, दे शेंताक्‍मी। २राजा ९:२२

प्रकाश 2:20 ပူးပေါင်းရင်းမြစ်များ

१ राजा 16:31

नेबात आ तौ येरोबाम आ पाप ङा लांम गाक्‍चा, मेको कली मारेइ खोदेंशो मदुम्‍माक्‍त। मेकोम सीदोन ङा पिप एथ-बाल आ तमी इजेबेल कली ग्‍युंबे पवा बाक्‍त। मिनु बाल देवता कली पूजा पा ठेयब सेला बाक्‍‍त।

१ राजा 17:13

मिनु एलीयाम मेको कली “महिनो, खिं लशा इ देंशो खोदेंशो पावो। तन्‍न मेको क्‍येङा ङोंइती बटुक का सेल्‍शा, एक आं बाक्‍तीक चाक्‍को। मिनु मेको नोले इस कली जचा थोव़क सेलो।

१ राजा 17:4

गे मेको खोला ङा ब्‍वाक्‍कु तूङो। मिनु गो इ कली थुल्‍चा कली मेकेर ङा खद आन कली अरेता” देंमाक्‍त।

२ राजा 9:22

मिनु येहोरामम येहू कली तशा, मेको कली ‘येहू, गे मार रिम्‍शो मिम्‍शा ग्रुम्‍थ जाक्‍ङे?’ दे हिल्‍लो पवा बाक्‍त। तन्‍न येहूम इ ममा इजेबेलम आ ग्रांग्रा दिशो मूर्ति पूजा पाइब, टुना मुना पाइब। मिनु मार रिम्‍शो पा ग्रुम्‍थ जाक्‍नुङा?” देंमाक्‍त।

२ राजा 9:7

गे इ होव़प आहाब आ खिं ङा मुर आन कली साइक्‍चा माल्‍नेवे। मिनु इजेबेलमी आं गेय पा आं लोव़ पाइबपुकी नु आं गेय पाइब मुर आन कली साइश्‍शो आ क्‍येक्‍क लेत्‍नुङ।

प्रस्‍थान 34:15

मेको रागी ङा मुर नु काइ कबल मपने। मारदे हना मेको रागी ङा मुरुमी आन देवी देवता आन कली पूजा पा क्‍योरशा चढ़ेनीमी। मिनु इन कली ब्रेम्‍मानु, गे मेको आन देवी देवता आन कली चढ़ेशो जाइनीनी।

इजीकीएल 13:17

मेकोमी ‘मुल ए मुर, इ मुर आन तमी आन कली हुइक्‍तो। मेकोपुकीम आन थुंम मिम्‍शा लोव़ पाइनीम। गे परमप्रभु यावे आ लोव़ मेको आन कली पावो’ देंत।

प्रेरित 15:20

मेको आन कली ‘मूर्ति कली चढ़ेशो मजचा, तेल्‍लेम मपचा, हुश मचुइक्‍थु साइश्‍शो श्‍ये मब्‍वचा, हुश मब्‍वचा’ दे चिठी ब्रेक्‍शो बाक्‍त। लेवी १९:४; लेवी १९:२९; लेवी ३:१७

प्रेरित 15:29

मेको लोव़ मार बाक्‍ब देंशा हना ‘मूर्ति कली चढ़ेशो मजचा, हुश मब्‍वचा, हुश मचुइक्‍थु साइश्‍शो श्‍ये मब्‍वचा, तेल्‍लेम मपचा’ एको लोव़ टीतीनी हना, गे रिम्‍शो दुम्‍नीनी। आंइ लोव़ ओशोन बाक्‍ब” दे ब्रेक्‍शो बाक्‍माक्‍त।

१ कोरिन्‍थी 10:28

गे नु काथा बाक्‍शा जाइबपुकीमी “एको चढ़ेशो बाक्‍ब” दे तुइक्‍पाइक्‍तेक्‍म हना, मेको मुर आ पर्बम नु थुं ग्‍येरसीशो दुम्‍चा आ पर्बम मेको मजने मब्‍वने। १कोरिन्‍थी ८:७

प्रकाश 2:14

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशो हना, गे का निक्‍शीमी मरिम्‍शो गेय पाइतीनी। इन ग्रुम्‍तीके ङा का निक्‍शीमी बालाम माइश्‍शो मुर आ शेंशो थमा सुइक्‍नीमी। बालाममी मार शेंताक्‍व देंशा हना, ङोंइती बालाक माइश्‍शो पिप कली इस्राएल जात ङा वोंइश मुर आन कली खतम सेल्‍तु। दोपा खतम सेल्‍तु देंशा हना, चढ़ेशो थोव़क ब्‍वपाइक्‍तु। मिनु तेल्‍लेम पपाइक्‍तु। गन्‍ती ३१:१६; २पत्रुस २:१५; यहूदा :११

प्रकाश 2:4

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।