प्रकाश 2:2 - Sunuwar Bible

² मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१

प्रकाश 2:2 ပူးပေါင်းရင်းမြစ်များ

भजन संग्रह 1:6

परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब।

मत्ती 7:23

मोदेंब आन कली ‘गो इन कली गेनायो मतुइक्‍तन्‍नी। ए मरिम्‍शो पाइबपुकी, ङोन लने’ दे हुइक्‍नुङमी। मत्ती २५:१२; २तिमोथी २:१९

यूहन्‍ना 6:6

येसुमी चहिं “आं कली थमा सुइक्‍बा कों, मसुइक्‍बा” दे फिलीप आ थुं कोव़चा कली मोदेंशो देंत। येसुमी “गो छक लाक्‍चा ङा गेय पाइनुङ” दे तुइक्‍ताक्‍व।

गलाती 1:7

थमा लोव़ चहिं का ला बाक्‍ब, दे रुपीन। ख्रीस्‍त आ ग्‍येरपाइक्‍ब लोव़ दूली पा शेंबपुकी जाक्‍शा, आन दूली शेंशोमी इन थुं क्‍याल्‍पाइक्‍तेक्‍म। प्रेरित १५:१,२४

एफिसी 4:14

गोपुकीम आल खोदेंशो पा मुर आन शेंशो हेंथे लोव़ थमा सुइक्‍चा मदुम्‍नय। दूली शेंबपुकीमी निप्‍स खाप्‍शा, मुर आन कली जोल पा फश लोव़ शेंशा, दूली लां खोइक्‍पाइक्‍नीम। १कोरिन्‍थी १४:२०; हिब्रू १३:९; याकूब १:६

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

२ तिमोथी 2:19

तन्‍न परमप्रभु यावे आ थमा शेंतीके मब्रेत्‍चा ङा जग खोदेंशो बाक्‍ब। प्रभुमी आ मुर आन कली तुइक्‍ब। मिनु प्रभु कली तुइक्‍ब मुरपुकी मरिम्‍शो पचा रे ङोन बाक्‍चा माल्‍नीम। मेको थोव़शो छाप खोदेंशो बाक्‍ब। गन्‍ती १६:५; मत्ती ७:२२-२३; यूहन्‍ना १०:१४,२७

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

प्रकाश 2:5

इन ङोंइती ङा आं कली दाक्‍शो मिम्‍तीने। इन थुं आं गे लेत्‍तीने। मिनु इन ङोंइती ङा पशो गेय पने। गे मेको दाक्‍चा ङा गेय मपाइतीनी हना, गो इन बाक्‍तीके जाक्‍शा, इन दियारी आ बाक्‍तीके रे तिल्‍नुङ।

प्रकाश 2:6

तन्‍न इन गेय का रिम्‍शो बाक्‍ब। गेपुकी निकोलाइटन आन शेंतीके ङा गेय ग्रांग्रा दीनीनी। गो यो ग्रांग्रा दीनुङ। भजन संग्रह १३९:२१

प्रकाश 2:9

मेकोमी “गो इन श्‍येत जशो तुइक्‍नुङ। गे थमा पा प्रुङग बाक्‍नीनी, दे गो तुइक्‍नुङ। तन्‍न गे इन थुंम शोंप पाइश्‍शो बाक्‍नीनी, दे यो तुइक्‍नुङ। मरिम्‍शो लोव़ पाइब सु सु नमी देंशा हना ‘यहूदी नकी’ देंखु पाइबपुकी सैतानमी शेंशो मुर नम। याकूब २:५; प्रकाश ३:९

प्रकाश 3:1

मिनु येसु ख्रीस्‍तमी आं कली सारडीस सहर ङा थमा सुइक्‍ब आन शेंब कली ब्रेक्‍पाइक्‍ती। एको ७ ओटा ठाउं ङा परमप्रभु यावे आ सोक्‍त नु ७ ओटा सोरुल नु बाक्‍ब आ लोव़ बाक्‍ब। मेकोमी “गो इन पशो गेय तुइक्‍नुङ। गेपुकीमी चहिं ‘गो ख्रीस्‍त कली थमा सुइश्‍शा, ब्रोंइशा बाक्‍नीकी’ देंनीनी। तन्‍न इन थमा सुइक्‍तीके बेक्‍शो खोदेंब पा इप्‍शो बाक्‍ब। प्रकाश १:४

प्रकाश 3:15

मेकोमी “गो इन पशो गेय तुइक्‍नुङ। इन थमा सुइक्‍चा सिक्‍स यो ममाइ, होश यो ममाइ, कि सिक्‍स कि होश दुम्‍शो हना, रिम्‍शो दुम वा।

प्रकाश 3:8

मेकोमी “गो इन पशो गेय तुइक्‍नुङ। गे इन सक्ति आइक्‍च बाक्‍त हना यो, आं देंशो टीतीनी। मिनु गेपुकीमी ‘येसु ख्रीस्‍त कली मतुइक्‍नुङ’ दे गेनायो मदेंनी। मोपतीके गो इन कली लाप्‍चो रोक्‍शा वोइक्‍ता। मेको सुइमी चोक्‍ने मचाप्‍नीम।