प्रकाश 2:13 - Sunuwar Bible

¹³ “इन बाक्‍तीक सहरम सैतान आ नित्‍तीके बाक्‍ब, दे गो तुइक्‍नुङ। गेपुकीमी ‘गो येसु ख्रीस्‍त आ मुर नकी’ दे आं कली थमा सुइक्‍चा मप्रोंइनी। मिनु इन सहरम सैतान आ नित्‍तीके बाक्‍मेनु, अन्‍टीपास माइश्‍शो आं कली मप्रोंइथु, थमा सुइक्‍ब नु आं लोव़ शेंब बाक्‍त। मिनु मुरुमी मेको कली सैतान आ बाक्‍तीकेमी बाक्‍शा, साइक्‍तेक्‍म हना यो, गे आं कली थमा सुइक्‍चा मप्रोंइनी।

प्रकाश 2:13 ပူးပေါင်းရင်းမြစ်များ

मत्ती 10:23

सहर कामी खेदा पाम्‍तेक्‍म हना, प्रोक्‍शा अर्को सहरमी जाक्‍दीश्‍शा बाक्‍कीन। नोफा दाइश्‍शा नेनीने, रागीम जरमेशो मजाक्‍म सम्‍म इस्राएल ङा सहर नेल्‍ल हिरशा मग्रुम्‍नीनी। प्रेरित ८:१; मत्ती १६:२८

मत्ती 24:9

इन कली खेदा पा शुश श्‍येत गेनीम, साइक्‍नीम। नेल्‍ल जात ङा मुरपुकीमी आं पर्बम इन कली मदाक्‍थु आइक्‍च सेल्‍नीम। मत्ती १०:२१-२२; यूहन्‍ना १६:२

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

लूका 21:17

मुरपुकी नेल्‍लेमी आं नें आ पर्बम इन कली काइ मदाक्‍नीम।

प्रेरित 22:20

इन पर्बम लोव़ पाइब स्‍तीफानस कली फुल्‍लु क्रोम्‍शा सदमेनु, रिम्‍शो पाइतीनी, दे माइक्‍तामी। साइक्‍ब आन प्रुइश्‍शा वोइश्‍शो वा खाल पा बाक्‍शो नङ। मेको लोव़ नेल्‍लेम तुइश्‍शो बाक्‍नीम’ देंङानु, प्रेरित ७:५८; प्रेरित ८:१

प्रेरित 9:14

थमा सुइक्‍ब आन कली ग्‍याइश्‍शा फ्रेंशा लाइक्‍चा कली ठेयब चढ़ेबपुकी रे अधिकार तशो बाक्‍माक्‍त, दे तुइक्‍ताक्‍ङ” देंमाक्‍त।

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

१ तिमोथी 5:8

सुमी आ खिं ङा मुर आन कली मकोव़बा, मेको आ थमा सुइक्‍तीके जाम्‍शा लशा, थमा मसुइक्‍ब आन क्‍येङा यो मरिम्‍शो दुम्‍ब। मत्ती १५:५-६

२ तिमोथी 1:13

थमा लोव़ कली खोतो। मेको ख्रीस्‍त येसुमी बाक्‍शो थमा सुइक्‍तीके नु दाक्‍तीके बाक्‍ब। गे आं लोव़ रे तुइक्‍नेवे।

२ तिमोथी 2:12

गोपुकीमी श्‍येत फाल्‍तय हना, मेको नु हुकुम पाइनय। गोपुकीमी ‘मेको कली मतुइक्‍नुङ’ देंतय हना, मेकोमी यो ‘मतुइक्‍नुङ’ देंब। मत्ती १०:३३

हिब्रू 10:23

ठेयब थुं पशा आस पा बाक्‍य। मारदे हना लोव़ गेबमी मेको लोव़ दोपा यो खाप्‍ब, दे तुइक्‍नय। हिब्रू ४:१४

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

याकूब 2:7

येसु ख्रीस्‍त आ नें आ पर्बम शुक्‍शी लोव़ मपाइनीमी ङा? १पत्रुस ४:१४

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 11:3

मिनु नोले गो परमप्रभु यावेमी आ सांकछी निक्‍शी आस कली मार लोव़ पशो नेंता देंशा हना “गे आं लोव़ पाइब दुम्‍नीसी। गो इस कली आं लोव़ पचा कली सक्ति गेनुङ। गे निक्‍शीमी अरन्‍डी फेक्‍शा, हजार का सहे निक्‍शी ६० नाक्‍त सम्‍म आं लोव़ पाइनीसी” दे परमप्रभु यावेमी आ सांकछी निक्‍शी आस कली लोव़ पशो नेंता। प्रकाश १२:६

प्रकाश 12:11

मिनु थमा सुइक्‍बपुकीमी सैतान कली ग्राशो बाक्‍तेक्‍म। दोपा सैतान कली ग्राशो बाक्‍तेक्‍म देंशा हना, पाठा आ हुश चढ़ेशोमी नु आन सांकछी आन पतीके सैतान कली ग्राशो बाक्‍तेक्‍म। मेकोपुकीमी आंम कली ममिम्‍थु, येसु ख्रीस्‍त आ पर्बम साइक्‍चा पुंइसीचा यो महिंम। प्रकाश ७:१४; प्रकाश ६:९

प्रकाश 13:2

मिनु आं तशो जन्‍तु जोइ खोदेंशो बाक्‍त। आ खोइल चहिं वां के खोदेंशो बाक्‍त। आ शोव़ गुप्‍स आ शोव़ खोदेंशो बाक्‍त। मिनु मेको ठेयब बुस्‍सुमी आ सक्ति आ नित्‍तीके नु आ ठेयब अधिकार मेको जन्‍तु कली गेप्‍तु।

प्रकाश 14:12

मेना रागीमी परमप्रभु यावे आ योव़शो थमा सुइक्‍बपुकीमी श्‍येत फाल्‍चा माल्‍नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्‍नीम। प्रकाश १३:१०

प्रकाश 17:14

मोदेंशो दुम्‍मेनु, मेकोपुकी पाठा नु लडाइ पाइनीम। मिनु लडाइमी पाठा ग्राब। मारदे पाठा ग्राब देंशा हना, मेको पाठा प्रभु आन प्रभु नु पिप आन पिप बाक्‍ब। मिनु मेको नु बाक्‍शोपुकी आ ब्रेश्‍शो नु योव़शो मुरपुकी बाक्‍नीमी। मेको नु बाक्‍बपुकी आ ब्रेश्‍शो नु योव़शो दीगो पाइब यो बाक्‍नीमी” दे आं कली देंत। प्रकाश १९:१६; प्रकाश १९:१४

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 2:2

मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

प्रकाश 3:3

मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२