प्रकाश 19:20 - Sunuwar Bible

²⁰ मोपा मेकोपुकी लडाइ पामेनु, मेको ठेयब जन्‍तु नु जोल पा परमप्रभु यावे आ लोव़ पखु पाइब आस कली ग्‍याइक्‍ताक्‍म। परमप्रभु यावे आ लोव़ पखु पाइब चहिं ठेयब जन्‍तु नु बाक्‍शा, छक लाक्‍चा ङा गेय पाइब बाक्‍त। मोपा मेको ठेयब जन्‍तु नु आ मूर्ति कली पूजा पाइब नु आ चिन्‍ड वोइक्‍ब आन कली मरिम्‍शो लां शेंशा खोइक्‍पदा बाक्‍त। मिनु मेको निक्‍शी सेसीन गन्‍धक नु ठेयब मी ब्रतीकेमी हुम्‍चा पुंइसाक्‍स। प्रकाश १३:११-१७; २थिस्‍सलोनिकी २:८

प्रकाश 19:20 ပူးပေါင်းရင်းမြစ်များ

उत्पत्ती 19:24

मिनु नोले परमप्रभु यावेमी सोदोम नु गोमोररा सहर आस तारी सरीङ रे गन्‍धक नु मी रेउ यिशो खोदेंशो पा यिपदा बाक्‍त। ब्‍यवस्‍था २९:२२; भजन संग्रह ११:६; यसैया १:९-१०; यसैया १३:१९; आमोस ४:११; लूका १७:२९; २पत्रुस २:६; प्रकाश १४:१०

अय्‍युब 18:15

मेको आन ताम्‍बुम मारेइ मलीब। मेको आन बाक्‍‍तीकेम गन्‍धक ब्रुइश्‍शो बाक्‍ब।

भजन संग्रह 11:6

परमप्रभुमी आ अरेशो मटीब आन तारी मी नु गन्‍धक यिपाइक्‍ब। मिनु मेको आन तारी होश फश पपाइक्‍ब। मरिम्‍शो पाइब मोदेंशो पाइक्‍चा पुंइसीशो बाक्‍नीम।

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

यसैया 34:9

मेना एदोम ङा खोलापुकी अलकत्रा दुम्‍नीम। मिनु आ खप चहिं गन्‍धक दुम्‍ब। एदोम रागी ब्रशो अलकत्रा दुम्‍ब। उत्‍पत्ती १९:२४

इजीकीएल 24:5

बगाल ङा नेल्‍ल क्‍येङा रिम्‍शो क्‍यारश भेडा योव़शा चाक्‍कीन। मेको आ आगाम शी प्रोव़ङीन। मिनु मेकेर ब्रुइक्‍पाइश्‍शा रुश क्‍येने’ देंत।

इजीकीएल 38:22

गो मुर बेक्‍तीक रोइम नु हुश ख्राक्‍श पोक्‍तीकेम मेको कली निसाफ पाइनुङ। गो मेको आ लडाइ पाइब आन तार, मेको नु बाक्‍शो जात जात ङा मुर आन हुल तार थम हिंचा ङा रेउ, मुप्‍स, मी नु गन्‍धक यिपाइक्‍नुङ।

दानीएल 11:45

मिनु मेकोमी ठेयब समुन्‍द्र नु नेल्‍ल क्‍येङा दारशो परमप्रभु आ सहर ङा डांडा आस दातेमी आ बाक्‍तीक ताम्‍बु की‍ब। मो पाप्‍तु हना यो, मेको बेक्‍ब। सुइमी मेको कली वारच मपाइनीम” दे स्‍वर्ग ङा गेय पाइबम देंत।

दानीएल 8:24

मेको शुश बोल्‍यो दुम्‍ब। मिनु मेकोमी मारेइ मारेइ खतम पोक्‍ब। आ पतीक मारेइ मारेइमी ग्राब। मिनु मेकोमी सक्ति पाइश्‍शो मुर नु थमा सुइक्‍ब आन कली खतम पोक्‍ब।

दानीएल 8:26

मिनु मेको इ कली कोंइशो नाक्‍दो नाक्‍त आ पर्बम कोंइतीके कोंइशो थमा बाक्‍ब। तन्‍न गे एको कोंइतीके कली इ थुंमी ख्रुइश्‍शा वोइक्‍चा माल्‍नेवे। मारदे हना एको शुश नोले दुम्‍ब लोव़ बाक्‍ब” दे माइक्‍ती। दानीएल ८:१४; दानीएल १२:४

मत्ती 7:15

होस पांइसीने। मारदे हना परमप्रभु यावे आ लोव़ दूली शेंबपुकी बोक्‍नीम। मेकोपुकी भेडा खोदेंशो तांइसीनीमी। मेको आन थुं चहिं फर के खोदेंशो बाक्‍नीम। मत्ती २४:४,५,२४; २कोरिन्‍थी ११:१३-१५

ब्‍यवस्‍था 29:23

मेको रागी नेल्‍लेम मी ब्रशा गन्‍धक नु हिक्‍सी बाक्‍ब। मारेइ मशोक्‍शो, काइ गिग मग्रूशो मारेइ मवाशो बाक्‍ब। मेको परमप्रभु यावेमी चुरशा गाइश्‍शो सोदोम नु गोमोररा, अदमाह नु सेबोयीम खतम सेल्‍शो रागी खोदेंशो बाक्‍ब। उत्‍पत्ती १९:२४

यहोसु 8:23

मिनु मेकेर ङा पिप कली चहिं सेसीन ग्‍याइश्‍शा, यहोसु आ बाक्‍तीक चाक्‍तेक्‍म।

प्रकाश 14:10

मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७

प्रकाश 17:12

मिनु मेको इ तशो १० ओटा ग्रोव़ चहिं मुल सम्‍म सासन पचा मतशो १० जना पिप नम। मिनु मेको आन कली नु ठेयब जन्‍तु कली घन्‍टा का पिप आन अधिकार गेशो बाक्‍ब। प्रकाश १३:१

प्रकाश 19:19

मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। प्रकाश १६:१४,१६

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

प्रकाश 9:17

मिनु मेको शारा नु शारा ङोइक्‍बपुकी दोदेंशो तातामी देंशा हना, मेको शारा ङोइक्‍ब आन कुचुमी पीतल के फेक्‍तीके फेक्‍शो तातामी। मेको फेक्‍तीके मी खोदेंशो लल गिम गिम नु हौ ताता। मेको शारा आन पिया गुप्‍स आ पिया खोदेंशो ताता। मिनु आन शोव़ रे मी, कुन नु गन्‍धक ग्रूत।