प्रकाश 19:15 - Sunuwar Bible

¹⁵ मिनु मेको ङोंइती ङा बुश शारा ङोइक्‍ब आ शोव़ रे रागी रागी ङा मुर आन कली साइक्‍चा कली हेश्‍शो तरवार का ग्रूत। मिनु मेकोमी फलाम के कोक्‍केमी मेको आन कली सासन पाइब, नेल्‍ल सक्ति पाइश्‍शो परमप्रभु यावे आ गाइक्‍चा ङा कोल खोइलीमी दिम्‍ब। भजन संग्रह २:९; प्रकाश १४:१९-२०

प्रकाश 19:15 ပူးပေါင်းရင်းမြစ်များ

भजन संग्रह 2:9

गे मेको आन कली फलाम के कोक्‍केमी खप के सेल्‍शो ग्‍योंब प्रोल्‍शो खोदेंशो पा प्रोल्‍नेवे” दे लोव़ पाप्‍तु। प्रकाश २:२७; प्रकाश १२:५; प्रकाश १९:१५

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

योएल 3:13

मिनु इन गुयेमी रिक्‍चा ठीक दुमीन। मारदे हना बाली नाली खुप्‍ची जाक्‍शो बाक्‍ब। मिनु ओव़शा अङगुर ख्राक्‍कीन। मारदे हना कोल ब्रीशो बाक्‍त। गर ब्रीशा क्‍युप्‍शो बाक्‍नीम। मेको खोदेंशो पा आन मरिम्‍शो पशो शुश दुम्‍त। प्रकाश १४:१५; यसैया ६३:३,६; प्रकाश १४:१८

मलाकी 4:6

मिनु मेकोमी आम आफ आस थुं आस आल गे नु आल आन थुं आम आफ गे लेप्‍पाइक्‍ब। मोदेंशो मदुम्‍त हना, गो रागी कली सराप पाइक्‍नुङ” दे परमप्रभु यावेमी देंत। लूका १:१७

२ थिस्‍सलोनिकी 2:8

नेल्‍ल क्‍येङा मरिम्‍शो पाइब ग्रूचा तवा नोले, प्रभु येसुमी आ जाक्‍शो नु आ मुइश्‍शोमी साइक्‍ब। यसैया ११:४; प्रकाश १९:१५,२०

प्रकाश 1:16

मिनु मेको आ ग्‍युरा गुइमी ७ ओटा सोरुल शेशो बाक्‍त। मिनु निम्‍फा गे क्‍योरतीक पाइश्‍शो हेश्‍शो तरवार का आ शोव़ रे ग्रूत। मिनु आ कुल नाक्‍त ङा नां खोदेंशो पा कोव़ने मचाप्‍चा ङा तांइसाक्‍व।

प्रकाश 12:5

मिनु मेको मीश मुरुमी वोंइश आल का थित। मेको वोंइश आल नोले रागी ङा मुर आन कली फलाम के कोक्‍केमी सासन पाइब दुम्‍ब। मिनु परमप्रभु यावे आ स्‍वर्ग ङा गेय पाइबपुकीमी मेको वोंइश आल कली परमप्रभु यावे आ ठेयब नित्‍तीकेम लाइश्‍शा वोइक्‍तेक्‍म। भजन संग्रह २:९

प्रकाश 14:10

मेको आन कली तशा, परमप्रभु यावे शुश गाइक्‍ब। मिनु मेको मुरपुकीमी आ गाइश्‍शो तचा माल्‍नीम। दोपा परमप्रभु आ गाइश्‍शो तचा माल्‍नीम देंशा हना, पाप रे ङोन बाक्‍ब परमप्रभु यावे आ स्‍वर्ग ङा गेय पाइब नु पाठा आस ङोंइती मेको मुरपुकी हुरुर पा ब्रशो मी नु गन्‍धकम श्‍येत जचा माल्‍नीम। भजन संग्रह ७५:७

प्रकाश 19:21

मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म।

प्रकाश 2:12

मिनु येसु ख्रीस्‍तमी आं कली पेरगामोम सहर ङा थमा सुइक्‍ब आन शेंब कली ब्रेक्‍पाइक्‍ती। आ शोव़ रे निम्‍फा गे क्‍योरतीक पाइश्‍शो हेश्‍शो तरवार पाइश्‍शोमी

प्रकाश 2:16

मोपतीके इन थुं गो आं गे लेत्‍तीन। मलेत्‍ताक्‍नी हना, गो इन ग्रुम्‍तीकेमी रीब पा जाक्‍नुङ। मिनु आं शोव़ ङा तरवारमी मेको नु लडाइ पाइनुङ।

प्रकाश 2:27

मिनु मेकोपुकीमी खप के ग्‍योंब आन कली फलाम के कोक्‍केमी चोंइटा चोंइटा पशो बुद पा रागी ङा मुर आन कली सासन पाइनीम। गो यो मोदेंशो सक्ति आं आफ रे तशो नङ। भजन संग्रह २:८-९