प्रकाश 19:12 - Sunuwar Bible

¹² मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 19:12 ပူးပေါင်းရင်းမြစ်များ

उत्पत्ती 32:29

मिनु याकूबम “इन नें मार में?” दे हिल्‍लो पवा बाक्‍त। मिनु मेकोमी “आं नें मारदे माल्‍दे?” देंशा, मेको कली आसीक गेवा बाक्‍त। न्‍यायाधीस १३:१७-१८

भजन संग्रह 8:5

गे मुर आन कली इन स्‍वर्ग ङा गेय पाइब आन क्‍येङा इच्‍का ला आइक्‍च सेल्‍तीनी। मुर आन कली मान नु छेङछेङमी सिरपेच गुप्‍शो खोदेंशो पा ग्‍योम्‍ताक्‍नी। हिब्रू २:६-८

प्रस्‍थान 23:21

गेपुकी होस पा बाक्‍शा, आं देंशो टिने। गेपुकी मेको कली मगाइक्‍पतीन। मारदे हना आं नें मेको नु बाक्‍ब। मिनु मेकोमी इन हेंथे पतीक मक्‍याम्‍ब। यसैया ६३:१०

हितोपदेस 30:4

सु स्‍वर्ग लशा, लेश्‍शा यिशो बाक्‍बा ङा? सुम फश कली आ गुइमी ग्‍याइक्‍ने चाप्‍बा ङा? सुम समुन्‍द्र ङा ब्‍वाक्‍कु कुम्‍लो पने चाप्‍बा ङा? सुम रागी आ सुर सेला? मेको आ नें मार बाक्‍बा? मेको आ तौ आ नें मार बाक्‍बा? गे तुइक्‍नेवे हना” देनो। अय्‍युब ३८:२८-३४

ठेयब कुम्सो 3:11

ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।

यसैया 62:3

गे परमप्रभु यावे आ गुइमी दारशो सिरपेच का दुम्‍नेवे। मिनु इ परमप्रभु आ गुइमी गे पिपीम आन सुन फू खोदेंशो दुम्‍नेवे। २तिमोथी ४:८

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

दानीएल 10:6

मिनु मेको आ रां बेरील माइश्‍शो हीरा खोदेंशो बाक्‍त। आ कुल चिला खोदेंशो बाक्‍त। आ मिक्‍च ब्रशो तोव़शी खोदेंशो बाक्‍त। मेको आ गुइ खोइली थाम्‍पा खुइश्‍शो कांसा खोदेंशो पा टल्‍केशो बाक्‍तेक्‍म। मेको आ सेंदा शुश मुर आन लोव़ पशो खोदेंशो नेंसाक्‍ब। इजीकीएल १:२७-२८

जकरिया 9:16

मेको नाक्‍ती परमप्रभु यावे, आन परमप्रभुमी मेको आन कली श्‍येत रे प्रोंइब। मारदे हना मेकोपुकी आ बगाल खोदेंशो बाक्‍नीम। मेको सिरपेच ङा हीरा खोदेंशो पा ब्राइनीम। मेकोपुकी परमप्रभु यावे, आन परमप्रभु आ रागीम हीरा खोदेंशो पा ब्राइनी‍म।

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 21:5

“सियोन ङा तमी कली ओदें तुइक्‍पतीन। कोव़ङीन, इन पिप ब्रेम्‍शो दुम्‍शा, गधा गधैनी आ चाइक्‍ब ङोइश्‍शा, इन बाक्‍तीके गे पिन पिन बाक्‍ब” दे ब्रेक्‍शो बाक्‍ब। जकरिया ९:९

मत्ती 28:18

मिनु येसु नेल्‍ल आन नेक्‍था जाक्‍शा “स्‍वर्ग नु रागी ङा अधिकार नेल्‍ल आं कली गेशो बाक्‍ब। मत्ती ११:२७; एफिसी १:२०-२२

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 17:11

मुल गो रागीमी शुश नाक्‍त मबाक्‍नुङ। गे का ला बाक्‍शो आं आफ, इन बाक्‍तीक जाक्‍चशो बाक्‍नुङ। तन्‍न मेकोपुकी रागीमी बाक्‍नीम। आं आफ, आं कली गेशो मुर इन नें ङा सक्तिमी रिम्‍शो कोव़शा वोतीन। दोपा गो गे नु थुं का ङा बाक्‍ङा, मोपा मेकोपुकी यो थुं का दुम्‍शा बाक्‍मल, दे सक्ति गेने।

यूहन्‍ना 17:12

गो आं कली गेशो मुरपुकी नु बाक्‍ङानु, इन नें ङा सक्तिमी रिम्‍शो कोव़शा वोइक्‍तामी। सुइ मजाम्‍म। इन ब्रेक्‍पाइश्‍शो लोव़ थमा दुम्‍चा, दे का चहिं जाम्‍शा, नरक लाइब दुम्‍त। यूहन्‍ना ६:३९; भजन संग्रह ४१:१०

एफिसी 1:21

मिनु हुकुम पाइब, अधिकार पाइश्‍शो, सक्ति पाइश्‍शो ठेयब दुम्‍शो नेल्‍लेमी ख्रीस्‍त कली प्रभु देंचा माल्‍नीमी। मेको नेल्‍ल आन क्‍येङा ठेयब नें बाक्‍ब। मुल ला ममाइ, नोले यो मोदेंशोन बाक्‍ब। रोमी ८:३८-३९; फिलिप्‍पी २:९; कलस्‍सी २:१०

हिब्रू 2:9

गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

प्रकाश 1:14

मेको आ पिया नु आ चां बुश ऊन नु फुं खोदेंशो बुश तांइसाक्‍व। आ मिक्‍च हुरुर पा ब्रशो मी खोदेंशो तांइसाक्‍व। प्रकाश २:१८; प्रकाश १९:१२

प्रकाश 12:3

मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।

प्रकाश 13:1

मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 19:16

मिनु मेको ङोंइती ङा शारा ङोइक्‍ब आ वा नु आ फिलामी नें का ब्रेक्‍शो बाक्‍त। मार नें ब्रेक्‍शो बाक्‍त देंशा हना, पिप आन पिप नु प्रभु आन प्रभु, दे ब्रेक्‍शो बाक्‍त। प्रकाश १:५; १तिमोथी ६:१५

प्रकाश 3:12

सु सुमी सैतान कली ग्रानीमी, गोमी मेको आन कली आं परमप्रभु यावे आ खिं ङा थाम खोदेंशो बोल्‍यो सेल्‍नुङ। मिनु मेको गेना हना यो परमप्रभु यावे आ खिंमी बाक्‍नीम। मिनु मेको मुर आन तारी आं परमप्रभु यावे आ नें, आं परमप्रभु यावे आ सहर आ नें नु आं नक नें ब्रेक्‍नुङ। आं परमप्रभु यावे आ सहर चहिं नक यरूसलेम माइश्‍शो बाक्‍ब। मेको नक यरूसलेम आं परमप्रभु यावे आ बाक्‍तीक स्‍वर्ग रे यीब। प्रकाश १४:१; प्रकाश २१:२

प्रकाश 6:2

मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८

न्‍यायाधीस 13:18

मिनु परमप्रभु यावे आ स्‍वर्ग ङा गेय पाइबमी मेको कली “गे मारदे आं नें हिल्‍लो पाइनेवे? मेको मतुइक्‍चा ङा बाक्‍ब” देंमाक्‍त।