प्रकाश 19:11 - Sunuwar Bible

¹¹ मिनु नोले गो स्‍वर्ग रोक्‍सीशा, बुश शारा का ताता। मेको शारा तार ङोइक्‍ब का बाक्‍त। मेको शारा ङोइक्‍ब सु बाक्‍त देंशा हना, दीगो नु थमा पाइब माइश्‍शो बाक्‍त। मेको घूस मताक्‍थु ठीक पा निसाफ पाइब बाक्‍त। लडाइ पाइब यो बाक्‍त। मत्ती २४:३०; प्रकाश ३:३४; यसैया ११:४-५

प्रकाश 19:11 ပူးပေါင်းရင်းမြစ်များ

भजन संग्रह 50:6

मिनु स्‍वर्गम बाक्‍बपुकीमी “एको ठीक पाइब बाक्‍ब। मारदे हना परमप्रभुमी एको मुर आन कली निसाफ पाइब” देंनीम। ठेयब सेंदा पा।

भजन संग्रह 96:13

परमप्रभु यावे आ ङोंइती कुम्‍सो पाइनीम। मारदे हना परमप्रभु यावे जाक्‍ब। मेको रागी कली निसाफ पथ जाक्‍ब। मेकोमी रागी नेल्‍ल कली ठीक पतीकेमी निसाफ पाइब। मिनु जात जात ङा मुर आन कली थमा पा आन कुल मकोव़थु निसाफ पाइब। भजन संग्रह ८२:८; प्रेरित १७:३

भजन संग्रह 98:9

मारदे हना परमप्रभु यावे रागी कली निसाफ पथ जाक्‍ब। मेकोमी ठीक पा जात जात ङा मुर आन कुल मकोव़थु निसाफ पाइब।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

प्रस्‍थान 15:3

परमप्रभु यावे लडाइ पाइब बाक्‍ब। मेको आ नें परमप्रभु यावे बाक्‍ब। प्रस्‍थान १४:१४; भजन संग्रह ४६:१०; प्रस्‍थान ३:१५

यसैया 32:1

कोव़ङीन, नोले ठीक पाइब पिप काम सासन पाइब। ठेयब मुर नेल्‍लेमी ठीक निसाफ पाइनीम। यसैया ३३:१७; येरमीया २३:५

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

येरमीया 33:15

मेको नाक्‍ती, मेना गो दाऊद आ खिं रे ठीक पाइब राशी का दाप्‍पाइक्‍नुङ। मिनु मेकोमी रागीम ठीक निसाफ नु ठीक गेय पाइब।

इजीकीएल 1:1

मिनु ३० बर्स ङा ४ महिना ङा ५ नाक्‍ती ग्‍याइश्‍शा लाइक्‍चा पुंइसीशोपुकी नु गो केबार खोला आ नेक्‍था बाक्‍शो नङ। मिनु मेना सरीङ रोक्‍साक्‍व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३

जकरिया 1:8

मिनु जकरियामी “गो नाक्‍दो लल शारा ङोइक्‍ब का गाक्‍शो ता‍ता। मेको दिंममी बाक्‍शो मूरे रवा आन दातेमी दिक्‍शा राप्‍शा बाक्‍शो बाक्‍त। मिनु मेको आ नोले अरु लल, खाइरो नु बुश शारापुकी राप्‍शो बाक्‍तेक्‍म। जकरिया ६:१-८

यूहन्‍ना 1:51

मिनु लोव़ बोइश्‍शा “नोफा दाइश्‍शा नेनीने, गेपुकीमी सरीङ रोक्‍शो ताइनीनी। मिनु परमप्रभु यावे आ स्‍वर्ग ङा गेय पाइबपुकी रागीमी जरमेशो आ तार जुक्‍शो नु स्‍वर्ग गे लेश्‍शा लशो ताइनीनी” दे माइक्‍तीमी। उत्‍पत्ती २८:१२; मत्ती ४:११

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

प्रकाश 1:5

मिनु येसु ख्रीस्‍तमी यो मो देंत। मिनु मेको सु बाक्‍ब देंशा हना, परमप्रभु यावे आ देंशो थमा पाइब सांकछी नु नेल्‍ल क्‍येङा ङोंइती बेक्‍शो रे सेंसीशो नु रागी ङा पिप आन कली सासन पाइब बाक्‍ब। येसु ख्रीस्‍तमी इं कली दाक्‍शा, आ हुशेमी इं पाप रे प्रोंइतु। प्रकाश ३:१४; यूहन्‍ना १८:३७; १तिमोथी ६:१३

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 19:19

मिनु गो ठेयब जन्‍तु नु रागी ङा पिप आन फौजपुकी मेको ङोंइती ङा बुश शारा ङोइक्‍ब नु आ फौजपुकी नु लडाइ पचा कली खुम्‍सीशो ताता। प्रकाश १६:१४,१६

प्रकाश 19:21

मिनु लीशो मेको आस फौजपुकी चहिं मेको बुश शारा ङोइक्‍ब आ शोव़ रे ग्रूशो तरवारमी साइक्‍चा पुंइसाक्‍म। मिनु चिक्‍बपुकी मेको नेल्‍ल आन श्‍ये ब्‍वशा रूतेक्‍म।

प्रकाश 3:14

मिनु येसु ख्रीस्‍तमी आं कली लाओडीसीया सहर ङा थमा सुइक्‍ब आन शेंब कली ब्रेक्‍पाइक्‍ती। एको आमेन माइश्‍शो, दीगो पाइब परमप्रभु यावे आ सांकछी नु रागी नु मारेइ मारेइ सेल्‍ब आ लोव़ बाक्‍ब। कलस्‍सी २:१; कलस्‍सी ४:१३; २कोरिन्‍थी १:२०; प्रकाश १:५; कलस्‍सी १:१५

प्रकाश 3:7

मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। यसैया २२:२२

प्रकाश 4:1

मिनु नोले सरीङ गे कोव़ता। मिनु मेकेर लाप्‍चो का रोक्‍शा वोइश्‍शो ताता। मिनु ङोंइती आं नेंशो तुराही ताप्‍शो खोदेंशो ठेयब सेंदा लेंशा नेंता। मेको सेंदामी “एक कुवो। नोले मार दुम्‍‍बा, गो इ कली कोंइनन” दे माइक्‍ती। प्रकाश १:१०

प्रकाश 6:2

मिनु गो बुश शारा का ताता। मेको शारा ङोइक्‍बमी लिब्रा कुरशो बाक्‍त। मेको कली सिरपेच गेशो बाक्‍त। मिनु मेको ग्राना ग्रान गाक्‍त। जकरिया ६:१-८