प्रकाश 18:9 - Sunuwar Bible

⁹ मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।

प्रकाश 18:9 ပူးပေါင်းရင်းမြစ်များ

उत्पत्ती 19:28

मिनु सोदोम नु गोमोररा सहर ङा दिंम ङा रू नेल्‍ल कोव़ङा बाक्‍त। मिनु मेको सहर निक्‍शी नु रू नेल्‍ल रे ठेयब चुप्‍लु ङा मी खोदेंशो पा कुन ग्रूशो तवा बाक्‍त।

भजन संग्रह 58:10

मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।

यसैया 13:19

ठेयब लेश्‍शो कल्‍दी आन दाक्‍शो नु राज्‍य राज्‍य ङा नेल्‍ल क्‍येङा दारशो बेबीलोन कली सोदोम नु गोमोररा खोदेंशो सेल्‍नुङ। उत्‍पत्ती १९:२४-२५

यसैया 30:33

मारदे हना ङोंइती रे ठेयब चोतीके का सेल्‍शो बाक्‍त। मेको थमा पा पिप कली सेल्‍शो बाक्‍त। मेको शुश लुक्‍च लशो नु ब्रेम्‍शो बाक्‍त। मेकेर मी नु शुश शी बाक्‍त। परमप्रभु यावे आ मुइश्‍शो गन्‍धक खोदेंशो पा मेको मी ब्राइ‍ब।

येरमीया 50:40

मिनु सोदोम, गोमोररा नु मेको आस एर ओंथ ङा गाउं आन कली लोक्‍शो खोदेंशो पा बेबीलोन सहरमी सुइ मबाक्‍नीम। मेकेर मुर मबाक्‍तीके दुम्‍ब” दे परमप्रभु यावेमी देंत। येरमीया ४९:१८; उत्‍पत्ती १९:२४-२५

येरमीया 50:46

बेबीलोन कली ग्रामानु, मेको आन रेयकेम रागी ख्रिंख्रि पाइब। मेको आन वाइ ब्रेश्‍शो रागी रागी ङा मुर आन दातेमी नेंसीब।

येरमीया 51:8

बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९

इजीकीएल 27:35

मिनु समुन्‍द्र आ नेक्‍थाम बाक्‍ब नेल्‍ल इ कली तशा हिंशो बाक्‍नीम। मेको आन पिप थाम्‍पा हिंशा ख्रिंख्रि पाइनीम। मेको आन कुल हिंशा किक्‍पाइश्‍शो बाक्‍नीम।

दानीएल 4:14

मेकोमी ठेयब शेंदा पा “एको रवा कली तिमीन। आ राशी नेल्‍ल क्‍योरीन, आ सफा हेमीन। मिनु आ फल फ्रशा गेने। मिनु जन्‍तु आन कली आ पुं रे प्रोक्‍पतीन। मिनु चिक्‍ब आन कली मेको आ राशी रे खेरीन।

ब्‍यवस्‍था 29:23

मेको रागी नेल्‍लेम मी ब्रशा गन्‍धक नु हिक्‍सी बाक्‍ब। मारेइ मशोक्‍शो, काइ गिग मग्रूशो मारेइ मवाशो बाक्‍ब। मेको परमप्रभु यावेमी चुरशा गाइश्‍शो सोदोम नु गोमोररा, अदमाह नु सेबोयीम खतम सेल्‍शो रागी खोदेंशो बाक्‍ब। उत्‍पत्ती १९:२४

१ तिमोथी 5:11

वोंइश बेक्‍शो ठिटी मीश मुर आन कली वारच पचा कली आन नें मब्रेक्‍चा। मारदे हना आन दला दाक्‍स पा ख्रीस्‍त कली प्रेंताक्‍म हना, ग्‍युंबे पचा ला मिम्‍नीम।

प्रकाश 14:11

मेको मी आ कुन गेनायो मकाप्‍ब। मेको जन्‍तु नु जन्‍तु आ मूर्ति कली सेउ पाइबपुकी नु जन्‍तु आ नें आ चिन्‍ड वोइक्‍पाइक्‍बपुकी नाक्‍दो नाक्‍ती श्‍येत जना जन बाक्‍नीम” देंत।

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 18:18

सहर दुप्‍शो कुन तशा “मेरे सहर खोदेंब ठेयब अर्को मबा” दे ग्रीतेक्‍म।

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९

प्रकाश 19:3

मिनु मेको स्‍वर्गमी बाक्‍बपुकीमी लेंशा “हाल्‍लेलया, मेको सहर दुप्‍शो आ कुन गेनायो मनुप्‍थु कुइब” देंतेक्‍म।

प्रकाश 2:22

मिनु गो मेको कली रोइ पपाइक्‍नुङ। मिनु मेको नु तेल्‍लेम पाइब आन तेल्‍लेम पचा प्रोंइशा, गो आं गे लेत्‍ने मबिस्‍साक्‍म हना, मेको आन कली यो ठेयब श्‍येत गेनुङमी।