प्रकाश 18:3 - Sunuwar Bible

³ मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४

प्रकाश 18:3 ပူးပေါင်းရင်းမြစ်များ

यसैया 47:15

गे नु गेय पाइब मुरपुकी मोदेंशो मुर बाक्‍नीमी। गे आल रेन मेकोपुकी नु ग्‍याप्‍तीक लेयती गेय पाप्‍तीवी। मेको का का पा आन आंम लां खोइक्‍नीम। मिनु इ कली प्रोंइब सुइ मबाक्‍नीम” देंत।

येरमीया 51:34

सियोनमी “बेबीलोन ङा पिप नेबुकदरेसरमी आं कली दाक्‍ती। आं कली खतम सेल्‍ती। आं कली श्‍येत्‍थ गर खोदेंशो सेल्‍ती। आं कली अजीङगरम खोदेंशो पा दाक्‍ती। मिनु ब्रोव़शो जचा थोव़कम खोदेंशो पा आ कोव़ज प्रिंताक्‍व। मिनु नोले आं कली ताइक्‍ताक्‍यी।

येरमीया 51:7

बेबीलोन परमप्रभु यावे आ गुइम सुन के कचौरा का बाक्‍त। मेकोमी रागी नेल्‍ल ङा मुर आन कली दुक्‍पाइक्‍तु। रागी रागी ङा मुरपुकीम मेको आ अङगुर शांबु तूतेक्‍म। मोपतीके मेको रागी ङा मुर निप्‍स ग्‍यशो दुम्‍तेक्‍म। प्रकाश १७:४; येरमीया २५:१५; प्रकाश १८:३

बिलाप 4:5

ब्रोव़शो ब्रोव़शो जाइबपुकी मुल लां मेर बेक्‍नीम। दारशो वासी फेक्‍शा कोल्‍शो मुल पुलु ताइक्‍तीकेम बाक्‍नीम।

नहुम 3:4

मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।

लूका 7:25

दारशो वा फेक्‍शो मुर तांइसीबा कों, दे कोव़थ लनी? दारदारशो वा फेक्‍शो नु शोंप पाइश्‍शो मुर पिप आन बाक्‍तीकेमी बाक्‍नीम।

१ तिमोथी 5:11

वोंइश बेक्‍शो ठिटी मीश मुर आन कली वारच पचा कली आन नें मब्रेक्‍चा। मारदे हना आन दला दाक्‍स पा ख्रीस्‍त कली प्रेंताक्‍म हना, ग्‍युंबे पचा ला मिम्‍नीम।

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 18:19

मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९

प्रकाश 18:9

मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।