प्रकाश 18:24 - Sunuwar Bible

²⁴ मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्‍शो बाक्‍तेक्‍म। नेल्‍ल रागी ङा सु सु मुर साइश्‍शो बाक्‍मा, मेको सहरमी साइश्‍शो बाक्‍तेक्‍मे” दे परमप्रभु यावे आ स्‍वर्ग ङा गेय पाइबमी देंत। प्रकाश ६:१०; प्रकाश १७:६

प्रकाश 18:24 ပူးပေါင်းရင်းမြစ်များ

येरमीया 2:34

इ फेक्‍शो वाम दोस मताइब नु प्रुङग आन हुश लुम्‍सीशो बाक्‍ब। मिनु गेमी मेको आन कली खिं प्रोल्‍शा खिं ओव़शो मथिदी। मेको मोदेंशो नेल्‍ल दुम्‍ना दुम्‍न यो, येरमीया २६:२०-२३; प्रस्‍थान २३:७

येरमीया 51:49

परमप्रभु यावेमी “इस्राएली आन कली साइक्‍तीके बेबीलोन ब्रुचा माल्‍ब। बेबीलोनम रागी ङा मुर आन कली साइक्‍तीके बेबीलोन यो साइक्‍चा पुंइसीब।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 22:27

मेकेर बाक्‍ब आन ठेयब मुर नेल्‍ल फर खोदेंशो बाक्‍नीम। मेकोपुकीम सिखार ग्‍यारनीम। मुर आन कली साइक्‍नीम नु क्‍येट तचा कली मुर आन कली खतम सेल्‍नीम।

इजीकीएल 22:9

मेकेर मुर आन पर्बम जोल लोव़ पा साइक्‍पाइक्‍ब मुर बाक्‍नीम। मिनु डांडा ङा थानम चढ़ेशो मार मार जाइब मुर यो बाक्‍नीम। मेकोपुकीम थम मरिम्‍शो गेय पाइनीम।

दानीएल 7:21

मिनु गो कोव़ना कोव़न बाक्‍ङानु, मेको ग्रोव़मी नेल्‍ल क्‍येङा ठेयब आ मुर नु लडाइ पा ग्रात। प्रकाश १३:७

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

मत्ती 23:27

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना बुलु ब्रुइश्‍शा दारपाइश्‍शो तुरस खोदेंशो ननी। मेको आ तारी दारशो तांइसीब, तन्‍न आगाम रुश राक्‍शा, रिना पाइश्‍शा ग्रांग्रा दिचा ङा बाक्‍ब।

मत्ती 23:35

मेको मोपा खेदा पा साइश्‍शो पाप नेल्‍ल इन कली राइब। साइ नेसी रिम्‍शो पाइब हाबील साइश्‍शो रे बेरेक्‍याह आ तौ जकरिया साइश्‍शो सम्‍म ङा आन हुशेमी लां मताइनीनी। जकरिया कली परमप्रभु यावे आ खिंमी चढ़ेतीके आ ङोंइती साइश्‍शो बाक्‍मा बाक्‍त। उत्‍पत्ती ४:८; २इतिहास २४:२०-२१

प्रेरित 7:52

इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१

१ थिस्‍सलोनिकी 2:15

यहूदीया ङा मुरपुकीमी प्रभु येसु कली नु परमप्रभु यावे आ लोव़ पाइब आन कली साइश्‍शा, आंइ कली खेरतेक्‍म। मेकोपुकीमी मोपा परमप्रभु यावे कली मग्‍येरपदेम, मुर नेल्‍ल आन कली श्‍येत गेम्‍तेक्‍म। प्रेरित २:२३; मत्ती २३:३७; प्रेरित ७:५२

प्रकाश 11:7

मिनु मेको निक्‍शीमी परमप्रभु यावे आ लोव़ थुम्‍से नोले, मेको पुं मपाइश्‍शो ढोडोङगा रे ठेयब जन्‍तु कुशा, मेको निक्‍शी नु राम्‍शी पा ग्रात। ग्राशा ङा मिन मेको आस कली साइक्‍तु। प्रकाश १३:३; प्रकाश १३:७

प्रकाश 16:6

रागी ङा मुरपुकीमी इन योव़शो मुर नु इन लोव़ पाइब आन कली क्‍योरशा, आन हुश शाइक्‍पाइश्‍शा साइक्‍तेक्‍म। मिनु गे मेको रागी ङा मुर आन कली हुश तूपाइक्‍तीनी। मार पामे, मेको ताम्‍तेक्‍म” देंशो नेंता।

प्रकाश 17:6

मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्‍शो ताता। मेको कली तङानु, गो शुश छक लाक्‍ती। प्रकाश १८:२४

प्रकाश 19:2

मारदे हना परमप्रभु यावे आ पशो निसाफ थमा नु ठीक बाक्‍ब। मिनु परमप्रभु यावेमी रागी नेल्‍ल ङा मुर आन कली खतम सेल्‍ब तेल्‍लेम कली ठीक पा सजाइ गेप्‍तु। मेको तेल्‍लेममी शुश परमप्रभु यावे आ वाइलीम वाइल आन कली साइक्‍तीके, मुल मेको कली क्‍येक्‍क लेत्‍ताक्‍व” दे ग्रीशो नेंता। प्रकाश ६:३०; ब्‍यवस्‍था ३२:४३