प्रकाश 18:23 - Sunuwar Bible

²³ मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

प्रकाश 18:23 ပူးပေါင်းရင်းမြစ်များ

२ राजा 9:22

मिनु येहोरामम येहू कली तशा, मेको कली ‘येहू, गे मार रिम्‍शो मिम्‍शा ग्रुम्‍थ जाक्‍ङे?’ दे हिल्‍लो पवा बाक्‍त। तन्‍न येहूम इ ममा इजेबेलम आ ग्रांग्रा दिशो मूर्ति पूजा पाइब, टुना मुना पाइब। मिनु मार रिम्‍शो पा ग्रुम्‍थ जाक्‍नुङा?” देंमाक्‍त।

अय्‍युब 21:17

परमप्रभु यावे आ अरेशो मटीब आन बत्ती गिश खेयप काम्‍सीबा? मेको आन पियाम गिश खेयप हिंचा ङा श्‍येत जुक्‍बा? शुश खेयप मजुक्‍‍ब। परमप्रभु आ गाइश्‍शोमी मेको आन कली गिश खेयप श्‍‍येत गेबा? शुश खेयप मगेब।

हितोपदेस 24:20

मारदे हना काइ मरिम्‍शो पाइब शुश नाक्‍त मलीनीम। मिनु परमप्रभु यावे आ अरेशो मटीब आन बत्ती काप्‍शा लाइब। हितोपदेस १३:९

यसैया 23:8

सुमी टायर कली मोदेंशो पचा मिम्‍ता? ङोंइती टायर सिरपेच योक्‍ब बाक्‍त। आ ग्‍याप्‍ब लेयब मुर पिप आ तौ खोदेंशो बाक्‍तेक्‍म। आ ग्‍याप्‍ब लेयबपुकी रागीम मान पाइक्‍चा पुंइसीब बाक्‍तेक्‍म।

यसैया 47:9

वोंइश बेक्‍शो मीश मुर दुम्‍तीके श्‍‍येत नेल्‍ल ताइनेवे। इ आल बेक्‍शो ताइनेवे। नाक्‍ती का, याम कामीन एको श्‍येत निक्‍शी इ कली दुम्‍नीस। शुश मन्‍तर तन्‍तर, ठेयब सक्ति पाइश्‍शो टुना मुना पाप्‍तीवी हना यो, मो दुम्‍शो ताइनेवे।

येरमीया 16:9

मारदे हना मुर नेल्‍ल आन परमप्रभु यावे, इस्राएली आन परमप्रभुमी ‘गो एको रागी रे इन पालाम, इन ङोंइती रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आस सेंदा क्‍याम्‍नुङ’। येरमीया ७:३४

येरमीया 25:10

मिनु गो मेको आन रे थुं नाइश्‍शा बाक्‍तीके, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। यात ग्री‍शो नु बत्ती आ हाम्‍सो नेल्‍ल योल्‍नुङ। येरमीया ७:३४

येरमीया 7:34

मिनु गो यहूदा ङा सहर नु यरूसलेम ङा लां रे थुं नाइश्‍शा बाक्‍तीक, ग्‍येरशो सेंदा नु ग्‍युम्‍ली ग्‍युम्‍ले आन सेंदा क्‍याम्‍नुङ। मारदे हना रागी मुर मबाक्‍तीके दुम्‍ब” दे परमप्रभु यावेमी देंत। येरमीया १६:९; येरमीया २५:१०; येरमीया ३३:११

नहुम 3:4

मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।

प्रेरित 8:11

शुश बर्स सम्‍म सिमोनमी चटक पा छक लाक्‍पाइक्‍तीके मुर नेल्‍लेमी सिमोन आ देंशो नोफा दाइश्‍शा आ पशो कोव़शा बाक्‍शो बाक्‍मा बाक्‍त।

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 17:2

रागी रागी ङा पिपपुकीमी मेको नु तेल्‍लेम पाम्‍तेक्‍म। मिनु मेको आन तेल्‍लेम पशो तशा, रागी रागी ङा मुरपुकीमी यो मोदेंशो पाम्‍तेक्‍म” दे आं कली देंत।

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

प्रकाश 18:22

मिनु मेको ठेयब सहर दोपा नुप्‍ब देंशा हना, ठेयब ताप्‍तीके ताप्‍शो, कुम्‍सो पशो मुराली ताप्‍शो नु तुराही ताप्‍शो मेकेर लेंशा मनेंसीब। मिनु मार मार सेल्‍ब सीप पाइश्‍शो मुरपुकी मेकेर लेंशा मथिंसीब। यात हिल्‍शो आ रेयके मेकेर का यो लेंशा मनेंसीब। यसैया २४:८; इजीकीएल २६:१३

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४

प्रकाश 18:9

मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।

प्रकाश 21:8

तन्‍न मुर तशा हिंबपुकी, परमप्रभु यावे कली थमा मसुइक्‍बपुकी, पापमी ग्रुम्‍शोपुकी, मुर आन कली साइक्‍बपुकी, तेल्‍लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्‍ल गन्‍धक रे हुरुर पा ब्रशो मीमी हुम्‍चा पुंइसीनीम। मिनु मेको नोले ङा बेक्‍तीक बाक्‍ब” दे माइक्‍ती।

प्रकाश 22:15

सु सुमी चहिं टुना मुना पाइनीमी, तेल्‍लेम पाइनीमी, मुर साइक्‍नीमी, मूर्ति नु फुल्‍लु कली सेउ पाइनीमी। जोल पना पन बाक्‍नीमी। मेको कुचुम खोदेंशो पा सहर रे लाङगा बाक्‍नीमी” देंत। प्रकाश २१:८,२७; १कोरिन्‍थी ६:९-१०

प्रकाश 22:5

मेको सहरमी गेनायो नाक्‍दो मदुम्‍ब। मिनु मेको सहरमी बाक्‍ब आन कली बत्ती नु नां आ छेङछेङ यो ममाल्‍नीम। मारदे हना परमप्रभु, परमप्रभु यावे मेको आन छेङछेङ बाक्‍ब। मिनु मेकोपुकीमी गेना हना यो सासन पाइनीम।

प्रकाश 6:15

मेना रागी ङा पिपपुकी नु ठेयब मुरपुकी, फौज ङा कप्‍तानपुकी, शोंप पाइश्‍शो नु बोल्‍यो मुरपुकी, वाइलीम वाइल नु मुर नेल्‍ल पहाड ङा सेरथे फुल्‍लु नु पुक्‍खीमी ख्रुंइ‍साक्‍म। यसैया २:१०,१९

प्रकाश 9:21

मिनु मेकोपुकीमी मुर साइक्‍चा, टुना मुना पचा, चिन्‍ता बाक्‍चा, तेल्‍लेम पचा नु खुइ पचा मप्रोनेम। मिनु आन थुं यो परमप्रभु यावे गे मलेत्‍तेम।