प्रकाश 18:2 - Sunuwar Bible

² मिनु मेकोमी ठेयब सेंदामी “मेको ठेयब बेबीलोन सहर ब्रेश्‍शा नुप्‍त। मेको ब्रेश्‍शो सहर वोल आन बाक्‍तीके जेल्‍खान दुम्‍त। मेको ग्रांग्रा दिचा ङा चिक्‍ब आन जेल्‍खान दुम्‍त। प्रकाश १४:८; येरमीया १५:३९

प्रकाश 18:2 ပူးပေါင်းရင်းမြစ်များ

यसैया 14:23

गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

येरमीया 25:30

परमप्रभु यावेमी “मुल गे मेको नेल्‍ल आन पर्बम एको आं लोव़ पावो। मेको आन कली ‘परमप्रभु यावे इर आ बाक्‍तीक रे ब्‍वाक्‍ब। आ बाक्‍तीक रे आ सेंदा ग्रुंइब। मिनु आंम रागी आ पर्बम मेको ठेयब सेंदा पा ब्‍वाक्‍ब। रागीम बाक्‍ब नेल्‍ल आन पर्बम अङगुर ख्राक्‍‍ब खोदेंशो पा ग्रीब। होसे ११:१०; योएल ४:१६; आमोस १:२

येरमीया 51:37

मिनु बेबीलोन खिं ब्रेश्‍शा देल्‍शो, सिवार आन बाक्‍तीके, हिंचा ङा नु शुक्‍शी पाइक्‍चा पुंइसीतीके नु मुर मबाक्‍तीक दुम्‍ब। येरमीया ५०:१३

येरमीया 51:8

बेबीलोन याम कामी गोल्‍त। मिनु टुक्रा टुक्रा सेल्‍चा पुंइसाक्‍व। मेको आ पर्बम रोंका पने। मेको आ गारम ख्रेक्‍चा कली ख्रेक्‍तीक चाक्‍कीन। मो पशोनु, मेको साबा कों। यसैया २१:९

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

सेफन्‍याह 2:14

मेकेर बी ब्‍यफ नु ब्‍वाकी ङा जन्‍तु नेल्‍ल इप्‍नीम। गोरशो रागी ङा बुक्‍स नु ग्रीब बुक्‍सपुकीम मेको आन थाम तारी ग्‍योव़ सेल्‍नीम। बुक्‍स झेल रे पा ग्रीनीम। खदपुकी लाप्‍चोम ग्रीनीम। मिनु दारपाइक्‍चा कली क्‍येप्‍शो शी नेल्‍ल लां रे तांइसीब। यसैया १३:२१; यसैया ३४:११

प्रकाश 1:15

आ खोइली याप्‍पाइश्‍शा टल्‍केशो कांसा खोदेंशो तांइसाक्‍व। मिनु आ सेंदा ठेयब खोला आन रेयके खोदेंशो नेंसाक्‍व।

प्रकाश 10:3

मेकोमी गुप्‍स खोदेंशो पा ठेयब सेंदामी ग्रीत। मोपा ग्रीमेनु, ७ ओटा बुंबुमी रेयके पाम्‍तेक्‍म। भजन संग्रह २९:३-९

प्रकाश 11:8

मेको आस बेक्‍शो रां चहिं ठेयब सहर ङा लांमी लीताक्‍से। मेको ठेयब सहर आ ख्रुइश्‍शो नें चहिं सोदोम नु इजीप्‍त माइश्‍शो बाक्‍त। मेको ठेयब सहरमी मुरपुकीमी मेको आस प्रभु कली शीम कांटी थोक्‍शा साइश्‍शो बाक्‍तेक्‍म।

प्रकाश 14:15

मिनु गो अर्को परमप्रभु यावे आ स्‍वर्ग ङा गेय पाइब कली परमप्रभु यावे आ खिं रे ग्रूशो ताता। मिनु मेकोमी गोस्‍स तार बाक्‍ब कली ठेयब सेंदामी “रागी ङा बाली मीशो बाक्‍त। मुल रिक्‍ची ना दुम्‍त। मिनु मुल रिक्‍चा गोवो” देंत। योएल ४:१३; मत्ती १३:३९

प्रकाश 14:8

मिनु परमप्रभु यावे आ स्‍वर्ग ङा गेय पाइब अर्को कामी मेको ङोंइती ङा आ नोले खोइश्‍शा, मेकोमी “बेबीलोन माइश्‍शो ठेयब सहर खतम दुम्‍त। मारदे हना मेकोमी ङोंइती नेल्‍ल रागी ङा मुर आन कली पाप पपाइक्‍तु। रागी ङा मुरपुकी बेबीलोन आ पर्बम परमप्रभु यावे आ गाइश्‍शो ताम्‍तेक्‍म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७

प्रकाश 16:13

मिनु गो ठेयब बुस्‍स, ठेयब जन्‍तु नु जोल पा परमप्रभु यावे आ लोव़ पाइब आन शोव़ रे क्रुक्‍क्रु खोदेंशो वोल सां ग्रूशो तातामी। प्रकाश १२:३

प्रकाश 16:19

मिनु मेको ठेयब सहर सां दुम्‍त। रागी रागी ङा सहरपुकी ब्रेत्‍तेक्‍म। मिनु परमप्रभु यावेमी बेबीलोन ठेयब सहर कली फ्रुक्‍तु। मारदे फ्रुक्‍तु देंशा हना, मेको मुर आन पाप तशा “गो सजाइ गेनुङमी” दे गाइश्‍शा फ्रुक्‍तु। प्रकाश १४:८-१०

प्रकाश 17:18

मिनु इ तशो मीश मुर चहिं ठेयब सहर बाक्‍ब। मेको रागी रागी ङा पिप आन कली सासन पाइब बाक्‍ब” दे शेंताक्‍यी। प्रकाश १८:१०

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।

प्रकाश 18:10

मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८

प्रकाश 18:21

मिनु बोल्‍यो परमप्रभु यावे आ स्‍वर्ग ङा गेय पाइबमी ठेयब यात खोदेंशो फुल्‍लु का क्‍युक्‍तु। मिनु मेको फुल्‍लु कली समुन्‍द्रमी ताइक्‍ताक्‍व। मेको परमप्रभु यावे आ स्‍वर्ग ङा गेय पाइबमी “मेको फुल्‍लु खोदेंशो पा ठेयब बेबीलोन सहर ताइक्‍चा पुंइसीब। मोपतीके मेको सहर गेनायो मथिंसीब। येरमीया ५१:६३-६४

प्रकाश 5:2

मिनु गो सक्ति पाइश्‍शो परमप्रभु यावे आ स्‍वर्ग ङा गेय पाइब का ताता। मेकोमी ठेयब सेंदामी “सुमी मेको ७ ओटा छाप प्रुइश्‍शा, कागज प्राक्‍ने चाप्‍बा?” दे हिल्‍लो पाप्‍तु।