प्रकाश 18:11 - Sunuwar Bible

¹¹ मिनु रागी रागी ङा ग्‍याप्‍ब लेयबपुकी मेको सहर तशा, ङाक्‍शा रोंका पाइनीम। मारदे ङाक्‍शा रोंका पाइनीम देंशा हना, मेको आन लेयचा ङा थोव़क सुइमी मग्‍याप्‍नीम।

प्रकाश 18:11 ပူးပေါင်းရင်းမြစ်များ

हितोपदेस 3:14

मारदे हना तुइक्‍तीके चेम्‍शो चांदी क्‍येङा शुश रिम्‍शो बाक्‍ब। मिनु आ चेम्‍शो सुन क्‍येङा यो शुश क्‍येट लाइब बाक्‍ब। हितोपदेस ८:१०

यसैया 13:19

ठेयब लेश्‍शो कल्‍दी आन दाक्‍शो नु राज्‍य राज्‍य ङा नेल्‍ल क्‍येङा दारशो बेबीलोन कली सोदोम नु गोमोररा खोदेंशो सेल्‍नुङ। उत्‍पत्ती १९:२४-२५

यसैया 47:15

गे नु गेय पाइब मुरपुकी मोदेंशो मुर बाक्‍नीमी। गे आल रेन मेकोपुकी नु ग्‍याप्‍तीक लेयती गेय पाप्‍तीवी। मेको का का पा आन आंम लां खोइक्‍नीम। मिनु इ कली प्रोंइब सुइ मबाक्‍नीम” देंत।

इजीकीएल 27:9

गेबाल ङा खाल्‍पा नु दारशो थोव़क सेल्‍स जोक्‍ब तुइक्‍ब इ आगाम बाक्‍तेक्‍म। मेकोपुकी जहाज ङा बिग्रेशो मार मार सेल्‍ब बाक्‍तेक्‍म। जहाज नु आ गेय पाइब नेल्‍ल इ आगाम बाक्‍तेक्‍म। मेकोपुकीमी लेयतीक नु ग्‍याप्‍तीक गेय यो पाम्‍तेक्‍म। यहोसु १३:५; १राजा ५:३२

सेफन्‍याह 1:11

गे माकतेशम बाक्‍बपुकी रोंका पने। मारदे हना ग्‍याप्‍ब लेयब नेल्‍ल खतम दुम्‍तेक्‍म। चांदी नाक्‍ब नेल्‍ल क्‍याम्‍चा पुंइसाक्‍म। माकतेश यरूसलेम सहर ङा बजार का बाक्‍त।

सेफन्‍याह 1:18

परमप्रभु यावे गाइक्‍ची नाक्‍ती मेको आन चांदीमी मप्रोंइब। मेको आन सुनमी यो मेको आन कली प्रोंइने मचाप्‍ब। मेको आ मी खोदेंशो पा गाइक्‍तीकेमी रागी नेल्‍ल क्रोइक्‍ब। मेकोमी रागीम बाक्‍ब नेल्‍ल आन कली थम मरिम्‍शो पा साइश्‍शा क्‍याम्‍ब” दे परमप्रभु यावेमी देंत। इजीकीएल ७:१९

मत्ती 22:5

तन्‍न ब्रेत्‍चा पुंइसीब नेल्‍लेमी ग्‍युंबे जथ लचा थुं मपथु, का आ रूमी गेय पथ लमाक्‍त, का ग्‍याप्‍तीक लेयतीक गेय पथ लमाक्‍त।

यूहन्‍ना 2:16

मिनु येसुमी परवा लेयब आन कली “एको नेल्‍ल लतीन। आं आफ आ खिं कली ग्‍याप्‍तीक लेयतीक खिं मसेलीन” दे माइक्‍तीमी।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

प्रकाश 18:15

मिनु मेको सहर रे शोंप पाइश्‍शो ग्‍याप्‍ब लेयबपुकी सहर रे ङोन बाक्‍शा, मेको सहर कली गेशो सजाइ तशा हिंतेक्‍म। मिनु मेकोपुकीमी ङाक्‍शा रोंका पशा,

प्रकाश 18:20

मिनु स्‍वर्गमी बाक्‍ब नेल्‍ले ग्‍येरसीने। परमप्रभु यावे आ योव़शोपुकी, ख्रीस्‍त आ सोइश्‍शोपुकी नु परमप्रभु यावे आ लोव़ पाइबपुकी ग्‍येरसीने। मारदे हना, परमप्रभु यावेमी इन कली गेशो श्‍येत आ पर्बम मेको कली सजाइ गेप्‍तु” देंशो नेंता। येरमीया ५१:४८

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

प्रकाश 18:3

मारदे मेको सहर मोदेंशो दुम्‍त देंशा हना, रागी रागी ङा मुर नेल्‍लेमी आ ग्रांग्रा दिचा ङा गेय शेंसीशा मोदेंशो पाम्‍तेक्‍म। मिनु रागी रागी ङा पिपपुकीमी यो मोदेंशो पाम्‍तेक्‍म। मिनु रागी रागी ङा ग्‍याप्‍ब लेयबपुकी मेको सहर ङा शुश थोव़क रे शोंप पाइश्‍शो दुम्‍तेक्‍म” देंत। यसैया ५१:७; नाहुम ३:४

प्रकाश 18:9

मिनु रागी रागी ङा पिपपुकी मेको नु तेल्‍लेम पाम्‍तेक्‍म। मेको आ शोंप यो दाक्‍शो बाक्‍तेक्‍म। मोपतीके मेकोपुकी ग्रोइश्‍‍शो सहर कली तशा, रोंका पा ङाक्‍नीम।