प्रकाश 17:9 - Sunuwar Bible

⁹ रुप्‍ब मुर आन कली एको तुइक्‍तीके लोव़ बाक्‍ब। मेको ७ ओटा पिया ७ ओटा डांडा नम। मेको मीश मुर मेको डांडा तार निप्‍ब। प्रकाश १३:१८

प्रकाश 17:9 ပူးပေါင်းရင်းမြစ်များ

दानीएल 12:4

तन्‍न गे दानीएलमी, एको लोव़ सुइ आन कली मदेनो। एको नोले ङा नाक्‍त कली ब्रेक्‍शो किताब मप्रा‍क्‍थु, छाप थोक्‍शा वोतो। नोले ङा नाक्‍तीम शुश मुर आन थुं मनाइक्‍थु, थमा लोव़ माल्‍शा शुश तुइक्‍ब दुम्‍नीम” देंत। प्रकाश १०:४

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 24:15

परमप्रभु यावे आ खिं ग्रांग्रा सेल्‍नीम, दे परमप्रभु यावे आ लोव़ पाइब दानीएलमी ब्रेक्‍शो लोव़ थमा दुम्‍शो तनीनु ‘पढेबपुकीमी रुप्‍मेक्‍ल’ दानीएल ९:२७, दानीएल ११:३१

प्रकाश 13:1

मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 13:18

मेको जन्‍तु आ नें आ हिक्‍तीक चिन्‍ड आ अर्थ मार बाक्‍मे, दे तुइक्‍चा कली जोक्‍ब तुइक्‍ब थुं माल्‍ब। जोक्‍ब मुरुमी जन्‍तु आ हिक्‍तीक चिन्‍ड तुइक्‍ब, मारदे हना मेको मुर आ हिक्‍तीक नु गारब। मेको हिक्‍तीक चहिं ६ सहे ६६ बाक्‍ब। प्रकाश १५:२

प्रकाश 17:18

मिनु इ तशो मीश मुर चहिं ठेयब सहर बाक्‍ब। मेको रागी रागी ङा पिप आन कली सासन पाइब बाक्‍ब” दे शेंताक्‍यी। प्रकाश १८:१०

प्रकाश 17:3

मिनु मेकोमी आं कली परमप्रभु यावे आ सोक्‍तीमी बाक्‍शा, मुर मबाक्‍तीकेमी लाइक्‍ती। मिनु गो मीश मुर का लल जन्‍तु तारी निश्‍शो ताता। मेको जन्‍तु दोदेंशो तांइसाक्‍व देंशा हना, आ रां नेल्‍ल परमप्रभु यावे कली मरिम्‍शो लोव़ ब्रेक्‍शा वोइश्‍शो बाक्‍त। मेको ७ ओटा पिया नु १० ओटा ग्रोव़ पाइश्‍शो बाक्‍त।

प्रकाश 17:7

परमप्रभु यावे आ स्‍वर्ग ङा गेय पाइबमी चहिं आं कली “गे मारदे छक लाक्‍ङे? मेको मीश मुर नु मेको आ ङोइश्‍शो ७ ओटा पिया नु १० ओटा ग्रोव़ पाइश्‍शो जन्‍तु आस ख्रुइश्‍शो लोव़ गो इ कली शेंनुङ।