प्रकाश 17:4 - Sunuwar Bible4 मिनु मेको मीश मुर दोदेंशो तांइसाक्व देंशा हना, पिप आन फेक्शो खोदेंशो वा नु लल वा फेक्शो बाक्त। सुन, हीरा नु मोती पांइशो बाक्त। मेकोमी सुन के कचौरा कुरशो बाक्त। मेको कचौरा आ तेल्लेम पतीके, ग्रांग्रा दिचा ङा नु मरिम्शो गेयमी ब्रीशो बाक्त। येरमीया ५१:७ အခန်းကိုကြည့်ပါ။ |
प्रकाश 17:4
22 ပူးပေါင်းရင်းမြစ်များ
मिनु सुमी ब्यफ साइक्बा, मेको मुर साइक्ब खोदेंशो बाक्ब। सुमी पाठा का चढ़ेबा, मेको कुचुम आ शुर जिक्ब खोदेंशो बाक्ब। सुमी अन्न चढ़ेबा, मेको पोव़ आ हुश चढ़ेब खोदेंशो बाक्ब। सुमी मिम्शा चढ़ेतीके धूप चोइबा, मेको मूर्ति पूजा पाइब खोदेंशो बाक्ब। मेको आन दला दाक्स पाइनीमी। आन ग्रांग्रा दिशो गेयमी ग्येरसीनीमी। १सामुएल १५:२२-२३
गे परमप्रभु आ रू एदेनम खोदेंशो बाक्ते। गे हीराम ग्योम्सीशो बाक्ते। लल मानीक, हाव पुश्पराज, बुश नु नीलो पन्ना, पीतमनी, लल रङ ङा ओनीक्स, नीलो बिलौरा, बुश नीर, लल फिरोजा नु गिगी बेरूज माइश्शो हीराम ग्योम्सीशो बाक्ते। मिनु मेको हीरा ग्याइक्तीके नु आप्तीके सुन के बाक्तेक्म। गे दुमे नाक्तीन मेको नेल्ल ठीक पशो बाक्तेक्म। प्रस्थान २८:१७-२०; इजीकीएल ३१:८-९; उत्पत्ती २:८
दोदेंशो पा गोरशो रागीमी अङगुर थित्नीमी, मोदेंशो पा गो इस्राएल कली थित्ता। फोव़शी रवामी नेल्ल क्येङा ङोंइती ङा फोव़शी फल सिश्शो खोदेंशो पा गो इन किकी पिपी आन कली थित्तामी। तन्न मेकोपुकी बाल-पेओर गे लाम्तेक्म। मिनु मेकोपुकी आंम कली बाल कली जिम्मा गेसाक्म। मिनु मेको आन दाक्शो मूर्ति खोदेंशो पा ग्रांग्रा दित्चा ङा दुम्तेक्म। ब्यवस्था ३२:१०; गन्ती २५:३
मिनु परमप्रभु यावे आ स्वर्ग ङा गेय पाइब अर्को कामी मेको ङोंइती ङा आ नोले खोइश्शा, मेकोमी “बेबीलोन माइश्शो ठेयब सहर खतम दुम्त। मारदे हना मेकोमी ङोंइती नेल्ल रागी ङा मुर आन कली पाप पपाइक्तु। रागी ङा मुरपुकी बेबीलोन आ पर्बम परमप्रभु यावे आ गाइश्शो ताम्तेक्म” देंत। प्रकाश १८:-; यसैया २१:९; येरमीया २५:१५-१६; येरमीया ५१:७
ကြော်ငြာတွေ