प्रकाश 17:3 - Sunuwar Bible3 मिनु मेकोमी आं कली परमप्रभु यावे आ सोक्तीमी बाक्शा, मुर मबाक्तीकेमी लाइक्ती। मिनु गो मीश मुर का लल जन्तु तारी निश्शो ताता। मेको जन्तु दोदेंशो तांइसाक्व देंशा हना, आ रां नेल्ल परमप्रभु यावे कली मरिम्शो लोव़ ब्रेक्शा वोइश्शो बाक्त। मेको ७ ओटा पिया नु १० ओटा ग्रोव़ पाइश्शो बाक्त। အခန်းကိုကြည့်ပါ။ |
प्रकाश 17:3
26 ပူးပေါင်းရင်းမြစ်များ
मेकोम आ गुइ दिंशा आं चांम ग्याइश्शा छुल पोक्ती। मिनु सोक्तीम आं कली सरीङ नु रागी आस दातेम लाइक्ती। मिनु परमप्रभु यावे आ सोक्तीम आं कली यरूसलेमम लाइक्ती। मेकोमी आं कली परमप्रभु यावे आ खिं ङा उत्तर गे ङा आगा ङा लाङगा आ ओव़तीकेम चाक्ती। मेकेर रुश पपाइक्ब मूर्ति आन बाक्तीके बाक्त। मेकोमी रुश पपाइक्बाक्त। इजीकीएल ३:१२
पिपमी मार दाक्बा, मेको पाइब। मिनु मेकोमी ‘देवी देवता नेल्ल आन क्येङा ठेयब नङ’ देंब। मिनु परमप्रभु नेल्ल आन क्येङा ठेयब परमप्रभु आ पर्बम गेनायो मनेंसीशो मरिम्शो लोव़ पाइब। मेको आ नोले ङा नाक्त मजाक्म सम्म आ माल्शो ताइब। परमप्रभुमी मेको कली सजाइ मगेवा सम्म मोदेंशो दुम्ब। मारदे हना परमप्रभुमी मार पचा मिम्बा, मेको पाइब। २थिस्सलोनिकी २:४; दानीएल ७:८,२५; प्रकाश १३:५-६
मिनु गो मेको ग्रोव़ आन कली रिम्शो पा कोव़ङुनु, मेको आन दातेमी अर्को आइक्च ग्रोव़ का ग्रूशो ताता। मेको आइक्च ग्रोव़ कली बाक्तीक गेचा कली ङोंइती ङा ग्रोव़ सां आन शाक्श सुन्दा एत्तेक्म। मेको नक ग्रूशो ग्रोव़मी मिक्च बाक्तेक्म। मेको मुर आ मिक्च खोदेंशो बाक्तेक्म। मिनु मेको के ठेयब लेश्शा लोव़ पाइब शोव़ का बाक्त। दानीएल ११:३६
ကြော်ငြာတွေ