प्रकाश 17:17 - Sunuwar Bible

¹⁷ मारदे मोदेंशो पाइनीम देंशा हना, परमप्रभु यावेमी आ देंशो थमा दुम्‍पाइक्‍चा कली मेको आन थुं का दुम्‍पाइक्‍तीमी। मिनु मोपा मेको १० जना पिपमी राज्‍य नु सक्ति ठेयब जन्‍तु कली गेनीम। परमप्रभु यावे आ लोव़ खाप्‍चा कली मोदेंशो दुम्‍ब।

प्रकाश 17:17 ပူးပေါင်းရင်းမြစ်များ

एज्रा 7:27

मिनु एज्रामी “परमप्रभु यावे, आंइ किकी पिपी आन परमप्रभु, गे ठेयब बाक्‍नीनी। यरूसलेममी बाक्‍शो परमप्रभु यावे, इन खिं आ मान नु छेङछेङ बारपाइक्‍चा कली पिप आ थुंमी मोदेंशो रिम्‍शो पतीके कुर पाइतीनी।

भजन संग्रह 105:25

परमप्रभुमी इजीप्‍ती आन थुं इस्राएली आन कली काइ मदाक्‍ब सेल्‍मी बाक्‍त। मिनु इस्राएली आन कली काइ मरिम्‍शो पाइब सेल्‍मी बाक्‍त।

हितोपदेस 19:21

मुर आ थुंमी शुश मिम्‍तीक बाक्‍नीम। तन्‍न परमप्रभु यावे आ मिम्‍शो ला दुम्‍ब। हितोपदेस १६:९

हितोपदेस 21:1

पिप आ थुं परमप्रभु यावे आ गुइमी खोला ङा ब्‍वाक्‍कु खोदेंशो बाक्‍ब। दोथ गे लाइक्‍चा दाक्‍ता, मोथ गे लाइक्‍ब। भजन संग्रह ३३:१५

यसैया 45:17

तन्‍न परमप्रभु यावेमी इस्राएल कली श्‍येत रे प्रोंइब। मेको गेना हना यो लीब श्‍येत रे प्रोंइतीकेमी बाक्‍ब। गे गेना हना यो मुने मदोक्‍थु, इन कुल मकिक्‍पाइक्‍नीनी।

येरमीया 32:40

गो मेकोपुकी नु गेना हना यो लीब कबल का पाइनुङ। गो मेको आन कली रिम्‍शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्‍नुङ। मोपा मेकोपुकीम आं कली मप्रोंइनीम। येरमीया ३१:३१-३४

दानीएल 12:7

मिनु मेको आइक्‍ची हांबु बाक्‍ब बुश सुती वा फेक्‍शोमी आ गुइ निम्‍फा सरीङ गे पोक्‍तु। मिनु गेना हना यो ब्रोंइशा बाक्‍ब आ नें थिशा कसम जशो नेंता। मिनु मेकोमी “एको पाला का बाक्‍शो ना, पाला निक्‍शी बाक्‍शो ना नु आधा पाला बाक्‍शो ना कली दुम्‍ब। मिनु परमप्रभु यावे आ मुर आन कली श्‍येत जची ना नु्म्‍मेनु, मेको देंशो लोव़ नेल्‍ल गा‍प्‍ब” दे गेना हना यो ब्रोंइशा बाक्‍ब आ नेंमी कसम जाप्‍तु। दानीएल ७:२५; प्रकाश १०:५-६

लूका 22:22

रागीम जरमेशो कली साइ मोदेंशो दुम्‍चा माल्‍ब देंशो लोव़ नेल्‍ल थमा दुम्‍चा माल्‍त हना यो, ग्‍याइक्‍ब आन कली वारच पाइब कली शुश मरिम्‍शो दुम्‍ब” देंमाक्‍त।

लूका 22:3

मिनु सैतान इस्‍कारीयोत ङा यहूदा आ थुंम ओव़माक्‍त। मेको शेंसीब आन दाते ङा का बाक्‍माक्‍त। यूहन्‍ना १३:२,२७

लूका 22:37

आं पर्बम ब्रेक्‍पाइश्‍शो लोव़ नेल्‍ल थमा दुम्‍चाप्‍तु। मार ब्रेक्‍शो बाक्‍ब देंशा हना ‘मरिम्‍शो पाइब सुइश्‍शा, दोस गेनीम’ दे ब्रेक्‍शो बाक्‍ब। आं पर्बम ब्रेक्‍शो लोव़ नेल्‍ल थमा दुम्‍चा माल्‍ब” देंमाक्‍त। यसैया ५३:१२

यूहन्‍ना 10:35

परमप्रभु यावेमी आ लोव़ नेंब आन कली आ तमी तौ देंब। मिनु मेको किताब ङा लोव़ मक्‍याम्‍सीब। मत्ती ५:१७

यूहन्‍ना 13:18

मिनु येसुमी “गो नेल्‍ल इन पर्बम लोव़ मपाइनुङ। आं योव़शो आन कली तुइक्‍नुङ। परमप्रभु यावे आ ब्रेक्‍पाइश्‍शो लोव़मी मार ब्रेक्‍शो बाक्‍ब देंशा हना ‘आं शोब्‍ले जाइबमी आं कली साइक्‍चा कली आ खोइल क्‍युक्‍तु’ दे ब्रेक्‍शो बाक्‍ब। मुल मोदेंशो दुम्‍चा चिक्‍ताक्‍व। भजन संग्रह ४१:९

यूहन्‍ना 13:2

मिनु येसु नु आ शेंसीबपुकी नाक्‍दो ङा खमे जना जन बाक्‍शो बाक्‍तेक्‍म। आ शेंसीब सिमोन आ तौ इस्‍कारीयोती ङा यहूदा यो बाक्‍शो बाक्‍त। सैतानमी “येसु कली साइक्‍चा माल्‍ब आन कली वारच पावो” दे यहूदा कली मिम्‍पाइश्‍शो बाक्‍त। लूका २२:३

यूहन्‍ना 19:24

मोपतीके मेकोपुकीमी “एको चहिं मखाक्‍य। तन्‍न बाजी ग्‍यारय। मिनु सुम ग्राबा, मेकोमी ताइब” देंमुम्‍तेक्‍म। मो पामेनु “आं वासी योक्‍सीनीम। आं तारी फेक्‍तीक वा कली ‘सुम ताइबा?’ दे बाजी ग्‍यारनीम” दे ब्रेक्‍शो लोव़ थमा दुम्‍त। भजन संग्रह २२:१८

यूहन्‍ना 19:28

मिनु नोले येसुमी “आं गेय पचा नुप्‍त” दे तुइक्‍ताक्‍व। मिनु परमप्रभु यावे आ ब्रेक्‍पाइश्‍शो लोव़ थमा दुम्‍चा कली येसुमी “गो तूतू दाक्‍ती” देंत। भजन संग्रह २२:१५

२ कोरिन्‍थी 8:16

गो परमप्रभु यावे कली “गे रिम्‍शो पाइब बाक्‍नीनी” दे ठेयब सेल्‍नुङ। मारदे हना तीतसमी कोरिन्‍थी इन कली शुश मिम्‍ताक्‍व।

प्रकाश 10:7

मिनु मेको आ कसम जशो लोव़ मार बाक्‍त देंशा हना “नेल्‍ल क्‍येङा नोले ङा परमप्रभु यावे आ स्‍वर्ग ङा गेय पाइबमी तुराही तबानु, परमप्रभु यावेमी आ लोव़ पाइब आन कली ‘मुल रिम्‍ची ना नुप्‍त’ दे ङोंइती रे मशेंशो परमप्रभु यावे आ ख्रुइश्‍शो लोव़ मुल दुम्‍चाप्‍तु” दे कसम जाप्‍तु। प्रकाश ११:१५; प्रेरित ३:२१

प्रकाश 15:1

मिनु गो स्‍वर्गमी अर्को ठेयब नु छक लाक्‍चा ङा चिन्‍ड ताता। मेको चिन्‍ड दोदेंशो बाक्‍त देंशा हना, ७ जना परमप्रभु यावे आ स्‍वर्ग ङा गेय पाइबपुकीमी ७ ओटा श्‍येत गेचशो बाक्‍तेक्‍म। मिनु मेको श्‍येतपुकी नोले ङा बाक्‍तेक्‍म। मारदे हना मेको आन नोले परमप्रभु आ गाइक्‍चा नुप्‍ब। प्रकाश १६:१

प्रकाश 17:13

मेको १० जना पिप थुं का दुम्‍शा, आन सक्ति नु अधिकार ठेयब जन्‍तु कली गेनीम।

प्रकाश 19:9

मेको परमप्रभु यावे आ स्‍वर्ग ङा गेय पाइबमी आं कली “एको लोव़ ब्रेक्‍तो। पाठा आ ग्‍युंबे जचा कली ब्रेत्‍चा पुंइसीबपुकी ग्‍येरसीशो मुरपुकी बाक्‍नीम” दे माइक्‍ती। मिनु मेकोमी लेंशा आं कली “मेको थमा पा परमप्रभु आ लोव़ बाक्‍ब” दे माइक्‍ती। लूका १४:१५

प्रकाश 6:11

मिनु परमप्रभु यावे आ स्‍वर्ग ङा गेय पाइबमी मेको आन कली बुश वा का का फेक्‍चा कली गेप्‍तु। मिनु मेकोमी मेको आन कली “इच्‍का रिम्‍दीन, अर्को इन खोदेंशो पा येसु आ गेय पाइब नु अर्को थमा सुइक्‍ब लोक्‍ब इन बुदी साइक्‍चा पुंइसीमा सम्‍म रिम्‍दीन” देंत।