प्रकाश 17:12 - Sunuwar Bible

¹² मिनु मेको इ तशो १० ओटा ग्रोव़ चहिं मुल सम्‍म सासन पचा मतशो १० जना पिप नम। मिनु मेको आन कली नु ठेयब जन्‍तु कली घन्‍टा का पिप आन अधिकार गेशो बाक्‍ब। प्रकाश १३:१

प्रकाश 17:12 ပူးပေါင်းရင်းမြစ်များ

दानीएल 7:20

मिनु मेको आ पियामी बाक्‍शो १० ओटा ग्रोव़ नु अर्को ग्रोव़ का आ पर्बम रुप्‍चा थुं पाता। मेको ग्रोव़ का ग्रूमेनु, ङोंइती ङा ग्रोव़ सां एत्‍तेक्‍म। मेको ग्रूशो ग्रोव़ के मिक्‍च नु ठेयब लेश्‍शो लोव़ पतीक शोव़ बाक्‍त। मिनु मेको अरु ग्रोव़ आन क्‍येङा ठेयब बाक्‍त। मेको आ पर्बम यो रुप्‍चा थुं पाता।

दानीएल 7:24

मिनु मेको १० ओटा ग्रोव़ आ अर्थ मार बाक्‍ब देंशा हना, मेको राज्‍य रे १० जना पिप ग्रूनीम। मिनु मेको आन नोले अर्को पिप का ग्रूब। मेको ङोंइती ङा पिप खोदेंशो मदुम्‍ब। मिनु मेकोमी पिप सां आन कली फ्रुइक्‍ब। प्रकाश १७:१२

प्रकाश 10:11

मिनु लोव़ पाइब कामी आं कली “गे लेंशा शुश मुरपुकी, शुश रागी, शुश लोव़ ङा मुर नु शुश पिप आन ङोंइती परमप्रभु यावे आ लोव़ नेंपाइक्‍चा माल्‍नेवे” देंशो नेंता। येरमीया १:९-१०

प्रकाश 12:3

मिनु गो सरीङमी अर्को चिन्‍ड का ताता। मेको चिन्‍ड दोदेंब बाक्‍त देंशा हना, ठेयब लल बुस्‍स का बाक्‍त। मेको बुस्‍स के ७ ओटा पिया नु १० ओटा ग्रोव़ बाक्‍तेक्‍म। आ ७ ओटा पियामी ७ ओटा मुकुट गुप्‍शो बाक्‍त।

प्रकाश 13:1

मिनु गो समुन्‍द्र रे ७ ओटा पिया नु १० ओटा ग्रोव़ पाइश्‍शो जन्‍तु का ग्रूशो ताता। मेको आ १० ओटा ग्रोव़मी १० ओटा मुकुट गुप्‍शो बाक्‍तेक्‍म। आ पियापुकीमी चहिं परमप्रभु कली शुक्‍शी पाइब नें ब्रेक्‍शो बाक्‍तेक्‍म। दानीएल ७:३-७

प्रकाश 17:16

मेको इ तशो १० ओटा ग्रोव़ नु मेको ठेयब जन्‍तु मेको तेल्‍लेम आ जोरी सत्रु दुम्‍नीम। मेको कली श्‍येत गेशा, आ फेक्‍शो वा प्रुइक्‍नीम। मिनु आ श्‍ये ब्‍वाइनीम। मिनु आ लीशो नेल्‍ले मीम चोइनीम।

प्रकाश 18:10

मिनु मेको आ श्‍येत तशा हिंशा, ङोन रे कोव़बपुकीमी “आबी, आबी, मेको ठेयब बेबीलोन माइश्‍शो सहर गिश दारशो सेल्‍शो बाक्‍त। मुल चहिं घन्‍टा कामी इ निसाफ दुम्‍त” देंनीम। येरमीया ५१:८

प्रकाश 18:17

तन्‍न मुल घन्‍टा कामी मेको सहर ङा शोंपपुकी खतम दुम्‍तेक्‍म” देंतेक्‍म। मिनु डोंगा चलेबपुकी, डोंगामी गेय पाइबपुकी नु डोंगामी ङोइश्‍शा ग्‍याप्‍ब लेयब मुर नेल्‍ल सहर रे ङोन राप्‍शा, इजीकीएल २७:२७-३६

प्रकाश 18:19

मिनु मेकोपुकी सुर्ता पशा, रोंका पा ङाक्‍तेक्‍म। मेकोपुकीमी “आबी आबी, मेरे ठेयब सहर। मेरे सहर ङा डोंगा आन होव़पपुकी मेरे सहरमी मार मार लेयशा, शोंप पाइश्‍शो दुम्‍शो बाक्‍तेक्‍म। तन्‍न घन्‍टा कामी मेरे सहर जाम्‍शा लत।